týsdagur 17. apríl 2018síða 13

13 Mánadagur 6. januar 2014 · Nr. 2 Sosialurin Mikudagur 18. apríl 2018 · Nr. 44 Hugskot og viðmerkingar – send sms til 225000 DART Tróndur Arge Myndir: Jann í Giljum Fyrr í vikuni bleiv hann 40 ár og nú er hann aftur FM vinnari. Remy Gardlykke er stóra navnið í føroyskum dart, sum av álvara hevur fingið vind í seglini seinastu ár­ini. Aftur í ár bleiv finaluumfarið víst beinleiðis á stroymingini hjá Kring­varpinum. Tað er annað árið á rað. Hesa ferð var finaluumfarið í Fuglafirði, meðan tað í fjør var á Sandoynni. Sagt verður úr Fugla­ firði, at nógv varð gjørt burturúr fyri­reikingunum og at hetta sást aftur, tá kappingini fór fram. Seinastu árini hevur dart verið í stórari framgongd, har tað nú javnan verður kunnað um gongd­ ina, eitt dratsamband er sett á stovn, umframt at Føroyar hava spælt tveir landsdystir móti Íslandi. Favorittarnir í finaluni Í einmansleiki hjá monnum, høvdu 32 teir bestu tryggjað sær atgongd til FM-endaspælið. Longu í bólkaspælinum snávaðu fleiri av hægst styrkismettu spælar­un­um. Hvørki Bogi Isaksen, Uni Árting ella Hans Eivind Olsen megn­aðu at vinna sín bólk og føroya­meistarin frá 2017, Jón Johan­sen, endaði á triðja plássi í sín­um bólki. Hetta hevði millum annað við sær, at Jón Johansen úr vágum, og klaksvíkingurin, Bogi Isaksen, hittust longu í 1/16 finaluni. Her vann Bogi Isaksen tættan og spenn­ andi dyst 3-2. Eftirfylgjandi tapti Bogi Isaksen í 1/8 finaluni móti Hera Kallsoy, meðan Hans Eivind Olsen tapti fyri Jan McIntosh. Longu í 1/8 finaluni vóru longu tveir av topp fimm í styrkismetingini útslidnir. Remy rakti dagin Í fjórðingsfinaluni brustu tveir av favorittunum saman, Uni Árting (HDF) og Remy Gaardlykke (D16). FM favoritturin, Remy Gardlykke, hevði spælt sera væl allan dagin. Hann helt fram at spæla á høgum stigi, og vann ein greiðan 4-1 sigur á Una Árting. Jan McIntosh (HDF) vísti eisini styrki í fjórðingsfinaluni við sett­um á 15, 16 og 17 pílar. Martin Heldar­ skarð (KDF) og Jan Erik Fjall­stein (VDF) vunnu báðir 4-3 í hvør sínari fjórðingsfinalu og so vóru hálv­ finalurnar mannaðar. Martin óvæntað í hálvfinaluni Mest óvæntaði maðurin í hálv­ final­unum var Martin Heldar­skarð. Hann skuldi royna seg móti Remy Gardlykke. Martin Heldarskarð legði hart út við at vinna fyrsta settið og hevði eisini møguleikan at leggja seg á odda 2-0, men tók ikki av. Eftir hetta hevði FM favoritturin tamar­hald á dystinum og vann 4-1, hóast avbjóðarin fylgdi væl við í teim­um flestu settunum. Í hinari hálvfinaluni hittust Jan Mc­Intosh og Jan Erik Fjallstein. Jan McIntosh var greiður favorittur og vann eisini fyrsta sett, men Jan Erik Fjallstein javnaði til 1-1. Eftir hetta var Jan McIntoshn, sum er styrkis­ mettur sum nummar tvey til kapp­ ingina, tó klárt tann betri og vann 4-1. Finalan var sostatt millum teir báðar hægst styrkismettu spælar­ ar­nar, Remy Gaardlykke og Jan Mc­Intosh. Tveir góðir spælarar í eini góðari finalu. Tað stóð javnt 1-1, eftir tvey sett. Síðani setti Remy Gard­lykke trumf á og vann 5-1. Hesi fýra settini var hann stórspælandi og vann finaluna uppiborið. Remy Gard­lykke er enn eina ferð FM vinnari í dart. Jan og Petur spæla best saman Til tvímansleikin høvdu 29 pør meld­að til. Tey átta styrkismettu pør­ini megnaðu nærum øll at spæla seg fram til fjórðingsfinalurnar. Í fjórð­ingsfinaluni fullu silvur­vinn­ ar­ar­nir frá 2017, Bogi Isaksen & Kris­tian Joensen (KDF). Í fyrru hálvfinaluni spældu Remy Gaardlykke & Petur Thomsen (D16) móti Hans Eivind Olsen & Hera Kallsoy (Team Sandoy). Her var greiður munur á pørunum, so Remy Gardlykke & Petur Thomsen vun­nu 4-0. Í seinnu hálvfinaluni spældu Jan McIntosh & Uni Árting (HDF) móti Ólavi Ellingsgaard & Esmar Mikkel­sen (Pílar & skot). Hesin dyst­urin var heldur javnari, men til end­an vunnu Jan McIntosh & Uni Árting 4-2. Finalan gjørdist sostatt ein endur­tøka av hálvfinaluni í 2017, tá Jan McIntosh & Uni Árting gjørd­ ust føroyameistarar. Hesaferð meg­ n­aðu Remy Gardlykke og Pæt­ur Thomsen at fylgja við til 2-2, men so gekk ikki meir. Jan Mc­Intosh & Uni Árting vunnu finalu­na 5-2 og endur­vunnu harvið føroya­ meistara­heitið. Einmansleikur kvinnur Í einmansleiki hjá kvinnum, høvdu átta tær bestu tryggjað sær at­ gongd til FM-endaspælið. Lýdia á Smið (Kaldbak) hevur alt kappingarárið skarað framúr og tey flestu roknaðu við, at hon fór at vinna FM. Í bólkaspælinum hjá kvinnum vann Elisabeth Nicolajsen (Team Sand­oy) á Lýdiu á Smið. Tí bleiv nakað av spenningi í. Elisabeth Nicolaj­sen mundi tó snávað í fjórðings­finaluni móti Gunnbjørg Dam (VDF), men vann til endan 3-2 og vann síðan hálvfinaluna 3-0 móti Joan Edvør Thomasen (VDF). Lýdia á Smið vann greitt sína fjórð­ ings­finalu, men fekk harða mót­ støðu í hálvfinaluni frá Anniku Joen­sen (Team Sandoy). Lýdia á Smið megnaði tó at vinna 3-2, og so skuldu Lýdia og Elisabeth aftur hittast í finaluni. Elisabeth Nicolajsen vann eisini fyrsta settið í finaluni, men so rakn­aði Lýdia á Smið við, og vann finalu­na 4-1 og gjørdist harvið føroya­meistari. FM í dart: REMY AFTUR BESTUR Remy Gardlykke er aftur besti dartspælarin í Før­oy­um. Tann nú 40 ára gamli lands­ liðs­spæl­ar­in vann FM finaluumfarið, sum var í Fuglafirði um vikuskiftið Kvinnur fv: Annika Joensen, Elisabeth Nicolajsen, Lýdia á Smið og Joan Edvør Thomasen Menn fv: Jan Erik Fjallstein, Remy Gaardlykke, Jan McIntosh og Martin Heldarskarð Tvímansleikur fv: Jan McIntosh og Uni Árting