hósdagur 22. mars 2018síða 40

VINNUBLAÐIÐ HJÁ MIÐLAHÚSINUM 12 mars 2018 23 Árni Gregersen Sjálv lógin um fyrisiting av sjófeingi kom í gildi 1.januar, men enn er langt eftir á mál til hon virkar. Bæði á sjógvi og á landi bíðar stórur partur av vinnuni eftir, at allar kunngerðir, sum hoyra til lógina verða lýstar, so vinnan veit hvusssu hon skal fyrihalda seg til tað, sum lóggevararnir ætlaðu við lógini. Í Runavík er stóra felagið Faroe Origin, sum hevur tvey virkir, gamla Lynfrost í Runavík og gamla Nyk á Toftum. Felagið hevur eisini seks trolarar – trý pør – sum í størsta mun liva av botnfiskinum undir Før­oy­um – fyrst og fremst upsa. -Tað sum vit stúra mest fyri er, tá ið kvota­ skipanin kemur í gildi 1.januar næsta ár, sigur Jens Pauli Petersen, stjóri í felagnum. Ætlanin var upprunaliga, at kvotaskipanin skuldi koma í gildi 1.januar í ár, men tað vísti seg, at tíðin gekk undan við at fáa lógina sam­tykta í Løgtinginum, so valt var at útseta gildiskomuna av kvotum í staðin fyri fiski­ dagarnar. -Vit halda ikki, at kvotaskipanin fer at gagna nøkr­um. Allar royndir bæði í Føroyum og uttan­lands vísa, at kvotaskipanir elva til snýt, leggur hann afturat. Hann sigur, at alt sum menn kenna til kvota­skipanir vísir, at hon ikki virkar. Ingi Hansen, sum er útgerðarmaður hjá trolarunum hjá felagnum, sigur, at uttan mun til hvussu strangt eftirlitið er, so verður arbeitt uttanum eina slíka skipan. -Sjálvt um eftirlitsfólk verða sett umborð á skipini, so vita vit, at tað ber væl til at arbeiða uttanum. Vit kenna til nógvar søgur um, hvussu tað er gjørt, sigur hann. Sjálvt um eftirlitið verður hert og eftirlitsfólk verða sett umborð á øll skip, so eru enn nógvir ósvaraðir spurningar um hvussu hetta skal virka. -Ja, hvagani fáa teir fólk til hetta arbeiðið og hvør skal gjalda teimum. Skulu tey hava somu løn, sum manningin ella skulu tey lønast øðrvísi, spyr Ingi Hansen. Víst verður eisini á, at arbeiðir eitt eftirlitsfólk leingi saman við einari manning, so kann tað skjótt vísa seg, at loyaliteturin flytur seg, tí við­ kom­andi kann kenna seg sum ein partur av mann­ingini – heldur enn sum eitt eftirlitsfólk. Bíða eftir at lógin um sjófeingi fer at virka FISKIVINNAN Á SJÓGVI OG LANDI BÍÐAR FRAMVEGIS EFTIR AT ÁSETINGARNAR Í FISKIVINNUNÝSKIPANINI AV ÁLVARA FER AT VIRKA