hósdagur 17. mai 2018síða 9

FRÍGGJADAGUR 18. MAI 2018 SOSIALURIN 56 9 Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum Navn: Svenning av Lofti Ísrael hevur verið mítt annað heimland seinastu 40 árini. Ísrael er einasta demokratiska landið í miðeystri. Ísrael verjir trúarfrælsið. Miðflokkurin stuðlar jødunum og tilverurætti teirra í heimlandinum Ísrael. Miðflokkurin stendur fyri hesum - og øðrum virðum, sum eg meti hátt. Tí fellur mær lætt at velja Miðflokkin. www.midflokkurin.fo MIÐFLOKKURIN Vangamynd 14. mai vóru liðin 70 ár, síðani staturin Ísrael varð stovnaður. Miðflokkurin staðfestir, at nógvir føroyingar eru vinir Ísraels. Uttan iva, tí Bíblian man vera mest lisna bók millum føroyingar. Við sínum mongu kristnu hava almennu Føroyar sjálvsagda skyldu at signa Ísrael og stuðla landinum í stríði tess at tryggja jødum kring allan heim eitt heimland, har teir kunnu liva í friði og vónríkari framtíð. Løgmaður eigur heilt náttúrliga vegna teir sera mongu føroyingar, hvørs hjørtu banka fyri tilverurætti Ísraels, at senda almenna vinarkvøðu til ísraelsku stjórnina á 70 ára mótinum - við ynski um Guðs signing og eydnu í stríði landsins fyri tryggleika og friði. Miðflokkurin ætlar í eini komandi samgongu at halda vinalagið við ísraelsku tjóðina í fremstu røð. CITAT Miðflokkurin vil, at Føroyar stuðla Ísrael í stríði landsins fyri tryggleika og friði. (úr stevnuskrá Miðflokksins) tí tey verða marginaliserað í samfelagnum. Tað eru nógv so­vorð­in mál. Eg síggi fleiri hundrað um árið, sigur Pál Weihe, sum held­ur tað vera gott, at samfelagið kann taka um endan og hjálpa teimum illa støddu. Pál Weihe hevur eisini verið formaður í Læknafelagnum í fleiri ár og varð í heyst afturvaldur í eitt tvey ára skeið afturat. – Tað uppgávuna átók eg mær fegin. Eg veit nokk so væl um heilsu­verkið og almannaverkið, og hvussu tað virkar innanífrá, og tað er ein góður førleiki, sigur Pál, sum leggur áherðslu á, at tað er eitt hjartamál hjá honum at fáa eitt so gott heilsuverk í Føroyum, sum yvirhøvur til ber. Heilsuverkið avgerandi Eitt vælvirkandi heilsuverk er ein av kjarnutænastunum í einum nú­tímans samfelagi, sigur Pál Weihe, sum heldur, at vit skulu vera sinnað at gjalda tað, sum tað kostar. – Vit hava brúk fyri at fáa so nógv dugnalig fólk sum møguligt aftur til Føroya. Tey koma ikki heimaftur, um tað frættist, at vit hava eitt vánaligt heilsuverk, held­ur Pál, sum hevur víst á, at vit skulu hava 50 serlæknar afturat. Hann mælir til, at 300 milliónir krónur afturat verða játtaðar til heilsuverkið. Hann sigur, at hetta er neyðugt, um vit skulu hava eitt líka gott heilsuverk sum aðra­staðni. Hann vísir í hesum sambandi á eina nýggja frágreiðing, hvørs nið­urstøða er, at føroyingar hava ikki sama álit á føroyska heilsu­verk­inum og teir hava á heilsu­verk­ in­um aðrastaðni. – Eg fái ilt í hjartað av at hoyra, at vit hava størri álit á útlendskum heilsuverkum. Tað skulu vit taka í álvara, og vit skulu gera okkum greitt, hvat vit kunnu gera betri, sigur hann. Hann heldur, at tað er ikki løgið, at læknarnir í Føroyum ikki hava eins góða tíð at samskifta við sjúklingarnar og læknarnir í Danmark, tí har mangla tey ikki fólk. – Okkum nýtist ikki at keypa fremm­ andar vikarar. Meira enn 100 føroyingar lesa til lækna, og vit skulu bara leggja ætlanir, so­leiðis at teir síggja eina framtíð í Før­oyum. Hví ikki gera okkum til reið­ar at taka í móti teimum og fáa eitt stjørnugott heilsuverk, spyr Pál Weihe, sum heldur, at tað ber væl til. Einsamallur í dreymahúsunum Eftir at konan flutti á heimið í Vallalíð, hevur tað verið tungt hjá Pál Weihe at búgva einsamallur í hús­unum, sum øll árini hava verið dreymahúsini hjá bæði honum og konuni. – Tá vit skuldu keypa hús, hugdu vit eftir einum 100 húsum. Men tá vit so í 1991 komu inn í húsini ovast í Mannbrekku, vórðu vit bæði forelskað á staðnum. – Tað er kveikjandi at sita við vind­eygað og síggja Nóls­oyar­fjørð, Eystnes og heilt niðan á vind­myll­urnar í Húsahaga. Tað er ein sonn fragd at búgva her, sigur Pál, sum ásannar, at tað er ómetaliga einsligt at vera einsamallur í húsi. – Sára hevur verið mín fylgis­vein­ur, og eg sakni ómetaliga nógv hugnaløturnar hjá okkum, sig­ur Pál, sum vitjar konu sína hvønn einasta dag, tá hann ikki er uttanlands. Hann hevur hana eisini við sær í brúdleyp, føð­ing­ar­dag­ar og til onnur tiltøk. – Eg goymi hana ikki burtur. Hon verður pyntað og kemur sjálv­andi við mær, har sum eg fari, tá tað ber til, sigur Pál, sum eisini hevði kon­una við til arbeiðis í tvey ár, áðrenn hon flutti í Vallalíð. Vertskapsmaður burturav Hóast tað er einsligt, so gongur tað væl hjá Pál Weihe at halda hús. Hann sigur seg ikki duga so øgiliga væl at gera reint, men hann dugir sera væl at gera mat. Í eini roynd at fáa lív í húsið bjóðar hann so nógvum fólkum sum møguligt heim til sín til góðar døgurðar. – Eg geri allar møguligar matskráir, og eg geri mær stóran ómak. Eg kann hava 24 fólk til borðs ísenn, og tað hendir javnan, at eg bjóði fólki heim, sigur Pál Weihe, sum held­ur, at tað er ein listagrein at skipa fyri veitsl­um. – Maturin, víni, tónleikurin og røðurnar skulu ganga upp í eina hægri eind. Bæði smakkurin, tað, sum verður sagt, og tað, sum verður sungið, sigur hann og leggur afturat, at hann brúkar drúgva tíð at leggja veitsluna til rættis. Hann heldur fleiri slíkar veitslur um árið. – Eg eri heilt ómetaliga sosialur, og eg elski at sita og práta, kjakast og verja púra vitleys sjónarmið so leingi, sum tað ber til, fyri síðani at sleppa teimum aftur. Eisini eitt tápuligt sjónarmið hevur uppiborið tign eina løtu, sigur Pál. – Tá fólk reisa seg upp við einum skeiv­ um tanka, sum onkur loftar, tá borð­haldið soleiðis gongur, tá fegnist eg djúpt. Tú loysir teg frá gerandisdegnum og letur tankan reika, og tað kennist sum um, at tú ert komin upp á eitt fjall og hyggur útyvir lívið. Hann sigur, at um ein alla tíðina bara situr og staðfestir kendar sannleikar, so verður eingin framburður. – Skal okkurt nýtt mennast, er neyðugt at spæla sær við tonkunum. Veitslulag kann geva tær frælsi til at tosa um alt møguligt, uttan at tað skal takast bókstavliga. – Tað snýr seg um at elska tilveruna og lívið og føla, at her er gott at vera. Tað hava vit í Føroyum allar góðar møguleikar til, um vit vilja taka teir, sigur Pál Weihe, sum kennir tað sum ein framíhjárætt at kunna brúka síni evni í Føroyum, har tað er trygt og gott. – Okkum nýtist ikki at keypa fremmandar vikarar. Meira enn 100 føroyingar lesa til lækna, og vit skulu bara leggja ætlanir, soleiðis at teir síggja eina framtíð í Føroyum.