hósdagur 19. apríl 2018síða 28

VINNUBLAÐIÐ HJÁ MIÐLAHÚSINUM 4 apríl 2018 20 Árni Gregersen Sunda kommuna telir 11 bygdir og landa­ frøðiðiliga fyllir kommunan nógv í Streymoynni og Eysturoynni. Tær heilt stóru vinnufyritøkurnar í Føroyum halda ikki til í kommununi, hóast har er ómeta­ lga nógv virksemi. Kommunan sjálv er eisini virkin og tyngsta takið, sum nú verður tikið, er byggingin av nýggja skúlanum og ítróttarhøllini á Oyra­ bakka. Tá ið næminarnir hava hildið summarfrí í 2020 og koma aftur í skúlan, tá byrja tey í nýggja skúlanum. Tað er fyritøkan hjá Jóan Petur Vang, sum stendur fyri arbeiðnum og fyri­tøkan skal vera liðug við sítt á nýggjárinum 2020. Tá ið so skúlin byrjar aftur eftir summar­frí­ tíð­ina er alt liðugt,- eisini uttanum – og skúlin er klárur at taka í nýtslu. -Tað verður stórbroyting í kommununi, tá ið vit fáa nýggja skúlan og høllina, sigur Heðin Zachariassen, borgarstjóri. Hann sigur, at skúlin fer at vera ein opin skúli, sum ikki letur aftur, tá ið næmingarnir fara til hús. Hølini skulu brúkast til ymisk tiltøk og ítróttarhøllin er framvegis ein partur av skúla­num. Tað verður soleiðis, at yngstu næminarnir upp til og við 9.flokki fara at halda til í nýggja skúla­num, meðan 10.flokkur og musikskúlin fram­vegis fara at halda til í gamla skúlanum. Seinastu árini hevur skúlin á Oyrabakka havt eitt samstarv við skúlarnar á Strondum og í Fuglafirði. -Hetta er ikki nakað, sum kommunan hevur funn­ið uppá. Hetta kom sum eitt initiativ frá skúla­leiðslunum, sum kommmunurnar, so søgdu ja til, sigur borgarstjórin. Samstarvið er á ymsum økjum, men millum annað hava skúlarnir í felag spælt leikin Tar­ zan í vetur. Hetta hevur verið eitt upplivilsi, sum næminganrir neyvan høvdu fingið, var sam­ starvið ikki fingið í lag. Ætlanin er eisini, at í samband við ítróttar­ høllina verður eitt kafeteria, har til fer at bera til at keypa eina lættari máltið. Svimjjihøll er eisini í økinum og hon verður ógvu­liga nógv brúkt longu nú. Virkin kommuna við 11 bygdum mitt í Føroyum SUNDA KOMMUNA FÆR IKKI TÆR STÓRU INNTØKURNAR FRÁ STÓRUM FYRITØKUM, MEN HELDUR PERSÓNSKATT FRÁ VIRKNUM BORGARUM Í KOMMUNUNI Heðin Zachariassen er borgarstjóri í Sunda kommunu