hósdagur 22. mars 2018síða 38

VINNUBLAÐIÐ HJÁ MIÐLAHÚSINUM 10 mars 2018 23 Árni Gregersen Góðar 900 fermetrar byggir Fiskavirki í Gøtu afturat virkinum. Talan er um eina køligoymslu, sum skal brúkast til at goyma saltfisk í. Higartil er fiskurin goymdur í kølihúsum í Danmark – fyrst og fremstd í Hirtshals. -Vit at byggja egna goymslu spara vit nakað av útreiðslum til hølisleigu og vit kunnu senda fiskin beinleiðis til Rotterdam heldur enn til Hirtshals, sigur Páll Gregersen, stjóri á Fiskavirkinum.. Fiskavirki í Gøtu arbeiðir fyrst og fremst ssaltfisk og hann verður seldur á suðurevropiska marknaðinum. Stórur partur fer til Italia og Spania, men nakað av fiski fer eisini til Grikkalands og til Portugals. Saltfiskur til marknaðirnar suðuri í Evropa er arbeiddur í Føroyum í mong, mong ár og framvegis eru virkir, sum selja saltfisk suðureftir. Meðan fiskurin fyrr kom undan Føroyum og Íslandi, so verður ein stórur partur av hesum fiski keyptur inn frystur, serliga úr Noreg, men eisini frá føroysku trolarunum, sum fiska í Barentshavinum. Deinnu árini hava virkini eisini keypt fisk frá føroysku línuskipunum, sum hava fiskað á Flemish Cap. Gongur skjótt Í Gøtu er tey farin undir at byggja eina køligoymslu. Júst nú verður arbeitt við planeringini, men ætlanin er, at arbeiðið skal ganga so mikið skjótt, at goymslan kann takast í br+úk seint í summar. -Ymisk viðurskifti gera, at vit halda at hetta er ein góð loysn. Vit hava fiskin her hjá okkum sjálvum og vit kunnu veja ta farmaleið úr Føroyum, sum hóskar best til, har fiskurin skal, sigur Páll Gregersen. Á Fiskavirkinum er abriði hvønn dag, so at siga. Feskur fiskur verður arbeiddur, tá ið hann er, men annars verður frysti fiskurin tinaður, so at tað hóskar til eina dagsframleiðslu. Tað tryggjar støðugt arbeiði á virkinum. Í Gøtu er onki skip, sum roynir eftir botnfiski, so virkið er bundið at keypa fisk um uppboðssøluna, umframt frysta fiskin, sum verður keyptur frá skipum ella fyritøkum uttanlands. Byggja køligoymslu til saltfisk í Gøtu FISKAVIRKI Í GØTU ER FARIÐ UNDIR AT BYGGJA EINA NÝGGJA KØLIGOYMSLU TIL SALTFISK Fiskavirkið í Gøtu er farið undir at byggja eina goymslu til saltfiskin í Føroyum Páll Gregersen, stjóri, heldur at tað er ein fyrimunur at hava fiskin á egnunari goymslu