hósdagur 3. mai 2018síða 15

FRÍGGJADAGUR 5. MAI 2018 SOSIALURIN 50 15 Samskiftið er ein avbjóðing Í kanningini verður víst á, at fleiri av teimum spurdu eru ónøgd við sam­skiftið millum føroysk og út­lendsk sjúkrahús. Tað er ein trupul­leiki, ið Jóanis Erik Køtlum er væl vitandi um. - Vit arbeiða alla tíðina við at men­na sjúkrahúsverkið og vit vita væl av, at tað eru avbjóðingar. Ser­ liga millum føroyska og danska sjúkrahúsverkið og har er samskiftið ein stórur partur. Fyrr brúkti man fax, men nú er alt digitalt. Tað var kanska eitt sind­ur einfaldari enn núverandi skipan, sigur Jóanis Erik Køtlum, ið leggur afturat, at viljin til samstarv er øgiliga góður, men samskiftið er ein avbjóðing, tá tað er tvørtur um landa­mørk. Ein av høvuðstrupulleikunum í samskiftinum millum heilsu­verk­ ini er, at tey koyra við tveimum ymisk­um lyklum, ið ikki virkar so væl saman í løtuni. - Í Føroyum hava vit p-talið, ið er lykil­in til ein sjúkling, og í Danmark hevur man CPR-nummar. Tað ger sam­skiftið eitt sindur trupult. Tað besta hevði verið, um vit høvdu eitt talgilt samskifti, har vit sendu ávís­ingar til donsk sjúkrahús og fingu eitt talgilt svar aftur. Tað er avbjóðandi, men vit arbeiða hart at fáa tann partin loystan, og samantvinna p-talið og CPR- nummarið, so vit í síðsta enda fáa saman­sjóðað skipanirnar, sigur Jóanis Erik Køtlum. Fyribils átøk Tað verður tó ikki loyst eftir einum degi, men krevur samráðingar og tekn­iskar og løgfrøðiligar loysnir. Slíkt krevur tíð, men inntil tað er kom­ið upp á pláss, so verður onnur átøk gjørd, ið hava til endamáls at betra um samskiftið. - Vit hava ein sjúk­linga­sam­ skipara á sjúklingahotellinum og frá 1. januar í ár hava vit sett ein sjúklingasamskipara, ið er á Ríkis­sjúkrahúsinum. Tað er fyri at tryggja, at sjúklingagongdirnar koyra sum tær skulu og at upp­lýs­ ing­arnir koma fram á rætta stað, sigur Jóanis Erik Køtlum og leggur aftur­at. - Sjúklingaskrivstovan hevur eitt yvirlit yvir teir sjúklingar, ið verða sendir avstað og nær teir koma aftur. Arbeitt verðurstøðugt við at fylgja teimum upp og trygg­ja at alt gongur rætt fyri seg. So vit gera nógv fyri at betra um viður­ skiftini, men samskiftið er avgjørt ein avbjóðing. Greiðar reglur Í kanningini verður eisini funn­ist at fylgjaraskipanini, ið Sjúk­linga­ skrivstovan á Lands­sjúkra­húsi­ num umsitur. Nøkur av teim­um spurdu eru ónøgd við hvussu skipanin virkar og siga tað er ringt at skilja avgerðirnar um hvørjir sjúklingar fáa fylgjarar. Jóanis Erik Køtlum ger tó greitt, at tað eru greiðar mannagongdir, ið staðfesta hvør fær fylgjara. - Tað eru greiðar reglur yvir hvør kann fáa ein fylgjara og annars taka tey serliga atlit fyri sosial og sálarlig viðurskiftir. Tað meta vit riggar væl, men eg síggi at tað eru onkrir sjúklingar, ið halda tað er tilvildarligt, men tað skuldi tað ikki veri, sigur forstjórin í føroyska sjúkra­húsverkinum og vísir á, at um ein feilur verður gjørdur, so kunna tey í Sjúklingahotellinum rætta upp á hann. - Tað er eisini soleiðis, at um tey í Sjúklingahotellinum upp­ liva, at onkur er komin niður, ið átti at fingið ein fylgjara, so seta tey seg í samband við Sjúk­linga­ skrivstovuna og so finna tey eina loysn. - Tað er ein veikleiki í hesi kanningini, tí hon viðgerð útlendsk og føroysk sjúkrahús hvør sær. Men soleiðis upplivir sjúklingurin tað og vit skulu sjálvandi lurta eftir tí kritikkinum og royna bøta um tað