mánadagur 23. apríl 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 23. apríl 2018 · Nr. 46 Hósdagin 26. apríl klokkan 13 verður fyrsta opna uppboðssølan av fiskirættindum, tá seld verða 25.000 tons av svartkjafti. Vinnulívið áhuga fyri teimum ungu Klaksvíkar kommuna vil nú knýta vinnulív og ungdóm tættari saman Vilmund Jacobsen Á aðalfundi hjá Klaksvíkar Vinnulívsráði herfyri greiddi Durita Samuelsen, sam­ skipari, frá verkætlanini “Ung í arbeiði”, sum í ár verð­ ur skipað við ávísum broyt­ ing­um í mun til undanfarin ár. - Arbeiðsplássini í “Ung í arbeiði” hava undanfarin ár verið hjá kommunalum deild­um og stovnum, men í ár verða arbeiðsplássini hjá priv­atum fyritøkum eisini part­ur av verkætlanini. Fyri at seta ungu arbeiðs­ tak­ararnar í tey størv, sum hóska seg best til júst teirra dygdir og áhugamál, skulu allir umsøkjarar til samrøðu. Her verður spurt um áhuga­mál og møguligar roynd­ir, og við hesum kunnu arbeiðstakarar og ar­beiðs­ gevarar “parast” so væl sum gjørligt - til frama fyri upp­ livingina hjá báðum pørtum. Áhugin fyri verkætlanini tóktist stórur millum um­ boðini fyri vinnulívið. Tummas Lervig, formaður í havna- og vinnunevndini hjá Klaksvíkar kommunu, fegnast um verkætlanina, sum við hesum knýtir ung­ dómin og vinnulívið tættari hvør at øðrum. Vælkomið fuglavað! Vilmund Jacobsen Ivaleyst eru mong tekin um, at náttúran í havinum er við okkum aftur, og at vit tí kunnu vænta okkum nøkur góð fiskiár, um góðu umstøðurnar við gróðuri, nebbasild og æti halda fram. Í gjár legði Abraham Mikladal nakrar myndir út á Facebook-síðuna - Fuglar í Føroyum. Myndirnar vísa eitt velduga stórt fuglavað út fyri brimgarðinum í Leirvík við fleiri enn 3000 havhestum. Sjálvur skrivar Abraham Mikladal, at hetta er eitt satt havhestavað - og at her eru fleiri enn 3200 havhestar í vaðnum út fyri Leirvíksbygd. Ein, sum viðmerkir á tráðnum hjá Abrahami Mikladal, er eingin minni enn Andrias J. Reinert, sum gjøgnum mong ár og nærlagdur hevur fingist við lív í havinum og uppi á landi. Andrias J. Reinert var í fleiri ár stjóri í Fiskaaling, og orðini hjá honum á tráðnum eru hesi: - Vælkomið fuglavað, mong hava longst eftir teg aftur at sæð!  Havstovan hevur gjørt eina talvu - strikumynd - sum eitt nú lýsir vistskipanina á landgrunninum síðan 1980. Á strikumyndini sæst eitt nú, at nógvir pílar í løtuni peika rætta vegin, hvat havumhvørvinum um okkara leiðir viðvíkir. Her sæst nevniliga, at kurvar við bæði nebbasild, smáum djóraæti og gróðuri peika beint upp eftir, og tað má sigast at vera hugaligt eftir fiskaloysi í fleiri ár. Osmund Justinussen segði herfyri, at vit ikki longur kunnu tosa um, at fiskurin fer at koma aftur. - Fiskurin er komin aftur, segði maðurin, sum hevur fingist við fiskivinnu tað mesta av einari hálvari øld. EINKI VATN: Orsaka av arbeiði upp á vatnleiðing við Laksá í Vági verður stongt fyri vatninum klokkan 9 týsmorgunin, 24. apríl. Hetta kemur at ávirka brúkarar yviri við Kráir, Ósagarð, Bakka (Kráarveg og Eggjarveg), Líðina (Líðarveg) og inni á Oyrunum. Stongt verður, til arbeiðið er liðugt. Nóllywood vendir aftur til røturnar Hetta verður níggjunda árið, at tiltakið verður, og í ár verða umstøðurnar heilt serligar, tí nú vendir Nóllywood aftur til røturnar Vilmund Jacobsen Í ár verður filmsskúlin - Nóllywood - hildin í Nólsoy í døgnum, 1.-8. juli. Men, hvat er Nóllywood? Nóllywood er eitt films­ skeið fyri ung millum 14 og 18 ár. Luttakararnir búgva og arbeiða saman í eina heila viku, har tey fáa inn­lit í ástøði í filmsgerð og møgu­ leikan at gera filmar í felag. Á skeiðnum verða sterk vinarbond knýtt, og luttak­ ar­arnir læra ein heilan hóp. - Vilt tú læra at gera film? Vilt tú læra at skriva eitt films­leikrit, at taka film upp og klippa ein film saman? Um hetta er tín áhugi, ert tú vælkomin at melda teg til films­summarskúlan Nólly­ wood.  Í ár verða umstøðurnar heilt serligar, tí nú vendir Nólly­wood aftur til røturnar. Filmsskúlin verður nevni­ liga í Nólsoy, tilmeld­ing­ar­ freist­in er sett til 15. mai, og tað er avmarkað pláss á films­skúlanum. Um spurningar ella iva­ mál eru, eru fólk vælkomin at seta seg í samband við Klipp­fisk, sum stendur aftan fyri Nóllywood. Myndina av Norðborg, sum her liggur í Ánunum, eigur Dávur Winther