mánadagur 14. mai 2018síða 7

7 Mánadagur 6. januar 2014 · Nr. 2 Sosialurin Mánadagur 14. mai 2018 · Nr. 54 Tongla-Tummas hevði fylt 90 ár Fríggjadagin vóru 90 ár síðani Tummas Napoleon Djurhuus, lærari og skald, varð føddur. Hann doyði í 1971 bara 43 ára gamal Tummas Napoleon Djur­ huus var føddur 11. mai 1928 í Kollafirði, og hann doyði 1. august 1971 í Portugal. Hann var lær­ari og skald. Hann vaks upp í Kollafirði og í Havn. Tummas Napoleon Djurhuus starvaðist sum lær­ari, til hann brádliga doyði í bestu árum. Tummas Napoleon, sum í táttayrking nevndi seg Tongla­tummas, skrivaði yrk­ ing­ar, tættir, gjørdi søguligar ljóð­mynd­ir og var ofta at hoyra í skemt­i­send­ing­um í út­varp­i­num. Yrkingar hans­ ara eru ofta inniligar lýs­ ingar av bráðkomnum og við­kvom­um kenslum. 80 ára gamli Virgar Dalsgaard úr Havn, sum eisini er lærari, skrivar soleiðis um Tongla- Tummas: »Hann var okkara avgjørt besti og stuttligasti táttayrkjari, og í nógv ár var hann stór-leverandørur av fjøllbroyttum tilfari til okkara studentakabarettir. Tummas hevði stórt dram­ at­iskt talent. Hann gjørdi í 1960´unum nakr­ar søguligar sendingar í útvarpi Føroya, sum fingu fólk at blaka alt ger­and­is­ar­beiðið frá sær, tí tey máttu lurta eftir teimum stak­livandi, væl-uppbygdu og hegn­isliga instrueraðu frá­sagn­unum hjá Tummasi. Hann doyði, sum bert 43 ára gamal á eini tragiskari summ­ar-ferð í Portugal í 1971.« Útgávur: 1951 - Ung løg (yrkingar) 1955 - Greinar (yrkingar) 1958 - Og dansurin gongur (yrkingar) 1961 - Tættir og vísur 1970 - Háfjalssólin og hostasevjan (tættir) Heiðurslønir: 1958 - Bókmentavirðisløn M.A. Jacobsens fyri yrkingasavnið Og dansurin gongur. Juliet Joensen, Tórshavn andaðist á Lágargarði 12. mai, 66 ára gomul. Torbjørg Jørgensen, ættað úr bartalsstovu í Syðrugøtu, andaðist í Keypmannahavn hósdagin 10. mai, 92 ára gomul. Símun Abrahamsen, dúkkari, úr Fuglafirði, andaðist hósdagin 10. mai, 78 ára gamal Bergljót Sandoy, búsitandi í Ålborg andaðist 10. mai, 69 ára gomul. Sverri Petersen, Sandur, andaðist á Landssjúkrahúsinum týsdagin 8 mai, 76 ára gamal. Birthe Marie Andre­ asen, fødd Knudsen, Tórs­havn andaðist á Landssjúkrahúsinum sunnudagin 6. mai, 82 ára gomul. Marjun Egholm, fødd Guðjonsson, Klaksvík, andaðist á Klaksvíkar sjúkrahúsi leygardagin 5. mai, 77 ára gomul. Jonna Johannesen, ættað av Tvøroyri, bú­ sit­andi í Vági, andaðist á Hamra­garði sunnudagin, 79 ára gomul. Magnus Winther Hjelm, Vágur, vanliga nevndur Massi andaðist á Suðuroyar Sjúkrahúsi mánadagin 7. mei, 69 ára gamal. Absalon í Buð, vanliga nevndur Pimmi, andaðist 5. mai, 70 ára gamal. ANDLÁT NØVN Send hugskot, myndir, greinar ella annað til novn@sos.fo Johanna Jacobsen 100 ár Mikudagin fyllir Eva Jo­ hanna Jacobsen í Havn 100 ár. Hon er ættað av Sandi, syst­ir kenda listamálaran Fri­mod Joensen. Johanna fór sum 17 ára gomul suður til Ørða­víkar at passa systrina, sum var vorðin sjúk. Har suðuri møtti hon man­ni­num Dánjal Johann Ol­sen og tey búsettust á Tvør­oyri. Seks børn vóru í hjún­ar­ lag­num, Jens Åge, sáli, Eli­ s­a­beth, Martin, Enni­bjørg, Evita og Stanley. Omm­u­ børn­ini eru 23 í tali og fleiri eru lang­ommubørnini og old­ur­ommubørnini. Tey, sum hava hug at heilsa upp á Johonnu á 100 ára degnum eru vælkomin mill­um 14 og 19 í heiminum á Suð­uroyarvegi 13 í Havn.. Tummas Napoleon Djurhuus høgru­megin saman við vin­ mann­inum Ólavi Michelsen, sum eisini doyði ungur 1912: FRÍÐRIKUR 8. KONGUR FUNNIN DEYÐUR 14. mai í 1912 var Fríðrikur 8. kongur av Danmark funnin deyður á einum gøtuhorni í Hamburg í Týsklandi. Tað gingu nakrir tím­ar, áðrenn nakar visti, at tað var kongurin av Danmark. Hann var farin ein spákingartúr einsamallur, tá hann small. Hann var hjarta­sjúkur. Tá fólk ikki kendu deyða mannin, var hann fluttur á líkhús í býnum. Ikki fyrr enn morgunin eftir gáðaðu tey um, at hann ikki var á kamari sínum, og tá var farið at leita stillisliga. Tá tey frættu, at ein maður var funnin deyður, fóru tey í lík­húsið, har líkið av honum lá. Illar tungur hava seinni viljað verið við, at hann hevði verið á skøkjuhúsi. Men høgi haldur hans­ ara, ringa heilsan og veruleikin, at hann varð funnin eitt korter eftir, at hann var farin frá húsum, stuðla ikki hesum páhaldi. Heidi Müller og Jóhan Hendrik Rubeksen, fingu tann 3.mai 2018 eina fitta dóttir. Hon vig­aði 3250 gr og var 53 cm long. Rosely de la Cerna Reinert og Regin Reinert, fingu 8. mai 2018 eina dóttir. Longd: 51 cm. Vekt : 3740 gr Í 1912 kundi ein kongur fara einsamallur ein túr í býin – uttan lívverjar VÆLKOMIÐ LÍTLA BARN Katrin Michelsen farin 66 ára gomul Katrin Michelsen, fødd Thomsen, Oman Hoydalar í Hoyvík, ættað úr Fuglafirði, andaðist, 2. mei, 66 ára gomul Katrin Michelsen arbeiddi í fleiri ár, sum sjálvstøðug há­rfríð­k­an­arkvinna, men hesi sein­astu árini arbeiddi hon í køkinum á Lágargarði í Havn. Í frítíðini gekk hon nógv í før­oysku náttúruni. Katrin Michelsen var gift, átti tveir synir, verdøtur og omm­ubørn Niclas Heri fyllir 50 ár Í dag fyllir Niclas Heri Jákups­son 50 ár. Niclas Heri er landskendur sum fyr­ilestr­a­haldari, ráð­gevi og sangari Niclas Heri er klaksvíkingur og starv­aðist í nógv ár sum sølu­maður og skriv­stovu­ mað­ur. Seinastu árini hev­ur Niclas Heri havt fyri­tøk­una Fegin, sum eitt nú ráð­gevur um sølu og skipar fyri til­ tøkum. Fram um alt ann­að er Niclas Heri helst kend­ur sum sangari. Hann er ann­ar sangarin í bólkinum Dyna­ mit og hevur skrivað nógvar av sangunum hjá bólkinum. Nicl­as Heri er giftur Elin Egin­s­dóttir, sum er ættað úr Sør­vági, har tey eisini hava búð sein­astu árini. Tey eiga tvær døtur og hava fingið tvær ommu- og abbadøtur.