týsdagur 9. november 2004síða 13

24 Nr. 214 - 9. november 2004 Vænta framvegis at suðuroyingar spæla við Landsstýrið væntar at suðuroyingar vilja spæla við. Men vilja kommunurnar í Suð- uroy ikki tað, kann landsstýrið ikki byggja røktarheim, men tað kann undir øllum umstøðum flyta miðnámsskúlan og heilsuskúlan til Hovs SKÚLAR OG RØKTARHEIM Àki Bertholdsen aki@sosialurin.fo Vit vænta framvegis, at kommunurnar í Suðuroynni síggja tað skilagóða í hes- um og vilja spæla við. Jòannes Eidesgaard, løg- maður, er sannførdur um, at tann besta loysnin fyri Suð- uroynna er at taka undir við ætlanini hjá landsstýrinum um at flyta ætlaða mið- námsskúlan í Vági til Hovs og at byggja hann í einum depli har, saman við heilsu- skúlanum, sum annars var markaður til Tvøroyri. Afturfyri skal so eitt røktarheim til 35 fólk byggjast í Vági á stykkin- um, sum nú er grivið út til miðnámsskúla. Hendan ætlanin sá dags- ins ljós 11. septembr, tá ið ið varð løgd fyri Vágs Bý- ráð, sum ógvuliga avgjørt vísti henni frá sær, serliga við atliti til at flyta skúlan. Men fyrsta november skrivaðu teir báðir Lands- stýrismenninir, Hans Pauli Strøm og Jògvan á Lakjuni, øllum kommunum í Suð- uroy bræv, har teir gjørdu greitt, at landsstýrið stóð við ætlanina og teir vónaðu, at kommunurnar tóku undir við henni, so at hon kundi gerast veruleiki. Eftir tíðarætlanini hjá samgonguni, skulu mið- námsskúlin, heilsuskúlin í Hovi og røktarheimi í Vági standa liðugt í 2007. Vit hava spurt løgmann um hetta ikki beinleiðis er at leggja seg út í valstríðið uppundir kommunuvalið í dag. Tað undrar hann ikki, at onkur uppfatar tað soleiðis. Men hann sigur, at tað passaði seg soleiðis og tað var ikki soleiðis, at brævið til kommunurnar skal skiljast. – Við hesum brævinum vildu vit gera púra greitt, at hetta var ikki eitt tomt lyfti. Hinvegin ásannar løgmaður eisini, at samgongan átti at havt sett seg í sambandi við allar kommurnar frá fyrsta degi. Vónandi vilja suð- uroyingar spæla við Annars vónar løgmaður framvegis, at kommunurnar í Suðuroynni vilja spæla við, tí hann er sannførdur um, at hetta er tann besta loysnin fyri Suðuroynna. Kortini ásannar hann, at vilja kommunurnar í oynni ikki vilja vera við í eini ætl- an um at byggja røktar- heim, verður onki røktar- heim bygt, tí kommunurnar skulu betala helvtina av kostnaðinum. – Sostatt kann landsstýr- ið ikki byggjarøktarheim av sínum eintingum of senda rokningina til kommun- urnar, staðfestir løgmaður. Í brævinum til kommun- urnar í Suðuroy ásannar landsstýrið, at Suðuroyggin er í eini serligari støðu og tí er landsstýrið sinnað at finna ein fíggingarhátt, sum er so lagaligur, at tað verður fíggjarliga gjørligt hjá øllum kommununum í oynni at vera við. Í hesum liggur ikki at kommunurnar sleppa undan at betala sína helvt. – Hetta skal skiljast so, at landsstýrið er sinnað at finna eina skipan, har av- dráttartíðin hjá kommunun- um kann toyggjast yvir so nógv ár, at tað verður fíggj- arliga gjørligt hjá kommun- unum. Men hevur Vágs Komm- una brúkt pengar uppá stykkið til miðnámsskúlan, kunnu teir pengarnir so- statt verða ein partur av tí, sum kommunan annars skuldi betalt til eitt røktar- heim. Spurningurin er so, hvat hendir, at um kommunur- nar í Suðuroy ikki taka und- ir við ætlanini. –Vit vóna og vænta fram- vegis, at málið verður loyst í sátt og semju. Og vera kommunurnar ikki við, kann onki røktarheim ger- ast. Hinvegin eru skúlarnir báðir ein landsuppgáva burturav og teir kann landið sostatt byggja, har sum landið vil. – Og vilja kommunurnar ikki vera við, er tað avgjørt ein møguleiki at landið einsamalt tekur avgerð um at byggja skúlarnar í Hovi og at Vágs Kommuna so ístaðin fer endurgjald fyri útreiðslur, sum hon hevur havt av stykkinum til mið- námsskúlan. Hann leggur tó dent á, at ongin avgerð er tikin um hetta í landsstýrinum, men vit standa fast um, at fræg- asta loysnin fyri miðnáms- skúlan, heilsuskúlan og røktarheimi er tann loysnin, sum vit hava skotið upp. Á býráðsvalinum á Tvøroyri er spurning- urin um javnaðar- flokkurin fær meiri- lutan einsamallur og um tað eydnast sam- bandsflokkinum at fáa tveir býráðslimir BÝRÁÐSVAL Áki Bertholdsen aki@sosialurin.fo Býráðsvalið á Tvøroyri verður meiri spennandi hesuferð, enn tað hevur verið leingi. Javnaðarflokk- urin hevur havt trý umboð í býráðnum av teimum sjey, sum hava verið. Men ongin dylir fyri, at teir hava sett nøsina upp ímóti at fáa fjórða mannin hesuferð og sostatt meirilutan einsa- mallur. Jokarin í hesum royndun- um er Kristin Michelsen, sum akkurát er komin upp í javnaðarflokkin og sum fekk nógvar atkvøður seinast. Men tað dylist heldur ikki, at tað hevur verið eitt sera umstrítt floksskiftið, tá ið Kristin Michelsen kom uppí javnaðarflokkin, tí hann er kendur tjóðveldis- maður og tað eru eisini tey, sum stúra fyri, at hetta kann koma at geva baksláttur, at hann nú knappliga er at finna í javnaðarflokkinum. Hinvegin hevur sam- bandsflokkurin sett øll segl til fyri at fáa tvey umboð í býráðið hesuferð. Jaspur Vang hevði eitt sera gott løgtingsval, har hann enntá varð varamaður hjá Johan Dahl í løgtinginum og sam- bandsmenn vóna, at hendan effektin fer at verða munur- in á býráðsvalinum í dag. Hinvegin er Finnleif Gutte- sen býráðslimur og hann hevur eisini verið borgar- stjóri í tvey ár. Á uttanflokkalistanum verður mett, at Bergur Bærendsen og Dan Nielsen hava góðan møguleika at verða afturvaldir, men eisini Karolina Enni, kann vísa seg at verða drúgv. Í hesum valskeiðnum hevur uttanflokkalistin sitið í andstøðu og tað er ikki ein leiklutur, sum hevur hóva teimum serliga væl, tí teir føla at teir hava fingið ov lítla ávirkan á tað, sum fyriferst í býráðnum. Tí eru tað eisini fleiri røddir frammi um at í næsta valskeiði skal býráðið helst koma burturfrá gamla mynstrinum við meiriluta og minniluta. Ístaðin skulu allir flokkar við í eina samgongu. Men spurningurin er, hvussu verður, tá ið av- tornar, serliga tá ið borg- meistari skal veljast. Tá ið hendan samgongan varð skipað, var tað ein stórur knútur at loysa og tað end- aði við, at Finnleif Guttesen og Kristin Michelsen býttu valskeiðið ímillum sín. Tað er ringt at fáa nakrar ábendingar um, hvørjir evni eru til borgarstjóran. Fær javnaðarflokkurin borgar- stjóran, kann tað verða Kristin Michelsen. Men hinvegin er heldur ongin ivi um, at tað fer at smakka nógvum javnaðarvejarum illa at velja hann til borgar- stjóra, nýkomin í javnað- arflokkin. Eitt annað gott boð er so Pauli Einarsson, sum er gamal í garði í javnaðar- flokkinum. Sverri Midjord liggur altíð framvið, men hann er farin um tey sjeyti og spurningurin er um javn- aðarflokkurin ikki heldur velur ein borgarstjóra við framtíðini fyri sær. Tað skilst eisini, at heldur ikki sambandsflokkurin hevur nakað greitt borgar- stjóra evni frammanundan. Har verður tað helst avger- andi, hvør fær flestar at- kvøður. Men sambandsflokkurin kann skjótt koma í eina lyklastøðu, tí fær javnaðar- flokkurin tríggjar mans, kann sambandsflokkurin gerast tungan á vágskálini og tað er uttan iva ein leiklutur, sum teir fara at gera fulla nyttu av. Hinvegin verður ikki mett serliga sannlíkt, at sam- gongulistin fær býráðs- formannin. Men Eisini sam- gongulistin kann gerast tungan á vágskálini, fær javnaðarflokkurin bara tríggjar mans í býráðið, so tað kann væl henda, at borgarstjórin verður ein spurningur um, hvør dugir at spæla síni kort best, sam- gongulistin ella sambands- listin. Um tað er alt tað taktiska spælið ella nervar, sum eru orsøkin, skal vera ósagt, men ein sannroynd er tað, at valstríðið á Tvøroyri hevur verið merkiliga deydligt. – Vit kunnu ikki ikki byggja røktarheim í Suðuroy ímóti viljanum hjá kommununum. men vit kunnu byggja skúlar har vit vilja. Men vit vóna framvegis, at kommunurnar í Suðuroy taka undir við okkum, tí hetta er tann besta loysnin fyri oynna, sigur Løgmaður Stór óvissa á Tvøroyri Valstríðið á Tvøroyri hevur verið merkiliga deydligt, men um tað eru nervar ella taktiskt spæl, skal vera ósagt FSF vil nú hava feløgini at taka støðu til, um kappingarárið skal broytast soleiðis, at fleiri umfør skulu spælast í landskapp- ingini, færri í steypa- kappingini og at summarsteðgurin skal strikast FÓTBÓLTSÁRIÐ Jákup Mørk Tað er ein stórur spurning- ur, sum Fótbóltssambandið fer at leggja fyri fótbóltsfel- øgini á árliga eftirmetingar- fundinum, sum verður leygardagin. FSF fer at leggja fyri feløgini uppskot um, at fótbóltskappingin verður radikalt broytt, um sammett verður við tað, sum hevur verið galdandi mongu tey seinastu árini. Tá ið landsliðið var í Sveis fyrst í september, segði Bjarki Mohr, formað- ur í kappingarnevndini, at møguleikin at strika summ- arsteðgin, økja um umfør- ini í landskappingini og sleppa bólkaumfarinum í steypakappingini hevði verið umrøddur í Fótbólts- sambandinum. At møgu- leikin hevði verið umrødd- ur komst ikki minst av, at tað leingi hevur verið mett, at tað er alt avgerandi fyri menningina av føroyskum fótbólti og harvið møgu- leikanum at røkka betri úr- slitum í altjóða kappingum, at spælararnir heima á landi eru við í fleiri tøttum og týdningarmiklum dystum. Danski leisturin FSF fer at leggja uppskot um broytingar fyri feløgini nú leygardagin. Tilfarið, sum skal viðgerast á fund- inum, verður sent feløgun- um undan fundinum. Mill- um tilfarið verður fullfíggj- að uppskot um broytingar í kappingini. Um tað fer at vísa seg, at feløgini eru sinnað at taka undir við nýggjari skipan, so verður kappingin broytt longu í vár. Um feløgini ikki verða sinnað leygar- dagin at taka undir við upp- skotinum, so er tað lítið sannlíkt, at talan verður um serligar broytingar næsta ár. Skotbráðið frá ársaðalfund- inum og til kappingarbyrj- an verður ov stutt at gera broytingar í. Um uppskotið hjá FSF fer at vinna frama, so fer før- oyska landskappingin at líkjast henni í Danmark. Har er tað soleiðis, at feløgini í hvørjum kappingarári hitt- ast tríggjar ferðir í lands- kappingini. Tað vil siga, at feløgini móti summum mót- støðuliðum spæla tvær ferð- ir á heimavølli og eina ferð á útivølli, og móti øðrum spæla tvær ferðir á útivølli og eina ferð á heimavølli. Í nýggja uppskotinum verður lagt upp til, at tað fyrsta av teimum 27 umfør- unum í landskappingini verður spælt 2. páskadag, sum verður 26. mars, og at síðsta umfarið verður spælt 27. oktober. Í ár var tað fyrsta av átjan umførum 25. apríl, og síðsta umfarið var 2. oktober. Um tað skal ganga upp við 27 umførum í lands- kappingini í staðin fyri átjan, so verður neyðugt eisini at gera aðrar broyt- ingar. Ein er, at bólkaum- farið í landskappingini verður strikað, og ein onnur er, at summarsteðgurin í landskappingini verður strikaður. Í steypakappingini er ætl- anin, at tað skal spælast eft- ir cup skipanini frá fyrsta umfari av. Tjúgu feløg eru, og sekstan teirra skulu taka lut í áttandapartsfinaluni. Tað vil siga, at átta feløg skulu dystast um fýra pláss. Í Danmark eru feløgini flokkað eftir styrki, soleiðis at tey bestu ikki eru við í landskappingini beinanveg- in. Enn er ikki greitt, hvussu tað verður við hes- um í føroysku steypakapp- ingini. Hjá feløgunum, sum hava luttikið í Europa Cup og/- ella steypafinaluni, hevur summarsteðgurin seinastu árini verið lítil ella eingin. Um tað eisini skal spælast í juli í landskappingini, so verður neyðugt við fleiri justeringum orsaka av Europa Cup. Hetta verður ikki mett at gerast nakar stórur trupulleiki. Nr. 214 • týsdagur • 9. november 2004 • 78. árgangur • www.sosialurin.fo Longri landskapping og ongan summarsteðg Í nýggja uppskotinum verður lagt upp til, at tað fyrsta av teim- um 27 umførunum í landskappingini verður spælt 2. páskadag, sum verður 26. mars, og at síðsta umfarið verður spælt 27. okt. C M Y K 25 24