mánadagur 23. apríl 2018síða 18

Mánadagur 23. apríl 2018 · Nr. 46 18 Sosialurin Hugskot og viðmerkingar – send sms til 225000 FLOGBÓLTUR Sjúrður H. Hoydal Eftir tvær tættar og spennandi finalur móti Neistanum, gjørd­ ist H71 føroyameistari í mans­ hondbólti 2018. Hetta hendi, tá ið H71 vann 21-19 á heimavølli, eftir at fyrsti finaludysturin var endaður við javnleiki 25-25. Tað stóð á jøvnum millum liðini heilt til seinastu minuttirnar av seinnu finaluni, tá ið tað brádliga eydnaðist hoyvíkingum at leggja seg tvey mál framum, 20-18, eftir at teir í tveimum førum revsaðu at Neistamenn spældu uttan málverja. Hendan munin fekk Neistin ikki tikið aftur, og endin varð, at hoyvíkingar kundu fegnast um 21-19 sigurin og føroyameistaraheitið. Í upptaktini til finalurnar var víst á, at smálutir og málverjuavrik kundu gerast sera avgerandi, og júst so varð. Annar dysturin kundi lætt­ liga verið koppaður til Neistan, um bet smálutir fullu øðrvísi. Men hondbóltur kann vera órættvísur og kanska hevði rætt­ vísast verið at bæði liðini fingu gull­ heiðursmerkini. Men smálutirnir eru eirindaleysir, og Neistin má ugga seg við at liðið fyri fyrstu ferð í eitt longri ára­mál er aftur í oddastríðnum í før­ oyskum manshondbólti. Ári Dam: Tað ráddi um at halda høvdið kalt Undan finalunum, var sjóneykan sett á Neistamálverjan, Nicholas Satch­well, ið eisini spældi tvær fínar finalur, men eftir dystin var tað hoyvíksmálverjin, Ári Dam, ið gjørdist ímyndin av avgerðini. Seinastu tíggju minuttirnar av seinnu finaluni hevði hann nevn­ liga eina ørgrynnu av bjarg­ing­um, umframt at hann skoraði flestu málini hesa løtuna, tá ið hann tvær ferðir sendi bóltin í tóma Neistamálið. Hetta gjørdist av­ gerandi munurin. Sjálvur segði Ári eftir dystin, at eftir tveir dystir móta Neista­ skjúttunum, eydnaðist tað væl at lesa avgerandi skotini, serliga frá topp­skjúttanum Rasmusi Søby. Tá ið Ári so sá, at Neistamálið var opið, so ráddi um at halda høvdið kalt og tora at senda bóltin móti tí. Sjálvur ivaðist Ári um tað fyrra skotið fór at fara inn, men tá ið hann sá at tað eydnaðist, ráddi bert um at senda hann sama stað, tá ið hann fekk møgu­leikan aftur. Jens á Skipagøtu – Hesaferð ivaðist eg ikki Ein annar leikari, ið hevði lisið væl uppá, var superveteranurin í hoyvíks­málinum, Jens á Skipagøtu. Hann spældi ein stóran leiklut í fyrru finaluni, og serliga fyrstu løtuna av seinnu finaluni, tá ið hann millum annað bjargaði einum brotskasti frá Høgna Zachariassen, ið annars avgreiddi øll síni fimm brot­skøst í fyrru finaluni. Jens helt tó, at hann átti at tikið í minsta lagið eitt av brotskøstunum í fyrra dystinum. Í seinnu finaluni ivaðist Jens tó ikki, hann lat fyrstu kenslu­na ráða, og tað eydnaðist hon­ um at bjarga skotinum. Jens gjørdist enn einaferð føroya­meistari, og sum eftir hvørt kappingarár ivast hann nú í um spælt verður aftur næsta kapp­ingar­ ár. Hann afturvísur hesum ikki, men vísir á, at felagið hevur góðar ungar málverjar og fyrr ella seinni taka teir við. H71-venjarin: Tað var ikki vakrasta spælið Sonni Larsen, venjari hjá H71, segði í samrøðu eftir dystin, at hann var sera nøgdur við úrslitið og tær broyt­ingar, ið liðið fekk framt í truplum støðum. Hann staðfestir tó, at serliga í seinnu finaluni var ikki hitt vakrasta hondbóltsspælið at síggja, men leggur dent á framúr góða stríðsviljan, ið bæði liðini sýndu. Yvirhøvur er Sonni væl nøgdur við kappingarárið, og vísir á, at liðið hevur verið noytt at spæla seg saman tvær ferðir. Í fyrsta lagið eftir frágongdina í fjør, og aftur eftir hálvt kappingarár, tá ið Peter Krogh og Hallur Biskopstø skuldu spælast inn­aftur á liðið, og eisini koma inn fyri skaddar leikarar. Støðan var trupul eftir av­ smurn­ingin í steypafinaluni, staðfestir Son­ni, men hann fegnast eisini um, at liðið reisti seg eftir steypaósigurin. Mark Marcher: Áskoðararnir fingu spenningin Mark er samdur við venjara sínum í, at vakrasta hondbóltsspælið ikki var sýnt fram, men hann ivast sam­stundis ikki í at áskoðararnir fingu nakað fyri pengarnar. Hann vísir á at Neistamenn sýndu fram tvey góð avrik, og ger greitt at teir vóru heiðurligir, mót­ støðumenn, ið elvdu til miklar trupul­leikar, áðrenn avgerðin fall. Sum flest øll onnur, heldur Mark at Ári Dam gjørdist tungan á vág­ skálini í hesi avgerð, við bæði bjarg­ ingum og málum seinastu løtuna av seinni finaluni. Hetta er fyrsta føroya­meistara­ heitið hjá Marki sum leikara, eftir at hann í fjør einans røkti venjara­ leiklutin. Mark veit tó ikki hvør leikluturin verður næsta ár, men staðfestir, at undir øllum umstøðum, heldur hann fram sum ungdómsvenjari í felag­num. Peter Krogh: Vit høvdu seinastu orkuna Toppskjútti í finalunum báðum gjørdist tvíhenti stórskjúttin hjá H71, Peter Krogh. Hann fekk tíggju mál í fyrru finaluni og fýra í hini sein­nu. Men eins og liðfelagin Mark, gevur Peter heiðurin fyri sigurin víðari til Ára Dam í málinum. Peter vísir á, at tað ikki bert var reint hepni, ið avgjørdi dystin til fyri­muns fyri H71. Hann heldur at Neista­menn tóktust nakað troyttari enn hoyvíkingar í avgerandi løtun­ um, og hugsar at hetta var tað, ið koppaði smálutirnar rætta vegin. Peter ger eisini greitt, at sjálvur kendi hann stóran ágóða av teimum steðg­um, ið hann fekk, og nýtir høvið at rósa ungu leikarunum, ið loystu hann av í verjuni hesar løtur. Peter fegnast eisini stórliga um at vera komin aftur til Hoyvíkar, og greiðir frá góðu kensluni hann fær av at spæla hesar avgerandi dystir í einari fullari høll. “Tað verður ikki betri enn hetta”, sigur Peter. Hann vísir á, at hugurin at spæla hondbólti økist enn meira, tá ið hann sær ungu fjeppar­arnar leita sær íblástur frá mans­leikarunum. Hugurin at royna seg aftur niðri er sleptur í løtuni, sigur Peter at enda, og greiðir frá at hann skal verða pápi enn einaferð, og tað tí eingin ivi er um, at hann verður búgvandi í Før­oyum, ið hann eisini umboðar á lands­liðnum. Neistavenjarin: Eg eri errin av leikarunum Hóast stóra vónbrotið, er neista­ venjarin, Jeppe Borch, sum heild nøgdur við avrikið hjá sínum leikar­um. Hann er samdur við øðrum í at tað eru smálutirnir, ið avgera dystin, og hann tekur til at onkuntíð skalt tú hava eitt sindur av eydnu, og bóltar í fara inn av stongini og ikki út. Hann er tó skjótur at ynskja hoyvíkingum til lukku við sigrinum, og leggur dent á, at tað er ikki av tilvild at teir hava staðið í so mong­um finalum seinastu árini. Yvirhøvur er Jeppe sera errin av arbeiðsavrikinum hjá sínum leikar­ um, og heldur at teir arbeiddu fyri­ myndarliga. Tað er tó við blandaðum kensl­ um, at Jeppe hyggur aftur á kapp­ ingarárið. Hann greiðir frá, at hann er errin av kappingarárinum sum heild, har liðið so at siga hevur rokkið teim­um málum tað setti sær fyri, og enntá gjørt tað so væl, at liðið hevur verið noytt at seta sær hægri mál, so hvørt sum kappingarárið gekk. Tað er kortini eitt stórt vónbrot at tað ikki eydnaðist at gerast Føroya­ meistari, men Jeppe er vísur í, at liðið um nakrar vikur fær litið aftur á kappingarárið við gleði. Nú skal Jeppe sleppa at hava ein lítlan steðg frá at hugsa um hond­bólt, men hann verður aftur at síggja í Neistanum næsta kapp­ H71 er FM vinnari: ÁRI DAM ÁTTI AVGERANDI MUNIN Bara tvey mál skiltu H71 og Neistan yvir tvær finalur. Tey bæði málini átti Ári Dam, málverji hjá H71. Avgerandi løtan í seinnu finaluni í Hoyvík vórðu skotin úr egnum málið og í eitt tómt mál hjá neistamonnum