hósdagur 24. mai 2018síða 16

FRÍGGJADAGUR 25. MAI 2018 SOSIALURIN 58 16 TRÓDUR ARGE S unnudagin verður 12. um­far í Betri deildini hjá monn­um. Størsti dysturin er í Gundadali, har B36 tekur móti NSÍ. Talan er um tveir av avbjóðarunum í FM stríðnum, sum hava nakrar av sterkastu bóltspælarunum í landinum. Í Gøtu skal Víkingur reisa seg eftir tveir ósigrar móti høvðus­ stað­num, meðan KÍ skal halda fast í hinum FM avbjóðarunum. Á pappírinum hevur HB lættastu upp­gávuna. Teir eru á vitjan á Argjum. Seinast liðini møttust endaði tað við 5-0 sigri til HB, sum við enn einum sigri dregur frá minst tveimum av avbjóðarunum. Í hinum endanum nærkast sein­asta útkalli hjá 07 Vestur, sum tekur móti einum skerdum Skála- liði. Á Eiði spæla EB/Streymur og Suðringar, sum bæði halda seg kunna meiri enn at verða ein partur av botnstríðnum, men tað krevur stig. B36 – NSÍ Sunnudagin klokkan 15 DÓMARI: RÚNI GAARDBO Tað var dreymafinalan í fjør. Tey bæði liðini, sum spæla besta fótbóltin í Føroyum í eini steypa­ finalu. Fyri B36 er framvegis talan um álopsfótbólt, meðan NSÍ tykist hava trupult við at umstilla seg til stílin hjá nýggjan venjaranum, Sámali Erik Hentze. Runavíkingar eru trýstir at fáa stig í Gundadali, tí HB er longu átta stig frammanfyri. Gera teir sína skyldu á Argjum, so kann munurin í ringasta føri verða 11 stig eftir 12 um­før. NSÍ er framvegis uttan Klæmint A. Olsen, sum júst hevur verið undir skurð við hondini. Vænt­andi spælir hann ikki aftur fyrr enn um einar fimm ella seks vikur. Seinast spældi Pól Jóhannus Justinus­sen í álopinum. Hann er annars miðvallari og skoraði eitt mál í 5-0 sigrinum á 07 Vestur, meðan innskifti Øssur Dalbúð skoraði tvey. Fyri B36 eru framvegis fleiri skaðar. Í seinastuni hevur Alex Mellem­gaard verið sjúkur, og tað er ivasamt um hann verður tøkur til dystin móti NSÍ. Ungi miðverjin, Bjarni Petersen, fór av vøllinum við eini fipur í tjúkkanum, tá B36 vann 2-1 á Víkingi. Hóast spælarar sum Róaldur Jakob­sen, Jónas Tór Næs og Christian R. Mouritsen hava sitið uttan­fyri at kalla alt árið, so hevur B36 nú vunnið níggju dystir upp í slag. Í løtuni tykist B36 hava munin, meðan NSÍ ikki hevur umstillað seg til nýggja venjaran. Tí er ikki óhugs­andi við einum sigri til heima­liðið. SOSIALURIN TIPPAR: 2-1 Víkingur – KÍ Sunnudagin klokkan 15 DÓMARI: ALEX TROLEIS Maurice Ross var alt annað enn nøgdur við deyðbóltsstøðurnar, tá Víkingur tapti 2-1 fyri B36 í Gunda­ dali mánadagin. Meðan Jákup á Borg, venjari hjá B36, rósti sínum monn­um fyri at verða djarvir í brots­steiginum, so var venjarin hjá Víkingini hinvegin vónbrotin av sínum monnum. Fleiri hava longu avskrivað Vík­ ing í FM stríð, eftir at lopið upp til HB er blivið heili 11 stig. Víkingur fekk ársins býttasta reyða kort, tá Philip Djordjevic fekk tvey gul kort, eftir at dómarin hevði bríkslað av í Gundadali millum B36 og Víking. Hann situr uttan­fyri saman við Gunnari Vatn­ hamar, sum hevur fingið fýra gul kort. Hinvegin, so er Heðin Hansen við aftur. Í Klaksvík er Jákup B. Andreasen við aftur, eftir at hann sat yvir á Argjum við leikbanni. KÍ tykist hava fótað sær, eftir eitt keðiligt tíðarskeið. Tað stendur ein javnleikur á hesum dystinum. Bæði Víkingur og KÍ hava trupult við at vinna dystir í løtuni, men víkingarnir tola illa leikbannini. Fyrimunurin er, at dysturin er í Gøtu. SOSIALURIN TIPPAR: 1-1 07 Vestur – Skála Sunnudagin klokkan 15 DÓMARI: EILER RASMUSSEN Tað er kreppa í 07 Vestur, um hugt verður eftir stigatavluni. Eitt stig í 11 dystum er alt ov lítð, men tað merkisverda er, at bara ein sigur ella tveir kunnu sparka nýtt lív í kapp­ingarárið hjá vágamonnum. Argjamenn hava gjørt júst tað sama fyrr. Tað krevur eitt vendipunkt. Tað vendipunktið má tó koma skjótt, um frástøðan upp til bjargingina ikki skal blíva ov stórt. Tað verður tó uttan Jón Krosslá Poulsen, sum hevur upp­ sagt sáttmálan við 07 Vestur. Tað kundi sæð út til, at hann fer til AB ella aftur til Suðringarnar. Eitt annað boð kundi verið EB/Streym­ ur, sum spælir uttan ein áleypara í løtuni. Skálamenn eru nakað skerdir til uppgávuna á Dungasandi. Brian Jakob­sen hevur leikbann eftir fýra gul kort, meðan hvørki Teitur R. Joen­sen ella Ahmed Mujdragic verða tøkir. Ahmed Mujdragic verður helst við, men byrjar ikki. Skal 07 Vestur í gongd, so er hetta ein góður møguleiki, men tað er storført at síggja teir vinna í løtuni. SOSIALURIN TIPPAR: 0-1 Hvítusunnan tóktist prógva, at føroyskur fótbóltur aftur er í hæddini. Premier League kappingarárið er komið at enda, meðan vit framvegis bíða eftir HM endaspælinum í Russlandi. Í nakrar vikur eigur føroyskur fótbóltur allan ítróttarpallin Ikki við: Hørður Tórsson (økslin, 2 vikur), Absalon Eliasen (knæið, óvist) Ikki við: Róaldur Jakobsen (fótlið, langtíðarskaddur), Jónas Tór Næs (nakki, langtíðarskaddur), Christian R. Mouritsen (fótlið, 2-3 vikur), Høgni Eysturoy (lærkrikin, langtíðarskaddur), Bjarni Petersen (fipur, 2-4 vikur), Rói Mørk Hentze Ivasamur: Alex Mellemgaard (sjúkur) Ikki við: Jóhannes Hansen (liðband, langtíðarskaddur) Ivasamur; Arnar Dam (knæið) Við aftur: Oddur Á. Højgaard (eftir leikbann) Ikki við: Sebastian Pingel (knæið, óvist), Teit Jacobsen (skurðviðgjørdur, spælir ikki aftur í ár), Dan í Soylu (leikbann, 4 gul). Ikki við: Hákun Edmundsson (lærkrikin), Kristoffur Jakobsen (vøddaskaði) Ivsamur: Ólavur Niclasen Við aftur: Jákup B. Andreasen (leikbann) LIÐ TÍÐINDI B36 KÍ HB AB EB/STREYMUR Upptakt 12.umfar: NÚ ER FØROYSKUR FÓTBÓLTUR Í HÆDDINI