hósdagur 3. mai 2018síða 11

FRÍGGJADAGUR 5. MAI 2018 SOSIALURIN 50 11 Betri viðgerð Millum orsøkirnar til, at føroysku sjúkra­húsini klára seg verri í kann­ingini enn tey útlendsku, er, at føroyskir sjúklingar meta, at bíði­tíðin í Føroyum er ov long, við­gerðin á útlendsku sjúkra­hús­ unum er betri, og at tey verða send av landinum ov seint. Aðrastaðni í blaðnum vísir Pál Weihe, formaður í Læknafelag Før­ oya, á, at ein av møguligu orsøkun­ um til, at tey spurdu í kanningini hava hesa uppfatan, kann vera tann, at sjúklingarnir fyrst verða kann­aðir í Føroyum og sendir víðari, tá staðfest er, at tørvur er á tí. Tá ið teir so eru komnir aðrastaðni, spara útlendsku læknarnir nógva tíð við at arbeiða víðari við tí vitan, ið føroysku starvsfelagarnir hava fingið til vega. Í samrøðuni við Sosialin 26. mars nevnir Fríði í Geil Jensen eisi­ni hesa forkláring, men leggur aftur­at, at eftir hansara tykki, so er tað neyvan øll forkláringin. – Tað kann sjálvandi hava eina ávirkan, men eg haldi, at við­ merk­ingarnar eru so nógvar og út­greinaðar, at hetta er ikki øll forkláringin, segði Fríði í Geil Jen­ sen við Sosialin. Detta niðurímillum Eitt annað av teimum stóru evnun­um í kanningini er hvussu sjúk­lingarnir uppliva samstarvið mill­um føroysku og útlendsku sjúkra­húsini. Tey flestu er nøgd við tað sam­ starvið sum er í dag og sæst tað aftur í, at 50 prosent eru antin nøgd ella væl nøgd við samstarvið mill­um sjúkrahúsini. 20 prosent eru væl nøgd, meðan 30 prosent eru nøgd. Viðvíkjandi restina av teimum spurdu eru 23 prosent, ið ikki vita, meðan 28 prosent halda samstarvið er sera vánaligt ella vánaligt. Í samrøðuni við Sosialin sigur Fríði í Geil Jensen, at sam­starvið millum ta føroyska sjúkra­hús­verk­ ið og tað útlendska viðgerðarstaðið hevur nógv at siga fyri sjúklingin – Av tí at viðgerðin er í tveimum lond­um, er vandin fyri mistøkum størri, og tað er júst tað, at fleiri sjúk­l­ingar vísa á, segði hann við Sosialin. Í kanningini verður víst á, at ónøgdu sjúklingar sakna meira kunning áðrenn við­gerðar­ gongdina, at samskiftið ímillum heilsu­starvsfólkini í Føroyum og í útlandinum verður betri og at journalir­nar fylgja við millum lond­ini. – Tað eru fleiri sjúklingar, sum siga, at tá føroyskir sjúklingar fara av landinum í viðgerð, ella verða sendir heim aftur, hendur tað seg meiri enn so, at journalurin ikki fylgir við á ferðini. Sjúklingar hava eisini eina kenslu av, at tað er ikki altíð, at tann eftirviðgerðin, sum verður forskrivað av útlendska sjúkra­húsinum, verður ikki fylgd upp í Føroyum, segði Fríði í Geil Jensen við Sosialin. Fylgjaraskipan Í kanningini verður millum annað eisini spurt um fylgjaraskipanina og víst verður á, at 54 prosent av sjúklingunum, sum verða sendir uttanlands, sum nú fáa fylgjara við. Merkisvert er tó, at av teimum sjúk­lingum, ið ikki fáa játtað ein fylgjara frá heilsuverkinum, eru 22 prosent, ið rinda úr egnum lumma fyri at fáa ein fylgjara við. Tað merkir tó sambært Fríða í Geil Jensen ikki, at tey sum rinda fyri ein fylgjara veruliga hava tørv á einum. – Tað ber ikki til at siga, at tað er alneyðugt hjá øllum teimum 22 pro­sentunum at hava fylgjara við, men, sjúklingar halda sjálvir, at tað hevur týdning fyri tey at hava ein fylgjara at hjálpa sær, bæði til at veita sálarligan stuðul, til at skapa trygg­leika og at hjálpa til við øllum teim­um praktisku viðurskiftunum, sigur Fríði í Geil Jensen. Men kanningin vísir eisini á, at millum teirra, ið ikki fáa ein fylgjara, er ein ávís misnøgd við skipanina, ið verður lagd und­ir at gera mun á sjúklingum. Í kann­ ingini greiða sjúklingar nevniliga frá, at tey ikki skilja hví summi fáa játtað fylgjara og onnur ikki, meðan summi meta at vina- og kenn­ingarpolitikkur avgerð hvør fær ein fylgjara ella ikki. - So meðan tey skulu miðsavna seg um at gerast frísk, brúka tey í staðin orku til at stúra um hetta. Tey flestu eru bangin í slíkum støðum. Tað sum vit ynskja er, at fáa allan óneyðugan óttan beindan burtur - Merkisvert er tó, at av teimum sjúklingum, ið ikki fáa játtað ein fylgjara frá heilsuverkinum, eru 22 prosent, ið rinda úr egnum lumma fyri at fáa ein fylgjara við.