mánadagur 14. mai 2018síða 14

Mánadagur 14. mai 2018 · Nr. 54 14 Sosialurin Hugskot og viðmerkingar – send sms til 225000 Pætur Albinus Fríggjadagin og leygardagin vóru Føroyar vertir fyri norðurlendska meistara­heitinum (NM) í boccia fyri rørslutarnað. Hetta er triðju ferð, at Føroyar eru vertir fyri hesi kapp­ingini, sum varð spæld í høllini á Hálsi í Havn. Luttakandi londini, sum eru Føroyar, Ísland, Danmark, Noreg, Svøríki og Finnland, skiftast um at hava kappingina. Hon er á øðrum­hvørjum ári. Fyrstuferð Før­ oyar høvdu kappingina var í 1994, og síðani aftur í 2006 og nú í 2018. 101 gestur hava verið í Føroyum hesar dagarnar. Talan hevur verið um umleið 60 íðkarar og so hjálpar­ fólk og onnur afturat. Tróndur Ravnsfjall, ítróttar­ ráð­gevi hjá Parasport Føroyum, ið hevur staðið fyri kappingini, sig­ur, at tað hevur verið ein stór av­bjóð­ ing at hýst henni. - Hetta hevur kravt øgiliga nógva fyri­skipan – serliga logistiskt, tí tað hava verið 31 koyristólabrúkarar, greið­ir hann frá. - Men tað gekk sera væl. Fyrsta dagin bleiv tað drúgt, tí dystirnir blivu øgiliga spennandi og vit hildu leingi á, men nógv góð fólk hava tik­ ið eitt rimmar tak, sigur Trónd­ur víðari um orsøkina til at tað eydn­ aðist at avgreiða hesa stóru kapp­ ing­ina í Føroyum. Fáir føroyingar Orsøkin til, at tað kravdi nógv av fáum herðum til at fyriskipa kapp­ingina, er tann, at tað ikki eru nógvir føroyingar í boccia fyri rørslu­tarnað. Í kappingini vóru 14 spælarar í dysti í senn, og hetta kravdi samstundis, at tað vóru 32 dómar­ar og onnur fólk rundan um í senn. - Vit fingu tað at eydnast við at fáa fólk at standa leingi og renna nógv, sigur Tróndur Ravnsfjall. Hann hevur verið við til aðrar NM-kappingar, og tá saman um kom helt hann ikki, at Føroyar sum vertir stóðu nakað aftanfyri hini norður­londini. - So absolutt ikki, sigur hann. Ítróttarráðgevin hjá Parasport Før­oyum harmast um, at tað ikki er nógv rørslutarnað í Føroyum, sum spæla boccia. - Tað kundu saktans verið fleiri, sigur hann. Seks føroyskir íðkarar vóru við í NM-kappingini, og afturat teimum var ein venjari. Tróndur heldur, at fólk í dag hava nógv tilboð, og at hetta kann vera ein av orsøkunum til at tey ikki velja boccia. - Tey vita tí heldur ikki hvussu stutt­ligt og gott spæl boccia er. Tað er eisini persónliga gevandi. Tað er sosialt, og so venur tú eisini kon­ sen­tra­tión og kropsligar før­leik­ar. Eitt gott við boccia er eisini, at tað eisini er fyri tey, ið eru fjølbrekað og hava serliga skerdan førleika, sigur Tróndur, sum tí mælir fólki til at halda seg framat. - Um tað eru fólk, sum eru áhugað í at hoyra nærri ella at spæla, so eru tey altíð vælkomin at seta seg í samband við Parasport Før­oyar, sigur Tróndur Ravnsfjall. albinus@sosialurin.fo BOCCIA Tað var ein logistisk avbjóðing at hýsa 30 koyristólabrúkarum samstundis, men tá ið saman um kom eydnaðist NM í boccia í Føroyum sera væl, og sum vertir standa vit einki aftanfyri hini. - Absolutt ikki, sigur umboð fyri Parasport Føroyar, sum tó ynskir at fleiri rørslutarnað koma at royna seg í boccia NM í boccia: HÝSTU MEIRA ENN 100 GESTUM