mikudagur 9. mai 2018síða 26

FRÍGGJADAGUR 11. MAI 2018 SOSIALURIN 53 26 TRÓNDUR ARGE Í Avstralia er fótbóltur ikki fót­bólt­urin. Fótbóltur er “Aussie football”, sum er tjóðarítrótturin. Tað er lov at brúka hendurnar, men ikki lov at kasta bóltin. Bólturin minnur mest um bóltin, ið verður brúktur í amerikanskum fótbólti. Hann er avlangur, men er flatur í botninum. Tá tú avleverar skalt tú antin gúppa bóltin, ella medda til flata botnin knýttum neva, so bólturin stríkur avstað. Dysturin á Cricket leikvøllinum í Melburne, sum vanliga verður nevnd­ur “The G”, er ikki byrjaður, og longu nú er síðumaðurin kom­ in upp á yvirarbeiði. Tríggir før­oy­ ingar hava sett seg millum Hawks við­haldsfólkini, og ynskja at skilja spælið. Sjálvt um eg havi verið til dyst­ir í nógv ár, so skilji eg ikki allar reglur­nar, sigur maðurin á rekkjuni framman­fyri. Sum flestu fólkini vit hava møtt í Avstralia, er hann blíður og sinn­aður at hjálpa. Hann verður ávarað­ur um, at fleiri spurningar eru á veg, men svarar fegin. Sosialurin er til helst størsta lands­kapp­ingardystin í av­stralsk­um fót­bólti, tá grannarnir úr Mel­bourne, Hawthorns Hawks og Geelong Cats, bresta saman 2. apríl. Tað skal vísa seg at verða drama­tikkur líka til tað seinasta – millum annað tí ongin veit nær tíðin er farin. Sól og bíligt atgongumerki Tað er gott veður í Melburne hendan dagin í apríl. Býurin liggur í suðurendanum av eysturavstralia, og er høvðusstaðurin í lands­luti­ num Victoria. Talan er um ein ný­mótans bý, sum hevur nógv at bjóða teimum vitjandi. Sagt verður millum annað um býin, at hann er millum teir bestu í heiminum, tá tað kemur til livi­kor. Hetta sæst millum annað á kann­ ing­um og listum, sum kend tíðarrit hava gjørt. Tað merkist eisini sum vitj­andi. Tað verður lagt nógv fyri við upplýsing, sporvognar koyra kring allan býin og nógv er at fara til. Melbourne verður lýst sum ítróttar­høvðusstaðurin í Avstralia. Hendan dagin er sólin frammi og nógv fólk eru á gøtunum. Ætlan­ in er ikki at fara til fótbólt hendan dagin, men áhugin veksur so hvørt sum brikkarnir fella upp á pláss. Úr Perth er góð ráð at heita. Fyrr­nevndi Chris Hickson, sum er giftur í familju við føroyskum ættar­bondum, boðar frá, at talan er um stórdyst. Tað er stutt til gongu til leikvøllin og sagt verður, at atgongumerki ikki skuldi verið ein trupulleiki. Uttanfyri “The G” er nógv fólk, men tað gongur skjótt at fáa fatur á trimum atgongumerkjum til dystin. Tey kosta um 25 av­stralsk­ ar dollarar, sum svarar til einar 117 føroyskar krónur. Til saman­ beringar kann nenvast, at tú illa fær eitt atgongumerki til dystir í Premier League, fyri undir 300 krón­ur, men tað er bara um tú fær fatur á tí til kostprís. Er eitt millum­lið, so verða tey mangan seld fyri mangt sílkt til teir stóru dystirnar. Fleiri hæddir á “The G” Leikvøllurin hevur heitið “Mel­ bourne Cricket Ground”, men verð­ur bara nevnt “The G”. Tað er pláss fyri 100 túsund áskoðarum. Leik­vøllurin er tann 10. størsti í heiminum og tann størsti leik­vøll­ urin til Cricket. Sagt verður eisini um “The G”, at ljósmastarnar eru tær hægstu á einum í heiminum á ein­um ítróttarleikvølli. Sjálvur vøllurin er rundur og kann tí brúkast serliga til Cricket og avstralskan fótbólt, men riggar ikki eins væl til vanligan fótbólt, tí ein fótbóltsvøllurin er væl minni. Tað merkir, at áskoðararnir koma at sita ov langt vekk frá vøllinum, “The G” er sum tað mesta í Mel­bourne. Nýmótans og flottur. Atgongumerkini eru til ávís økir, men tú verður ikki vístur til eitt ávíst setur. Tað eru fleiri hæddir upp til plássini hjá okkum. Tað eru flottar rullutrappur allan vegin upp. Tað gongur eisini skjótt at fáa sær okkurt at eta og drekka. Tað er í tøkum tíma, at komið verður upp á pláss, tí dysturin er um at byrja. Báðu megin við sita fjepparar hjá The Hawks. Troyggjurnar eru myrka­reyðar og gular. Tað stendur Tas­mania á troyggjuni. Óvitandi um veruligu staðsetingina hjá lið­num, verður tað liðið hjá okk­ um. Tasmania er ein oyggj eins og Føroyar, sum er upp í móti yvir­maktini. Tann lutin kenna vit aftur. Miðskeiðis í dystinum fellur so spurningurin, um hvar liðini koma frá. Anderw er Hawks fjeppari og er helst miðskeiðis í fjørutunum. Hann svarar, at liðið kemur úr Mel­bourne, men verður stuðlað av Tasmania, ið eini roynd at fáa fleiri ferðafólk tann vegin. Tá hjartað nú hevur sagt The Hawks, so stendur tað við, hóast lið­ið kemur úr Melbourne og ikki Tas­mania. Í hálvleikinum eru fleiri ung­ dóms­lið á vøllinum og spæla dyst­ ir. Nakað, sum ikki er so ókent á okkara leiðum. Torskiltar reglur Við dystarbyrjan er torført at fáa skil á hvat hendir á vøllinum. Onkur gúppar, meðan onkur annar tykist kasta bóltin. Tað eru nógvir spælarar á vøllinum, sum til tíðir takla hart og ógvusligt, men til aðrar tíðir takla teir slett ikki. Fyri endarnar standa fýra steng­ur, sum onkursvega eru mál. Nú er tíðin komin hjá Andrew og hinum Hawks-fjepparunum at greiða frá samanhanginum. Tað eru 18 spælarar á hvørjum liði á vøllinum í senn, og tað kann til tíðir tykjast nógv. Tað er lov at renna tíggju metrar við bóltinum, men eftirfylgjandi skalt tú dribbla eins og í hondbólti og kurvabólti, fyri at kunna renna víðari. Megnar tú at gúppa ella sparka bóltin til ein viðspælara, sum stend­ur minst tíggju metrar vekk, og spælarin loftar bóltinum uttan ÍTRÓTTUR: Ferðafrásøgn Ferðafrásøgn úr Avstralia: Í Avstralia er tjóðarítótturin fótbóltur, men ikki fótbóltur, sum vit kenna hann. Yvir 73 túsund áskoðarar eru til stórdystin í Melburne millum Hawthorn Hawks og Geelong Cats. Tað tekur minst ein heilan dyst, at seta seg inn í reglurnar og viðurskiftini í “Aussie Football”, sum er nakað heilt fyri seg. Viðurskiftini minna í støðum um støðuna hjá kappróðrinum í Føroyum TÁ FÓTBÓLTUR IKKI ER FÓTBÓLTUR 2. partur