hósdagur 22. mars 2018síða 39

VINNUBLAÐIÐ HJÁ MIÐLAHÚSINUM 11 mars 2018 23 Fyireika seg til nýggju farleiðina úr Havnini SAMSTUNDIS SUM TAÐ ER STÓRT VINNULIGT VIRKSEMI Á SKÁLAFJØRÐINUM ,FYRIREIKAR RUNAVÍKAR KOMMUNA SEG TIL AT UNDRISJÓVARTUNNILIN LETUR UPP Árni Gregersen Sjálvt um stórt virksemi er í Runavíkar kommunu og arbeið til allar hendur, so fyri­ reikar kommunan seg til at nýggja farleiðin millum Skálafjørðin og Havnina verður tikin í brúk í 2020. Eitt er at skipa fyri sjálvari ferðsluni, tá ið hon kemur upp á Rókalandinum, men Runa­ víkar kommuna arbeiðir eisini við at fáa byggi­ lendi til vega. Í nøkur ár hevur tað ligið á láni at gera út­ stykkingar, men nú er ferð komin á. 10 grund­ stykkir vóru sett til sølu í Rituvík herfyri og tey eru øll seld. Ein onnur verkætlan er í Saltangará við 100 grundstykkjum og tey flestu eru longu umbiðin. -Vit mugu staðfesta, at vit eru ein kommuna, sum eru ómetaliga bundin at konjunkturunum, sigur Torbjørn Jacobsen, borgarstjóri. Tað sum hann vísir til er, at nógv tann størsti parturin av inntøkunum hjá kommununi kemur frá tí privata virksemi, sum er. Bara tær báðar fyritøkurnar – Bakkafrost og Faroe Origin – hava yvir 1000 fólk til arbeiðis og harafturat koma so allir undirveitararnir. Tí hevur kommu8nan tað gott, tá ið vinnan hevur tað gott, sigur borgarstjórin. Hann vísir á, at viðhvørt mugu stór tøk takast, tá ið vinnan skal mennast, men hetta má bara vera so. -Skal ein fyritøka hava eitt grundøki, so verður annað lagt til síðis fyri at fáa hetta gjørt. Tí eru onkrar verkætlanir seinkaðar eitt sindur, sigur Torbjørn Jacobsen Stór broyting Í Runavíkar kommunu eru tey vælvitandi um, at tá ið undirsjóvartunnilin letur upp, so verður eitt heilt annað samband millum høvuðsstaðin og Skálafjørðin. -Í veruleikanum fara vit aftur til tíðina, tá ið mjólkabátarnir sigldu millum Havnina og Skálafjørðin. Tá var tilknýtið millum økini sterkt, sigur borgarstjórin. Tá ið nýggja sambandið kemur, fær Havnin aftur tilknýti til Skálafgjørðin, har 6.500 fólk búgva í teimum trimum kommununum, Runa­ víkar, Nes og Sjóvar kommunu. Hesin veruleikin kann lættliga flyta javn­ vágina í Føroyum. Miðstaðarøkið verður styrkt. -Klaksvík er nú næststørsti býur, men tá ið hetta fer at virka, so verður hetta í veruleikanum næststørsta øki í Føroyum. Og tað kann fáa broytingar við sær, sigur borgar­ stjórin í Runavík. Longu nú búgva 4000 fólk í kommuni. Kommunan er væl útbygd á nógvum økjum við einum rímiliga nýggjum skúla við Løkin og einum vælútbygdum ítróttarøki. Kommunan er tó rættuliga spjadd og fevnir um 15 bygdir. Kommunan røkkur úr Æðuvík til Oyndarfjarðar og Elduvíkar og yvir um fjørðin til Skálar. Hetta ger, at ein partur av rakstrinum er heldur dýrari enn hjá øðrum kommunum. Størsta ítøkiliga verkætlanin fyri framman er havnarlagið og vegurin gjøgnum fjørðuna inn móti Bakkafrost. Harumframt skulu út­ stykk­ingar til bústaðir eisini gerast. Eitt annað sum tey eisini vænta, er at størri trýst fer at koma á ansingarstovnarnar. -Men tað er onki at ivast í: hetta er ein kommu­na við nógvari ferð á, sigur Torbjørn Jacob­sen. Nógv var lagt í at byggja nýmótans skúlan í Runavík fyri nøkrum árum síðani Ítróttarøkið við Løkin er at teimum bestu í Føroyum Torbjørn Jacobsen er borgarstjóri í Runavíkar kommunu