mikudagur 9. mai 2018síða 27

FRÍGGJADAGUR 11. MAI 2018 SOSIALURIN 53 27 at nakar nertur við hann, so hevur mót­støðuliðið ikki loyvi at takla. Tá hevur spælarin við bóltinum møguleika at gúppa bóltin víðari, uttan at verða órógvaður. Hetta verður nógv brúkt frammanfyri málinum, har ein stórur áleypari loftar einari langari sending, so kann hann næstan uttan órógv gúppa bóltin millum stengurnar. Klárar hann at gúppa bóltin millum tær mittastu stengurnar, uttan at nakar nertur við bóltin, gevur tað seks stig. Netur onkur við bóltin, ella hann fær millum tær ytru stengurnar, gevur tað eitt stig. Tað er millum annað heldur ikki lov at halda fast í bóltinum, tá tú verður taklaður. Hann skal spælast víðari, ella fær mótstøðuliðið bóltin. Ein rímiliga stórur munur í mun til eitt nú vanligan fótbólt, er at dómararnir hava ein størri leiklut í spælinum. Teir skulu í fleiri førum seta spælið í gongd við einum longum kasti, meðan teir venda bak­ið til spælið. Hetta venja teir mill­um annað undan dystinum, og í hálvleikinum. Tað tykist, sum teir ganga sera høgt upp í hendan partin av spælinum. Tað kemur javnan fyri, at liðini koma upp um hundrað stig í einum dysti. Spælt verður fýra ferðir 20 minuttir av effektivari spælitíð. Hóast spurningarnir eru nógvir í tali, so tykjast Andrew og hinir Hawks fjepparnir ikki leggja í, at svara spurningum. Tað er kanska ikki óvanligt, at fólk spyrja seg fyri, men kanska sum tá ferðandi koma til kappróður í Føroyum. Fantastiskur dramatikkur Tað merkist á stemninginum á leikvøllinum, at talan er um granna­ upp­gerð. Ein granna­upp­gerð millum tvey av stóru feløgunum sein­nu árini. The Hawks hava vunn­ið meistaraheitið í 2008, 2013, 2014 og 2015, meðan Geelong hevur vunnið meistaraheitið í 2007, 2009 og 2011. Finalan í avstralskum fótbólti verður eisini spæld á “The G”. Finalan verður rópt “AFL Grand Final”. Sermerkt við avstralskum fót­ bólti er, at tú ikki veist hvussu nógv tíð er farin, hóast talan er um effektiva spælitíð. Helst hava liðini ein hómin av hvussu nógv er spælt, men tað er stórur dramatikkur, sein­astu sekundini, tí bara eitt stig er á muni. Tá teir næstan 80 minuttirnir eru spældir er støðan 117 – 116 til Haw­thorns Hawks. Tað vil siga, at Geelong Cats skulu bara klara at fáa avlanga bóltin millum steng­ urnar eina ferð, so broytist útfallið. Tað er dramatikkur og ein spentur stemningur á leikvøllinum hesi seinastu sekundi. Tað verður gúppa og taklað fyri allar peng­ ar­nar. Onkuntíð hava spælar­ar­ nir hug at fara til hendurs undir dysti­num, men hesa løtuna eru ikki stundir at ilskast. Tað endar við at klokkan á “The G” gevur eitt ýl frá sær, sum merkir at dysturin er liðugur. Áleið helming­urin av teimum 73 túsund áskoðarunum fegnast um úrslitið. Teirra millum síðumaðurin An­ drew, sum knýtir nevarnar saman og rópar. Gleðin er til at fáa eyga á. Somu eyðkenni sum kappróður Ítróttarliga líkist avstralskur fót­ bólt­ur og føroyskur kappróður als ikki, men hóast tað eru fleiri eyð­kenni, sum ganga aftur. Avstralskur fótbóltur hevur ikki sín líka aðrastaðni í heiminum. Nakað av írum gera um seg í AFL deild­ini í Avstralia, tí spælið minnir nakað um írska fótbóltslíknandi spæl­ið “Gaelic football”. Eisini eru onkr­ir amerikanarar, sum helst eru upplærdir í amerikanskum fót­bólti. Sermerkt er, at lokali ítrótturin enn hevur munin á fótbóltinum, sum vit kenna her heima. Hóast um­heimurin verður hertikin av fót­bóltinum og øllum pengunum, sum fylgja við, so heldur fólkið í Avstralia fast í tjóðarítróttinum. -Vanligur fótbóltur vinnur fram í løtuni, men enn er avstralskur fót­ bólt­ur frammanfyri, sigur maður­ in á rekkjuni frammanfyri. Hann hevur familjuna við, og nú liggur seks ára gamla dótturin í føvn­ing­ in­um. Upp í saman hevur hann greitt frá gongdini í spælinum og samanhanginum. Eins og før­ oyingar, so er hann stoltur av tjóðar­ítrottargreinini. Hon hevur ikki so stóran áhuga uttanfyri landa­markið, men líka leggja tey í. Her er talan um siðvenju, sum gong­ur fleiri ættarlið aftur. Størstu og flottastu leikvøllirnar eigur avstralskur fótbóltur. Kappróður er nakað lættari at greiða frá, men afturgangandi fyri báðar ítróttargreinarnar er lokali stolt­leikin. Tað gevur eisini nakrar tankar til kappróðurin, sum í løtuni tykist hava ávísar avbjóðingar, men tað er tann ítrótturin, sum ger okkum ser­merkt. TRONDUR@SOSIALURIN.FO Føroysku skyldfólkini í Avstralia Orsøkin til frásøgnina úr Av­stralia er, at undirritaði var og vitjaði familju í Perth. Aldurs­forsetin á myndini Han­na Julia Jensen flutti til Bretlands eftir seinna heims­bardaga og giftist Ted Edwards. Tey fluttu til Av­stralia aftaná dóttr­ini Brendu síðst í átta­ti­ár­unum. Hanna Julia Edwards er fast­ur Marnu, Erlu og Káru Matras Jensen. Tær eru døtr­ ar hjá Hera Jensen, beiggja Han­nu Juliu, og Bjørg Matras. Á myndini er eisini Brenda Sanders, ið er dótt­ir Hannu Juliu. Hon og maður­in Roy Sanders eiga tvey børn. Scott Sanders og Nina Hick­son. Nina er gift við Chris Hickson og saman eiga tey børnini Poppy, Kobey og Miu. Kobey og Mia eru av­mynd­aði til dystin. Aftast frá vinstru: Kára Matras Jensen, Erla Matras Jensen, Marna Matras Jensen og Brenda Sanders. Fremst situr Hanna Julia Edwards (fødd Jensen)