hósdagur 24. mai 2018síða 10

FRÍGGJADAGUR 18. MAI 2018 SOSIALURIN 56 10 HALLUR AV RANA L ongu á fyrsta degnum í rættarmálinum móti 42 ára gamla føroyinginum, ið danska ákæruvaldið hevur ákært fyri at hava ráðgivið og eggjað einari danskari kvinnu til at fremja kynsligan ágang móti fýra ára gamla soni sínum, gjørdist klárt, at verjan hjá manninum er at halda upp á, at alt sum er hent millum hann og kvinnuna er heilaspuni ella fantasi, ið hann nevndi tað. Ákæruvaldið hevur eina heilt aðra uppfatan av hvat hendi millum tey bæði og hevur reist 40 ákærir móti føroyinginum fyri í tíðarskeiðinum frá 7. juni 2017 til 19. september í 2017 at hava ráðgivið og eggjað donsku kvinnuni í áganginum móti soninum. Próvførslan er fyrst og fremst samskiftið millum teirra, ið ákæruvaldið hevur fingið hendur á. Talan er um tveir mánaðir av samskifti á sosiala miðlinum LinkedIn, ein mánað samskifti gjøgnum teldupost og harumframt myndir og video, ið tey hava sent hvørjum øðrum. Harumframt er 43 ára gamla danska kvinnan dømd fyri ágangin eftir at hon játtaði seg sekan í øllum ákærum. Hann tók fyrsta stigið Bente Schnack, ákæri, fór gjøgnum tað mesta av samskiftinum millum tey bæði og vildi millum annað fáa greiðu á hvussu tvey fremmand fólk byrjaðu at skriva saman 7. juni. 42 ára gamli føroyingurin greiddi frá, at samband kom í lag millum tey bæði eftir, at hann hevði sent eina vinarumbøn til kvinnuna á sosiala miðlinum LinkedIn og var byrjaður at skriva til hana. Tað gjørdi hann tí hann helt at kvinnan var vøkur og virkaði bæði klók og áhugaverd. Samskiftið teirra millum fór skjótt inn á eina seksuella kós og greiddi ákærdi frá, at hann ynskti at staðfesta um danska kvinnan hevði eitt opið sinn ella var konservativ, tí hann ynskti vita hvørji hennara mørk vóru. Sum dagarnar gingu gjørdist samrøðan alsamt meira seksuell og skriva tey bæði saman um seksuella tørvin hjá fýra ára gamla soninum og hvussu hon kann venja hann upp seksuelt. Harumframt eggjar hann hana til at hava samlegu við pápa sín og dóttir sína. Handtikin Løgreglan handtók tó kvinnuna áðrenn nakað seksuelt hendi við pápanum og dóttrini, men í samskiftinum teirra millum greiðir hon í smálutum frá hvussu hon ger seg inn á sonin, meðan føroyingurin eggjar henni at halda á, leggur henni lag á og biður um myndir og video av tí. Fleiri ferðir greiðir hann kvinnuni frá, at seksuelt samband millum mammu og son er púra vanligt. Í rættinum gjørdi hann tó greitt, at fyri hansara viðkomandi, so var talan um heilaspuni og at hann var óvitandi um, at hon gjørdi hesi tingini í veruleikanum. Sjálvur leyg hann um síni familjuviðurskifti og annað, ið tey skrivaðu um, og gekk hann bara út frá, at hon gjørdi tað sama. Tað fall honum ikki inn, at ein kvinna, ið tóktist at vera so intellektuell, kundi fremja slíkan ágang í veruleikanum. Tá ið hann bleiv spurdur um myndirnar og videoini, ið kvinnan sendi honum, ikki vóru prógv fyri, at her var talan um veruleika og ikki heilaspuni, svaraði ákærdi føroyingurin, at hann gekk bara út frá, at talan var um myndir og videoir, ið hon hevði funnið á netinum. Samskiftið teirra millum var tó ikki bara á netinum, tí tey bæði møttust fýra ferðir, harav einaferð í H.C. Ørstedparkini í Keypmannahavn og einum hotelli. Spurdur um hann tá ikki varð greiður yvir, at fyri kvinnuna var talan ikki um heilaspuni, svaraði føroyingurin, at tey møttust mitt um dagin og vóru so stutt saman, at tey ikki tosaðu so nógv saman, men høvdu bara sex. Bangin fyri at verða uppdagað Tá ágangurin var byrjaður á fýra ára gamla sonin viðgekk mamman, at hon varð bangin fyri, at LinkedIn ikki var eitt nóg tryggur pallur hjá teimum at samskifta á. Føroyingurin gav henni tá boð um, at bara sletta alt beinanvegin, ið hon fekk og skrivaði, tí tað gjørdi hann. Í rættinum vísti ákærdi eisini á, at um so var, at hann visti, at ágangurin var veruligur, so hevði hann aldrin verið so býttur, at brúkt ein so ótryggan samskiftispall sum LinkedIn. 11. juli varnaðust tey bæði, at tey vórðu útistongd frá LinkedIn, men kortini helt samskiftið teirra millum fram gjøgnum teldupost. Samskiftið teirra millum endaði 19. september, tá kvinnan bleiv handtikin, aftaná at hon hevði koyrt sonin í barnagarð. Sonurin bleiv sama dag avhoyrdur av løgregluni og vóru prógvini so mikið tyngjandi, at mamman bleiv varðhaldsfongslað. Umleið ein mánað seinni, 16. oktober, bleiv føroyski maðurin handtikin á flogvøllinum í Kastrup, tá hann kom úr flogfarinum úr Føroyum. Danski ákærin upplýsti í rættinum, at tað var amerikanska samveldisløgreglan FBI, ið umvegis amerikansku sendistovuni í Keypmannahavn, meldaði málið til donsku løgregluna, aftaná at LinkedIn hevði gjørt vart við barnapornografisku myndirnar, ið blivu send millum tey bæði. HALLUR@SOSIALURIN.FO HEILASPUNI ELLA VERULEIKI Tá ið hann bleiv spurdur um myndirnar og videoini, ið kvinnan sendi honum, ikki vóru prógv fyri, at her var talan um veruleika og ikki heilaspuni, svaraði ákærdi føroyingurin, at hann gekk bara út frá, at talan var um myndir og videoir, ið hon hevði funnið á netinum