mánadagur 14. mai 2018síða 22

Mánadagur 14. mai 2018 · Nr. 54 22 Sosialurin Hugskot og viðmerkingar – send sms til 225000 Vikan ið fór HB heldur frast í oddasessinum í føroyskum fótbólti, tá teir vinna 2-1 í Gøtu á Víkingi. B36 er næstfremst, eftir at teir vinna greitt á Skála. KÍ og NSÍ spæla javnt og missa í mun til oddin 07 Vestur stendur nú púra einsamalt í botninum í føroyskum fótbólti, eftir 3-0 tap fyri Suðringum. AB vinnur á EB/Streymi, so nú eru fýra lið í einum bólki aftanfyri tey fimm stóru Arsene Wenger stendur fyri seinastu ferð á odda fyri Arsenal, eftir 22 ár í venjarastarvinum. Mo Salah tekur metið frá Alan Shearer, Cristiano Ronaldo og Luis Suarez, tá hann skorar sítt mál nummar 32 í Premier League. Viljormur Davidsen og Vejle eru á gáttini til Superliguna komandi kappingarár. Við 3-0 sigri á Skive er Vejle trý stig fremst, nú tvey umfør eru eftir. NM í Boccia er í høllini á Hálsi, har um 100 gestir eru komnir til landið. Tað er ein avbjóðing, at hýsa yvir 30 koyristólabrúkarum, men kappignini spælir væl av. AB og Suðringar koma heldur óvæntað í hálvfinaluna í kappingini um Løgmanssteypið, saman við HB og B36, sum bæði vóru favorittar í sínum dystum. Manchester City hevur sett nýtt mett í Onglandi, tá liðið vinnur seinasta dystin í hesum kappingarárinum 1-0. Liðið hevur nú fingið 100 stig – tað er ongantíð hent fyrr. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Sebastian Pingel Aldur: 25 Yrki: Leiðari Jack & Jones og fótbóltsspælari HB Royn tína vitan um ítróttin her og nú! Svarini standa niðast til vinstru, men royn teg nú fyrst 1: Víkingur 2: 2013 3: Mo Salah (32 mál) 4: 1996 5: 68 ár 6: Agnas Olsen (VÍF) 7: Rasmus Søby (Neistin) 8: Heimir Guðjónsson, venjari hjá HB Hetta er ein bók um milliard­ing­ ar­nar, sum gera innrás í al­tjóða fótbólti. Teir keypa feløg, men tað spælir langtfrá altíð væl av. Vit hava dømir sum Chel­sea og Manchester City, sum hava notið gott av ríkum eigar­um, meðan onnur dømi eru Ports­mouth og ADO Den Haag, har eigara­viður­ skift­ini ikki hava verið góð. Tað krevur eitt sindur av samfelagsáhuga at lesa hesa bókina, tí hon snýr seg eisini um hvussu hesir eigarnir hava fingið sínar pengar, og hvussu teir brúka keypið av feløgum at vinna sær ágóðar. Eitt nú við nógvari um­talu í fjølmiðlaheiminum. Í fleiri førum snýr bókin seg um samrøður við fjepparar og onn­ur, sum hava við ávís feløg at gera. Her kemur ikki altíð so nógv undan kavi, meðan tað er ógjør­ligt at fáa menn sum Roman Abra­movich og Sheik Mansour at úttala seg. Ein partur av bókini er kines­ iski eigarin av ADO Den Haag, meðan ein annar stórur partur er um livikorini og arbeiðiskorini í Katar og miðeystri. Tað áhugavert nokk og gevur ein heildarmynd av støðuni, men kanska tað snýr seg í so nógv um tað, og eitt sindur minni um beinleiðis samanhangin við fótbóltin. Tú kundi sagt, at í støðum verður fótbólturin brúktur sum agn, fyri at fáa teg at lesa um neyðarsligu korini sum fermmandaarbeiðarnir í Katar hava. Bókin lýsir væl gongdina frá, at lokalu vinnulívsfólkini stuðlaðu feløgunum, til at milliardingarnir hava tikið yvir. Tað eru eisini fleiri orsøkir til at keypa eitt fótbólts­ felag. Langt frá øll hava hjartað við, sum áskoðararnir hava. Tað gevur mótspæl millum eigara og við­haldsfólk. Eftir rákinum at døma, so hava vit ikki sæð seinasta milliard­ingin, sum keyp­ir eitt felag og gera gott, meðan onkur annar ger tað minni gott. LES UM: Tú hevur eisini hevur áhuga fyri sam­felags­ liga saman­hangi­num handan milliard­ingarnar í fót­ból­ti. IKKI LESA UM: Tú bara væntar søgur við beinleiðis sambandi til fótbóltin og fótbólts­feløgini. Ongin rokni­ skap­ur ella tøl eru at síggja í bókini, ei heldur verður gongd­in hjá feløgunum lýst nærri enn við fáum orðum. HVUSSU ER AT LESA:: Bókin skiftir millum ymisku milliard­ inga­rn­ar, og tú kanst lesa hana í kapitl­um. HVAT SIGUR TÚ: Eg stríddist fyri at koma í gjøgnum allar kapitl­ar­nar, men alíkvæl er bók­in upplýsandi og væl skrivað. Verd at lesa, um tú eisini rúmar sam­ felags­liga partinum. FAKTA: Bókin er útgivin í juni 2017. Rithøvindur er James Piotr Montague, sum hevur skrivað aðrar bøkur, ið samantvinna sam­ felag og fótbólt í miðeystri. Ummælið: The Billlionaires Club: The Unstoppable Rise of Football's Super-rich Owners 1. Adrian Justinussen skoraði bæði málini, tá HB vann 2-1 á Víkingi. Hvar er hann uppvaksin? 2. Nær vann HB seinast FM í bestu deildini hjá monnum? 3. Hvør er toppskjútti í Premier League hetta kappingarárið? 4. Hvat ár bleiv Arsene Wenger settur sum venjari hjá Arsenal? 5. Hvussu gamal er Arsene Wenger, nú hann takkar fyri seg? 6. Hvør bleiv ársins spælari hjá kvinnum í hondbólti? 7. Hvør bleiv ársins spælari hjá monnum í hondbólti? 8. Hvør er spælarin á myndini? Tú hevur ikki spælt í eina tíð við HB. Hvat hevur verið galið? Knæðið hjá mær hevur tíverri arga alt kappingarárið higartil, so tað hevur verið galið. Nær væntar tú at kunna at spæla aftur? Tað veit eg nokk fyrst í morgin – týsdagin – tá eg skal undir eina sokallaða kikara skurðviðgerð, har læknin fer at hyggja inn í knæðið. Hvussu hevur tað verið at sitið uttanfyri alt kappingarárið higartil? Uha, tað hevur pent sagt verið ræðuligt at sitið uttanfyri við skaða. Í løtuni eru tit í HB flúgvandi. Hvussu langt kann tað røkka hjá tykkum í ár? Ja, í løtuni eru vit flúgvandi, og vit hava fingið nakrar vinnara typur inn á liðið, sum hava nógv at siga. Um vit kunnu halda fokus og taka ein dyst á gangin, so kann tað røkka langt hjá okkum, men higartil er bert ein triðingur spældur, so tað er tíðliga at siga enn. Tú hevur ein ágrýtnan og engageraðan spælistíl. Hvussu ert tú sum áskoðari til dystir? Ja, eg eri nokk líka forferduligur at hoyra uppá uttanfyri vøllin, sum á vøllinum – sagt við einum smíli. Eg livi meg nógv í tað, og hjálpi liðnum í øllum sum eg kann. Eg eti saman við liðnum, eri við tá vit hita upp, eri við inni í hálvleikinum og undir dystinum standi eg og rópi. So eg eri ein engageraður áskoðari eisini. -Hann kundi fingið eina viðursløn fyri at fari úr bilinum Jurgen Klopp, venjari hjá Liverpool, um allar viðurslønirnar, sum Mo Salah hevur vunnið í ár -Um vit spæla upp á hendan mátan, so tapa vit FA Cup finaluna Antonio Conte, venjari hjá Chelsea, eftir 3-0 ósigurin fyri Newcastle 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku!