hósdagur 17. mai 2018síða 4

FRÍGGJADAGUR 18. MAI 2018 SOSIALURIN 56 4 Vikan ið fór Sæð á Facebook: Týsdagin bleiv P/F Poul Hansen kosið ársins borgari av Lions Club Tórshavn. Týsdagin boðaði Effo frá, at Janus Thomsen tekur við stjórastarvinum 1. august. Mikudagin bleiv ákæra reist móti eigara og skipara á einum RIB-báti, sum sigldi við ferðafólkum í Skopunarfirði. Mikudagin skrivaði Turið Arge Samuelsen undir tvey ára sáttmála við íslendska hondbóltsfelagið Haukur. Hósdagin byrjaði rættarmálið móti 42 ára gamla føroyinginum, sum er ákærdur fyri at hava eggjað eini javnaldrandi danskari konu at neyðtaka son sín. Semingsstovnurin MEST NÝTTA ORÐIÐ HESA VIKUNA ...uppá ein minutt fleiri mannfólk fluttu til Føroya enn úr Føroyum fyrsta ársfjórðing í ár. Kvinnurnar vóru 64 fleiri. ferðir er LÍV Resecue tilkallaður hesi 10 árini, síðani bjargingarbáturin kom til Føroya. 176 300 Tá partarnir á arbeiðsmarknaðinum staðfesta, at samráðingarnar ikki bera á mál, verður semingsmaðurin tilkallaður. Í vár hava fleiri av sáttmálasamráðingunum á arbeiðsmarknaðinu verið so harðar, at semingsmaðurin er tilkallaður. Terje Sigurðsson er semingsmaður og Símun Absalonsen er varasemingsmaður. Semingsmaðurin hevur heimild at útseta fráboðaðan arbeiðssteðg í upp til eina viku. Hann kann eisini heita á partarnar um at samráðast víðari sjálvur, um hann heldur, at grundarlag er fyri tí. Vanliga leggur semingsmaðurin eitt uppskot fyri partarnar, sum partarnir síðani sjálvir kunnu góðtaka ella vraka. Semingsmaðurin kann leggja fleiri uppskot fyri partarnar, men vanligt er at bíða somikið leingi, at tá eitt uppskot verður lagt fram, er tað snikkað so til, at báðir partar kunnu góðtaka tað. Systkin eru sum pannukøkur. Tann fyrsta verður altíð eitt sindur løgin. Andøvsgul upp í ein strúk í vindi av suðri, 8 til 13 m/s, møguliga harðar hvirlur. Seinnapartin hækkar hann í ein vestan og útnyrðing og makar í gul til stívt andøvsgul, 6 til 10 m/s. Regn og skýggjað, men seinnapartin klárar í. Hitin millum 8 og 10 stig. Um náttina lot til gul av útsynningi, upp í 5 m/s, men út á náttina lækkar hann í sunnan og øtlar í gul til stívt andøvsgul, 5 til 10 m/s. Yvirhøvur turt og samdrigið og hitin millum 5 og 8 stig. Gul til stívt andøvsgul av útsynningi, upp í 10 m/s. Yvirhøvur turt og sólglottar og hitin millum 8 og 10 stig. Um náttina gul til stívt andøvsgul av útsynningi, 5 til 10 m/s. Yvirhøvur skýggjað, men turt, og hitin millum 6 og 8 stig. Hann øtlar vindin í andøvsgul upp í ein strúk í vindi av suðri, 8 til 13 m/s, og út á seinnapartin upp í hvassan vind, 15 m/s, og harðar hvirlur. Mest skýggjað og nógv regn. Hitin um 10 stig. Um náttina eitt skifti strúkur í vindi upp í skrið av suðri, 13 til 18 m/s, men út á náttina snarar hann í ein útsynningi og makar í andøvsgul upp í ein strúk í vindi, 8 til 13 m/s, og tað klárar í. Hitin millum 6 og 8 stig. 8-13 m/s 7-10 m/s 8-13 m/s At Løgtingið fer heim og ikki hevur fundir, hevur ongantíð verið trygd fyri, at friður er á politiska vígvøllinum. Soleiðis heldur ikki í ár. Nú eru tað tunnlar, sum hava sett eld í. Tað er eisini skiljandi, at kjakast verður um stóru tunnlarnar, tí har er talan um megastórar íløgur. Allastørsta íløgan á økinum er verkætlani, sum bindur Sandoynna, Streymoynna og Eysturoynna saman. Ein verkætlan, sum tá ið avtornar fer at nærkast trimum milljardum krónum. Farið er eisini undir at gera nýggjan tunnil til Hvalbiar, samstundis sum krøvini økjast um l at fáa gongd á at gera nýggjar tunnlar Norð um fjall. Sum nevnt er hetta væl skiljandi, men stríðið nú er í veruleikanum eitt annað stríð. Landsstýrismaðurin við samferðslumálum hevur sett sær fyri, at tann fyrsta av smáu tunnlunum, sum skal gerast, er tann til Fámjin. Hetta hóvar ikki forkvinnuni í fíggjarnevndini, tí hon metir, at landsstýrismaðurin tekur tingið og fíggjarnevndina av ræði við hesi raðfestingini. So hóast talan er um eitt lítið mál í stóru myndini, so er talan um eina politiska telving innanhýsiss í samgonguni. Oldurin vil til Fámjins fyrst, meðan frú Vang vil fyrst til Dals. Sum vanligir borgarar hava vit kanska hug at siga, at politikararnir skulu taka seg saman og loysa uppgávurnar. Politikararnir skulu raðfesta og tað skal gerast uppá ein greiðan og skiljandi mátta. Tað er ikki gott nokk, at hvør tulkar tingsins samtyktir egnan veg. Seinastu hagtølini vísa, at útflutningurin er minni fyrsta ársfjóðringin í ár, samanborið við sama ársfjóðring í fjør. Fyrst ein hoyrir tað, so ringja alarmklokkurnar, men veruleikin er tann, at hjólini mala við fullari ferð enn. Ein litil niðurgongd er, tí minni av makreli og sild er útflutt og helst eisini tí prísirnir hava verið eitt sindur lægri. Eisini laksaútflutningurin gav minni fyrsta ársfjóðring í ár, men laksaalararnir sjálvir eru framvegis í góðum lag. Hóttanin um, at prísirnir á laksi fóru at fella í hesum árinum annars, vísa seg ikki at fara at halda. Greinararnir í Noreg siga tvørturímóti,, at prísurin fer at halda høga støðið í minsta lagi trý ár afturat. Fyri Føroyar sum heild er hetta óført at hoyra, men vit vita eisini, at við alingini ber ikki til at taka nakað fyri givið. Har er so nógv, sum skal spæla saman, at ansast má væl eftir – eisini tá ið tað gongur væl. Vit hava hoyrt um sjúkur, lús og annað, sum kunnu gerast sera avbjóðandi fyri alingina. Hvítusunnan stendur fyri durum. Tað eigur at hava við sær, at vit fáa eitt meira várligt og summarligt veðurlag. Vónandi hendir tað nú. Eitt sindur av lýkku hevði hjálpt. Ája! Árni Gregersen, journalistur, skrivar Ája! Visti tú? FBI setti seg í samband við donsku løgregluna um myndirnar, sum 42 ára gamli føroyingurin fekk sendandi frá javnaldrandi mammuni, har hon gjørdi seg inn á sonin?