hósdagur 22. mars 2018síða 34

VINNUBLAÐIÐ HJÁ MIÐLAHÚSINUM 6 mars 2018 23 Árni Gregersen Fyritøkan Mest er ein mynd uppá, at sjálvt um vit liggja fyri okkum sjálvi í Norðuratlantshavi, so kunnu vit saktans veita tænastur til onnur lond. Seinastu árini hevur nógv verið tosað um í Norðurlandaráðnum, Útnorðurráðnum og øðrum altjóða felagsskapum, um ta virksemi, sum tekur seg upp norðanfyri, nú veðurlagsbroytinganar gera sína ávirkan. Í politiska umhvørvinum verður sagt, at vit eiga at gera Føroyar til ein maritiman miðdepil, sum kann veita tænastur – serliga til alla skipaferðslu, sum fer framvið okkum. Men meðan tosað verður um visjónir á bonaðu gólvunum, so ger Mest nakað við hesi viðurskitini. Mest er ein fyritøka, sum byggir á skipasmiðjurnar báðar í Havn og á Skála, men virksemi er meira enn tað. Skipasmiðjurnar eru á høgum altjóða støði og tær eru framvegis í menning. Mest selir seg á altjóða marknaðinum uppá, at vit liggja mitt millum Skotland, Ísland og Noreg, og at fyritøkan er serkøn í øllum, sum hevur við sjógvin at gera. Mest sigur eisini, at serligu føroysku evnini til at duga at umstilla seg – flexibilitetur – er ein av strkjunum hjá fyritøkuni. Annað virksemi Umframt at byggja og umvæla skip, so hevur Mest eisini eina sera framkomna smiðju í Runavík. Smiðjan er serútgjørd at fáast við rustfrítt stál – nakað sum verður brúkt ómetaliga nógv til framleiðslu innan fiski – og alivinnuna. Smiðjan er í einari 2400 fermetra stórari høll, har tveir triðingur av plássinum verður brúkt til rustfría stálarbeiðið. Av tí at ein so stórur partur av rustfría arbeiðinum fer til fiski-og alivinnuna , so er neyðugt at arbeiði við rustfríum verður gjørt burtur frá øðrum smiðjuarbeiði. Pam offshore Ein annar partur av Mest er Pam Offshore. Pam Offshore veitir tænastu til serliga norska oljuídnaðin. Tann parturin av fyritøkuni leigar fólk til serliga norskar fyritøkur. Fólk við serligum førleikum, Pam sigur, at tey vanliga hava millum 50 og 100 mans til arbeiðis í Noreg, men at arbeiðsstyrkin í Føroyum er munandi størri og at tað sum oftast ber til at finna fólk til so at siga allar uppgávur. Umframt tað, so hevur Mest eisini sleipibátarnar Samson og Pressaran, sum veita tænastur til skipaferðsluna og til alivinnuna í Føroyum. Hetta eru bátar við stórari orku, sum lættliga kunnu flyta, og hj+alpa stórum skipum, sjálvt um veðrið ikki er av tí besta. Mest tekur eisini eitt sindur lut í oljuvinnuni av og á. Fyri nøkrum árum síðani var risastóri boripallurin West Hercules á Skálafjørðinum. Har vóru umvælingar og viðlíkahald gjørt umborð, sum PAM og Mest stóðu fyri. Tað er partafelagið Krúnborg, sum eigur størsta partin av partabrøvunum í Mest, meðan Mouritz Mohr, stjóri, eisini eigur ein part í fyritøkuni. Veita ymiskar tænastur til virksemi í Norðuratlantinum MEÐAN ALMENNAR NEVNDIR HALDA FUNDIR UM AT GERA FØROYAR TIL MIÐDEPIL Í VIRKSEMINUM Í NORÐURATLANTSHAVI, SO GER MEST TAÐ