mánadagur 23. apríl 2018síða 20

Mánadagur 23. apríl 2018 · Nr. 46 20 Sosialurin Hugskot og viðmerkingar – send sms til 225000 – Serliga í verjupartinum eru vit betur enn Kyndil og standa ótrúliga kom­pakt. Og so var eg eisini eitt sind­ur bilsin av, at Kyndil dekkaði við flatari verju, men tað høvdu vit fyri­reikað okkum uppá. So einfalt tók VÍF-venjarin, Ingi Olsen, samanum eftir triðja finalu­ dystin millum kvinnurnar hjá VÍF og Kyndli, sum var í Vestmanna í gjár. Hesin dystur mátti til, tí Kyndil vann í Havn mikukvøldið og VÍF í Vestmanna leygardagin, so nú skuldi alt avgerast í seinasta dysti­num. Tað bleiv tað eisini, og spurn­ ing­urin er, um avgerðin ikki longu fall í seinasta málinum í fyrra hálv­ leiki, tá Durita Christophersen Jojic í evstu løtu høgdi bóltin inn við einum fantastiskum skoti, so VÍF slapp til hálvleiks við eini 10-7 leiðs­lu. Hinar báðar dystirnar var tað endað 10-10 eftir fyrstu 30 minutt­ irnar, men tá Kyndil í fyrra hálvleiki bara fekk eitt mál síðstu tíggju minuttirnar, samstundis sum VÍF skor­aði fýra ferðir, hekk alt minni og minni saman hjá Kyndli. Taktiska trekkið hjá teimum grønu var at býta um upp á vinstru og høgru síðu, so Turið Arge Samuels­en og Marianna Geirsdóttir Eyst­berg spældu í vinstru síðu, men tað gav ikki ynskja úrslitið, og tá Kyndils-venjararnir sleptu tí taktikki­num í steðginum og síðani spældu sum vanligt, var ikki so nógv at gera. Orkaðu betur Tá fyrsti triðingurin av seinna hálv­ leiki var farin aftur um bak, hevði VÍF økt munin upp í seks mál, og tí gjørdist mótbrekkan hjá Kyndli øgi­lig. Kyndil svaraði eitt sindur aftur, men ikki nóg mikið til upp á nakran máta at hótta VÍF, ið ógvu­ liga avgjørt vísti, at nú skuldi FM- steypið fáast til høldar. Nú liðini eitt samdøgur fram­ man­undan høvdu spælt ein krevj­ andi dyst, sum í veruleikanum var sjálvur kjansurin hjá Kyndli at gera nakað við VÍF, eftir at Kyndil hevði vunnið fyrsta dystin í Havn, kom tað at hava øgiliga stóran týdning, hvør hevði størstu orkuna til at gera arbeiðið liðugt. Kyndil kundi gera alt liðugt við at vinna ella spæla javnt l e y g a r ­d a g i n , men tá tað ikki eydnaðist, var tað heilt týðiligt, at VÍF kundi gera sær dælt av støðuni og ríða á sálarlig aldukambinum undan triðja finaludystinum. Og tað gjørdi VÍF enntá við stórari orku. Vestmannakvinnur settu dags­skránna við ferðmiklum spæli og eini tættari verju, har Kristina Grik­saite í málinum enn einaferð vísti høgan klassa, samstundis sum Agnas Olsen var allastaðni og kanska spældi sín besta dyst alt kapp­ingarárið. VÍF vísti styrki – Eg haldi, at VÍF veruliga vísti ta styrki, sum vit hava sæð ígjøgnum alt kappingarárið, og tí bleiv triði og avgerandi dysturin ein dystur, ið minti øgiliga nógv um steypa­ finaluna, har VÍF flongdi Kyndil og vann sannførandi. Nakað so­ leiðis upp­livdi eg eisini henda triðja finalu­dystin, sigur Claus Ras­mus­sen, hondbóltsviðmerkjari hjá Rás 2. Hann helt stóran mun vera á lið­ unum báðum, og serliga hefti hann seg við tann góða hugburðin, ið VÍF-kvinnurnar vístu, nú alt skuldi avgerast. – Tað lýsti út av kvinnunum hjá VÍF, at tær vildu vinna og at tær vildu hetta so øgiliga nógv meira enn Kyndil, sum onkursvegna hevði mist gassið úr ballónini eftir tapið l e y g a r ­ dagin. Tað sá slett ikki út, sum Kyndilskvinnurnar veruliga trúðu uppá, at tað kundi lata seg gera, heldur Claus, ið vísir á tvey ting, sum hann í sjálvum spælinum helt vera munin á VÍF og Kyndli, tá tað kom til stykkis. – Fyrst og fremst var tað verju­ spælið hjá VÍF, sum var nógv betri. Kristina stóð fantastiska væl í máli­num, og so hevði hon haraftrat eina krútsterka verju framman fyri seg. Og so gjørdi tað eisini stóran mun, at VÍF hevði eina skotstyrki útifrá, sum Kyndil so at siga slett ikki hevði. Eftir eitt flott kappingarár standa tey í VÍF nú eftir við greipu­ ni, tí umframt at VÍF í gjár vann sítt sætta føroyameistaraheiti, eydn­ aðist fyrr í ár at vinna steypa­kapp­ ingina fyri fimtu ferð. Og í báðum førum er tað fyrstu ferð síðani 2002, at gullið er endaði Vestmanna. Hjartaliga tillukku við tí! VÍF FÓR VIÐ GREIPUNI Líka síðani 2002 hava tey í Vestmanna bíðað eftir, at hondbóltskvinnurnar skuldu vinna okkurt aftur, og nú tað bragdaði í 2018, gjørdi VÍF bart og vann greipuna. Í FM-finalunum máttu tó tríggir dystir til, áðrenn VÍF hevði tryggjað sær gullið