hósdagur 22. mars 2018síða 37

VINNUBLAÐIÐ HJÁ MIÐLAHÚSINUM 9 mars 2018 23 kundi skipini fiska stívliga 20.000 tons av gull­laksi, men í dag er kvotan umleið 13.000 tons. - Tavan plagar at keypa umleið 10.000 tons av gulllaksi í vertíðini, og okkurt árið keyptu vit stív­liga 12.000 tons, um eg minnist rætt. Hevur gingið væl Nevndarformaðurin dylur ikki fyri, at tað sum heild hevur gingið væl, síðan Tavan sá dagsins ljós í 1994, og øll árini síðan byrjan hevur avlop verið í rakstrinum. - Í fjør høvdu vit eitt avlop á umleið 5,5 miljón­ir krónur. Okkurt ár hevur verið lakari, men vit hava eisini havt onnur ár, har avlopið var væl størri. Jógvan Elias Joensen vísir á, at í Tavuni verður allur gulllaksurin virkaður til fars og lidna vøran, sum verður goymd hjá Bergfrost í Fuglafirði, verður avskipað og send til keypar­ ar­nar gjøgnum alt árið - heilt til vertíðin byrjar aftur í apríl. - Eg haldi, at teir, sum fiska gulllaks, eisini hava verið hampiliga væl nøgdir og alt eftir, hvussu gongdin hevur verið, hevur eisini eydn­ ast at fáa meira upp á ráfiskaprísin. Virki og skip hava brúk fyri hvørjum øðrum og uttan skip og manningar á gulllaksaveiði, hevði einki gull­laksavirksemi verið í Leirvík. Aðrar royndir Umframt at arbeiða gulllaks í summarhálvuni og upsa í vetrarhálvuni, hevur Tavan eisini gjørt ymiskar forvitnisligar royndir. - Eitt skifti seinasta heyst gjørdu vit royndir at arbeiða sild, sum var flakaskorin, skorin í bitar og saltað. Vøran varð í tunnum send til keyp­ara í Svøríki, og afturmeldingarnar haðani vóru góðar. Vit hava gjørt íløgur í maskinur, og eg vænti, at royndirnar at skera og salta sild verða tiknar upp aftur í sildavertíðini næsta heyst. Jógvan Elias Joensen leggur aftrat, at Tavan eisini hevur gjørt royndir við at keypa og salta bris­ling, og tá støddin á fiskinum hevur verið á einar leið, hevur hetta eisini víst seg at rigga. - Tað er altíð trupult at spáa um vinnu, men eg haldi, at útlitini eru góð, tó at mark­naðar­ viðurskifti kunnu broytast. Sum nevndar­ formaður í Tavuni síggi eg ljóst upp á tíðina sum kemur, sigur Jógvan Elias Joen­sen, sum soleiðis hevur gingið undan og verið nevndar­ formaður innan føroyska fiska­fram­leiðslu øll árini síðan 1970. Seyð, neyst og bát Sum 87 ára gamal er Jógvan Elias Joensen klárur sum krystall, og hann kann ikki klaga um heilsuna, tó at hann fyri nøkrum árum síðan varð raktur av krabbameini, sum hann kom burtur úr og gjørdist frískur av við skurð­ við­gerð. - Vit hava regluligar nevndarfundir í Tavuni, og annars hyggi eg inn á gólvið av og á fyri at forvitnast. Er okkurt at tosa um, taka vit ting­ini upp at venda. Eg havi fimm ær at taka mær av, og eg havi neyst og ein lítlan bát við leysa­ motori, og av og á gangi eg mær ein túr, sigur fryntligi og gløggi nevndarformaðurin í Tavuni, Jógvan Elias Joensen. Sum 87 ára gamal er Jógvan Elias Joensen klárur sum krystall, og hann kann ikki klaga um heilsuna Mynd: Vilmund Jacobsen