mikudagur 9. mai 2018síða 22

FRÍGGJADAGUR 11. MAI 2018 SOSIALURIN 53 22 FÓTBÓLTUR DANJAL AV RANA F øroysku fótbóltsfeløgini halda seg ikki fáa nóg nógv burt­ur úr at Kringvarp Før­oya vísir føroyskar fót­bólts­dystir á heimasíðu sínari bein­leiðis. Hetta er orsøkin til at feløg sum KÍ, AB og EB/Streymur ikki loyva Kringvarpinum at vísa sínar heimadystir. Fótbóltsfjepparar hava í longri tíð ilskast um, at heimadystirnir hjá eitt nú KÍ ongantíð verða vístir á heimasíðuni hjá Kringvarpinum. Kringvarpið hevur seinastu tvey árini víst ein heimadyst hvørt um­far, men hevur ikki fingið loyvi at senda dystirnar hjá KÍ, AB ella EB/Streymi. Eitt skifti noktaði B36 eisini Kringvarpinum at senda sín­ ar dystir. Ósemjan kyknaði aftur um viku­skiftið, tá KÍ, sum er endað numm­ar tvey tey bæði seinastu árini, spældi móti Víkingi, sum er blivið Føroyameistari tey bæði árini. Tey liggja eisini í oddinum í landskappingini í ár og tí var áhug­ in fyri dystinum stórur. So stórur, at Kringvarpið eisini vildi sleppa at vísa dystin á heimasíðu sínari. Johnny í Grótinum sendi tí eitt bræv til Tummas Lervig, formann í KÍ, um at fáa loyvi at senda hendan dyst­in. KÍ havnaði tó umbønini. - Vit vístu til, at vit framvegis ikki hava fingið eina nøktandi avtalu um fíggjarliga samsýning, og tí vilja vit ikki loyva Kringvarpinum at senda okkara heimadystir, sigur Tummas Lervig. Kostar 8.000 krónur hvørja ferð Tummas Lervig ynskir, at feløgini fáa eina varandi loysn við FSF og Kringvarpið um stroyming av dyst­ unum. - Vit vilja sjálvandi veita okkara fjeppar­um eina so góða tænastu sum møguligt, og tí vildu vit gjarna víst dystirnar eisini. Samstundis fáa vit ein fíggjarligan miss, við tað at fjepparar setast heima, held­ur enn at koma í Djúpumýru, sigur Tummas Lervig, sum sigur, at teirra metingar vísa, at eini 100 fólk setast heima, tá dysturin verður víst­ur. - So fyri okkum er talan um ein fíggjarligan miss á eini 8.000 krón­ ur, sigur hann. Johnny í Grótinum svaraði brævi­num frá KÍ við at siga, at tað var harmiligt og at hetta kundi fáa avleiðingar fyri stroymingina av føroyskum fótbólti yvirhøvur. - Tað tykist sum Kringvarpið við hes­um sigur, at teir heldur gevast við at stroyma dystirnar enn at rinda heimaliðnum eina upphædd fyri rættindini til dystin, sigur Tumm­as Lervig. Hann skjýtur upp, at feløgini fáa eitt gjald upp á 10.000 krónur fyri hvønn heimadyst, sum verður stroymd­ur. - So hevði tað kostað 270.000 krónur hvørt kappingarár at senda ein dyst hvørt umfar. Eg haldi, at hetta hevði víst ein vilja at hyggja fram­eftir og at finna eina loysn, sigur hann. Kann gott vera keðiligi drongurin - Um vit skulu vera tann keðiligi drongurin í klassanum, sum noktar KVF at vísa okkara dystir, so taki eg tann leiklutin á meg. Vit halda, at tíðin er komin at royna at fáa eitt sam­starv í lag um hetta, soleiðis at feløgini eisini kunnu fáa ein ágóða av hesum, sigur Tummas Lervig. Tummas Lervig rósar Kring­ varpi­num fyri teirra áhuga í at vísa fótbóltsdystir á netinum og at gera vøruna áhugaverda, men held­ur kortini ikki, at feløgini eiga at geva sínar dystir ókeypis. Hann hevur eisini fingið afturmeldingar frá øðrum feløgum, sum siga, at tey eru samd við honum í, at feløg­ini eiga at fáa okkurt slag av sam­ sýning fyri stroymingina. Vilja selja lýsingar Dánial Hansen, formaður í NSÍ, er sum heild samdur við Tummasi Ler­vig, men NSÍ hevur kortini ikki noktað Kringvarpinum at senda dystir. - Vit kundu hugsað okkum, at stroymingin kom í eini meiri pro­ fessionella legu, og at feløgini fingu okkurt slag av gjaldið fyri rætt­ indini, tí eftir okkara tykki missa vit pening av hesum, sigur hann. Hann ásannar tó, at stroymingin er ein góð lýsing fyri føroyskan fót­bólt og er við til at seta fokus á føroyskan fótbólt, umframt at hetta veitir eina tænastu til teir fjepp­ar­ar, sum av onkrari orsøk ikki kunnu koma til dyst. - Stroymingin loyvir sjálvandi úti­setum at fylgja við, eins og teim­ um, sum sita á ellisheimum ella á DANJAL AV RANA V irgar Hvidbro, aðal­ skriv­ari í FSF sigur, at spurningurin um stroym­ing hevur fylt nógv í kjakinum millum feløgini seinastu tíðina. Feløgini hava ymisk­ar meiningar um málið, men øll ynskja tey tó eina greiða ætlan við stroymingini. - Vit fara at taka málið upp á næsta formansfundinum millum feløg­ini, sum verður fyrst í juni mán­að, sigur Virgar Hvidbro. Hann sigur, at í FSF eru tey feg­ in um arbeiðið, sum KVF hevur gjørt við stroymingina seinastu tvey árini, og nevnir millum ann­að framstigini við grafikki og endur­ tøkum, sum KVF er farið at nýta nú. - Stroymingin er eisini ein lýs­ ing av føroyskum fótbólti og vit síggja eisini, at Kringvarpið hós­ kvøld í 3-2 lýsir fyri, hvør dystur verður vístur næsta umfar. So­leið­ is skapar Kringvarpið eitt ávíst upp­merksemi um fót­bólts­dyst­ ir­nar, sum eisini hevur eitt ávíst virði, sigur hann. Virgar Hvidbro ásannar, at kjak­ið minnir um mótstøðuna hjá FSF at lata SVF sleppa at vísa heima­dystirnar hjá landsliðnum fyri eini 15 til 20 árum síðani. - FSF óttaðist tá, at áskoðarar fóru at sita heima, men eg haldi vit ró­liga kunnu staðfesta, at áhugin fyri landsliðnum og áskoðaratølini hava ongantíð verið so høg sum nú, hóast tað sjálvandi eisini eru aðrar umstøður, sum spæla ein leik­lut. Tað sama er galdandi fyri av­gerðina at loyva Kringvarpinum at senda steypafinaluna, sigur hann. Aðalskrivarin í FSF væntar tó ikki, at tað fer at bera langt at seta Kring­varpinum eitt gjaldskrav fyri at stroyma. - So vænti eg, at Kringvarpið hevði takkað fyri seg. Spurn­ing­ur­ in er so, um nakrir privatir miðlar høvdu tikið yvir og megnað at ment eina líknandi vøru, sum KVF hevur bjóðað, sigur hann. FSF sjálvt gjørdi eina roynd at stroyma nakrar dystir í táverandi Effo-deildini, men fyri eitt gjald. - Tað eydnaðist ikki so væl. Eg haldi ikki, at tíðin er búgvin fyri at lata brúkaran rinda fyri vøruna enn, men um vøran verður ment Taka málið upp á næsta fundi Arbeitt verður framvegis við at fáa viðurskiftini um stroyming í rætta legu, sigur FSF YNSKJA EGNAR INNTØKUR FRÁ STROYMINGINI Føroysku fótbóltsfeløgini kundu hugsað sær eina greiðari ætlan við og størri inntøkur frá stroymingini av føroyskum fótbólti