hósdagur 24. mai 2018síða 15

FRÍGGJADAGUR 25. MAI 2018 SOSIALURIN 58 15 -Máltevið hevur hann ikki frá fremm­andum, helt onkur fyri mill­ um áskoðararnar á Argjum. Pápin er Olgar Danielsen, sum sambært faroesoccer.com í fimtan ár – frá 1984 og fram til 1999 – var á besta KÍ liðinum í 164 landskappingardystum og 50 dyst­ um um løgmanssteypið. Hann skor­aði 53 mál í landskappingini og 25 í steypakappingini. Nú eru tað synirnir, sum royna seg, og Olgar fylgir væl við teimum. Synirnir standa fremstir Upplagt er at spyrja Olgar, hvørjum felag hann heldur við, tá ið ein son­ur er á liðinum hjá Skála, ein er á EB/Streyma liðinum, og tann yngsti er á liðinum hjá KÍ: -Tað er nógv fótbóltsprát heima við hús, og fótbólturin hevur altíð verið og er bæði pallur og amboð í sam­skiftinum okkara millum. Vit um­røða dystir og støður og venda og snara, hvat kundi verið øðrvísi og hvussu. Soleiðis hevur tað verið frá tí, at teir vóru smádreingir. Tá ið tað hevur borið til, havi eg altíð roynt at síggja teir venja og spæla, og onkuntíð havi eg verið venjari hjá teimum. Tá ið eg skal svara spurninginum, hvørjum eg haldi við, so er tað sjálvandi soleiðis, at eg fyrst og fremst vóni, at tað gongst synunum væl, sigur Olgar Daniel­ sen, og hann heldur fram: -Eg havi serligt samband við øll feløgini, sum teir nú umboða. Niels Pauli spælir á Skála, sum var fyrsta felagið, ið eg vandi og spældi við. Pápi var prestur, og vit búðu í Ónagerði á Viðareiði, inntil eg var sjey ár, so búðu vit á Gjaranesi, og tá spældi eg fótbólt á Skála, inntil eg var fjúrtan. Í 1980 fluttu vit til Klaksvíkar, og KÍ hevur framum øll onnur verið felagið hjá mær. Tað er eisini tætt samband mill­ um Olgar og felagið, sum miðl­inga­ sonurin Ragnar nú umboðar: -Eg var venjari hjá næsbesta liðinum hjá EB/Streymi 2007-2011 og í 2016 venjari hjá besta liðnum, sum hetta árið vann næstbestu deildina. Niels Pauli fekk ikki møguleikan á besta liðinum í Klaks­vík, tí flutti hann fram ímóti kapp­ingarenda í 2011 til EB/Streym, og har var hann fastur maður á FM liðin­um í 2012. Ragnar hevði ikki sama hug at leggja so nógva orku í fót­bólt­ in, sum Niels Pauli altíð hevur havt. Hann var mest sum givin í Klaksvík og hugnaði sær á triði besta liðinum, tá ið teir í EB/ Streymi, eftir at hann hevði verið við beiggjanum til nakrar vetr­ ar­venjingar, bóðu hann koma at spæla við teimum. Hetta var í 2014, og síðani hevur hann verið í EB/ Streymi, har honum dámar væl. So eg havi gott samband við Skála, EB/ Streym og KÍ. Hvussu fært tú tað at ganga upp, tá ið tú fegin ynskir at síggja dyst­irnar hjá øllum synunum? -Tá ið Aksel higartil í ár fyri tað mesta hevur verið á næstbesta liðin­um hjá KÍ, hevur spurningurin sunnu­dag verið, um eg skal hyggja á Skála ella á Eiði – um lið­ini eiga heimavøll. Fleiri ferðir hava dystartíðirnar ikki verið tær somu, og so havi eg koyrt ímillum. Sunnu­ dag­in var eg í Gundadali og sá B36 og NSÍ, og so fór eg út á Argir. Har var eg allan dystin á tamb, tí eg hevði varhugan av, at Aksel fór at fáa møguleikan, og nú eri eg fegin um, at eg bíðaði og sá hann skora. Tað bar so við sær, at eg bara sá seinna hálvleik í Gundadali millum HB og EB/Streym og Ragnar. Annan sunnudag hittast Skála og EB/Streymur á Skála. Hvørjum fert tú tá at taka meiri á við – Niels Paula og Skála ella Ragnari og EB/ Streymi? -Teir hava longu spælt ímóti hvørjum øðrum fyrr í ár. Tað kenn­ ist eitt sindur undarligt. Tá haldi eg meg heilt óheftan av liðunum, men sjálv­andi eri eg spentur í, hvussu tað gongur synunum báðum. Eg eri spentur, men eg havi ongantíð verið millum áskoðararnar, sum tað hoyrist mest til, og tá ið syn­ ir­nir dystast innanhýsis, eri eg uppaftur meiri tigandi. Altjóða møguleikin Olgar Danielsen skoraði fyrsta før­ oyska málið yvirhøvur í europe­isk­ ari liðkapping, og hann var eisini fyrsti føroyingurin at skora hattr­ ikk í europeiskari kapping. Í landsliðshøpi var talan um tvær innskiftingar, tá ið donsku vet­eranarnir á sumri í 1989 við All­ ani Simonsen og Morten Olsen á odda vitjaðu. Tað hava ongantíð verið lands­ liðsboð eftir Niels Paula og Ragnari. Tann yngsti – Aksel – hevur verið á U17 og U19 landsliðinum. Tá ið Niels Pauli og EB/Streym­ ur spældu í Europa, var Niels Pauli millum málskjúttarnar. Tað eru ikki so nógvir føroyingar, sum hava gingið í faðirsporum sum mál­ skjútt­ar í hesum kappingunum, síð­ani føroyingar fóru at luttaka í 1992. Kanska eru feðgarnir Olgar og Niels Pauli teir einastu. -Vit fylgja eisini við í altjóða fót­bólti og sita ofta saman og hyggja. Tað er góður karmur um felags­skapin millum ættarliðini. Sjálv­andi er tað hugaligt, um boð eru eftir synunum at umboða føði­ landið, men hetta er ikki nakað, sum fyllir í gerandisdegnum, sigur Olgar Danielsen. UR VIÐ UM Olgar Danielsen Føddur 6. februar 1966 • KÍ 1984 – 1999 • 164 landskappingardystir í bestu deildini – 53 mál • 50 steypadystir – 25 mál • FM 1991 og 1999 • Steypavinnari 1990 og 1999 (tá ið KÍ vann steypakappingina í 1994 var Olgar burtur frá fótbólti í eitt ár orsaka av knæskaða) • Champions League 2 dystir – 1 mál (19. august 1992 tá ið KÍ í fyrsta dystinum yvirhøvur hjá føroyskum felag í hesi kappingini tapti 3-1 á Svangaskarði ímóti Skonto Riga úr Letlandi) • UEFA Cup 2 dystir – 1 mál (30. juli 1997 tá ið KÍ tapti 3-2 á Svangaskarði ímóti Ujpesti úr Ungarn) • Cup Winners Cup 2 dystir – 3 mál (24. august 1995 tá ið KÍ vann 3-2 á Svangaskarði ímóti Maccabi Haifa úr Ísrael. Olgar varð skiftur inn beinanvegin eftir steðgin og skoraði frá 54. og til 72. minutt fyrsta føroyska hattrikkið í europeisku kappingunum) • Olgar spældi fimm hálvleikir í Europa kappingum á heimavølli og skoraði fimm mál – fimm tey fyrstu hjá KÍ í Europa • Leikandi venjari 2000 – 2002 KÍ í 1. deild • Venjari 2007 – 2011 og 2016 hjá EB/Streymi í 1. og 2. deild. • Hjálparvenjari 2003 KÍ og 2017 ÍF Niels Pauli Bjartalíð Danielsen Føddur 18. januar 1989 • KÍ – 2007, EB/Streymur 2008, KÍ 2009 – 2011, EB/Streymur 2011 – 2015, KÍ 2016, ÍF 2017, Skála 2018 • 177 landskappingardystir í bestu deildini – 21 mál • 26 dystir í steypakappingini – 4 mál • 2 stórsteypadystir – 1 mál • FM 2012 • Steypavinnari 2016 • Champions League 4 dystir – 1 mál (23. juli 2013 tá ið EB/Streymur tapti 3-1 á Tórsvølli ímóti Dinamo Tbilisi úr Georgia) • Europa League 2 dystir Ragnar Bjartalíð Danielsen Føddur 24. apríl 1992 • KÍ – 2014, EB/Streymur 2015 – 2018 • 55 landskappingardystir í bestu deildini – 4 mál • 8 dystir í steypakappingini Aksel Bjartalíð Danielsen Føddur 3. apríl 1999 • KÍ 2014 - • 7 landskappingardystir í bestu deildini – 1 mál • 1 dyst í steypakappingini • 7 dystir á U17 landsliðnum • 2 dystir á U19 landsliðnum Kelda: faroesoccer.com