mánadagur 28. mai 2018síða 22

Mánadagur 28. mai 2018 · Nr. 59 22 Sosialurin Hugskot og viðmerkingar – send sms til 225000 Vikan ið fór Mikkjal Thomassen og KÍ leingja um sáttmálan, soleiðis at sáttmálin við liðið, sum hann hevur staðið á odda fyri síðani 2015, nú galdandi til og við 2020. Jón Krosslá Poulsen verður loystur úr sáttmálanum við 07 Vestur. Tað er semja um uppsøgnina, og orsøkin er vantandi spælitíð. Arsenal setir spanska Unai Emery í venjarastarvið. Hann tekur við eftir Arsene Wenger, sum takkar fyri seg eftir 22 ár í felagnum. Eftir einans 11 umfør í Betrideildini fær Maurice Ross sekkin í Víkingi, har Sigfríður Clementsen minni enn eitt døgn seinni verður settur í starvið. Hendingarrík Champions League-finala verður spæld í Kiev, har Real Madrid vinnur 3-1 á Liverpool eftir at innskifti Gareth Bale skjýtur tvey mál – har av eina perlu. Útisetar gera um seg. Gilli Rólantsson leggur upp til tvey mál ímóti Rosenborg, og bæði René Shaki Joensen (Grindavík) og Finnur Justinussen (Næstved) koma á máltalvuna. 12. umfar er í Betrideildini hjá monnum, har NSÍ steðgar sigursrøðini hjá B36, meðan HB vinnur 10. sigurin og KÍ smyr Víking av 3-0. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Árni Frederiksberg Aldur: 25 Yrki: Fótbóltsspælari (NSÍ) Royn tína vitan um ítróttin her og nú! Svarini standa niðast til vinstru, men royn teg nú fyrst 1. Montenegro 2. Dahl-Olsen 3. Karl Løkin 4. Dia Midjord 5. EB/Streymur/Skála 6. Hallur Holm 7. 2011 8. Brynjar Hlöðversson Hetta er ein dokumentarur, sum BBC hevur gjørt um HM 1994 undankappingina hjá Onglandi. BBC fylgir landsliðsvenjaranum, Graham Taylor, og hansara monnum í royndini at vinna seg til HM endaaspælið, sum er í USA. Tað er ongin loyna, at royndin miseydnaðist og tí hevur dokumentarurin, sum bleiv gjørdur í 1994, eisini fingið eitt heilt serligt pláss í bretsku fótbóltssøguni. í nógvar mátar útstillar dokumentarurin skilið á enska landsliðnum, sum serliga verður revsað fyri at tapa 2-0 í Norra, sum saman við Hollandi kemur víðari til HM endaspælið. Tað serliga við dokumentarinum er, at tú sleppur heilt tætt at bonkinum, meðan dystirnir eru. Tað er einki filtur á og alt verður lagt fram, júst sum tað er. Tað er hugvekjandi at uppliva hvussu eitt kjak fer fram á bonkinum hjá einum enskum landsliði fyrst í 90 unum. Tað er ikki altíð so djúpt og planlagt, sum eisini hevur gjørt sítt til, at fleiri parodiir eru gjørdar av atburðinum hjá Graham Taylor, sála, og toyminum hjá honum. Dokumentarurin er við til flestu dystirnar hjá Onglandi í undankappingini. Tú sleppur í løtum við til tað, sum hendir rundan um dystirnar. Til venjing og ikki minst til tíðindafundirnar, har Graham Taylor er í holt við ensku fjølmiðlarnar. Eisini er litríki Paul Gascoigne nógv at síggja í dokumentarinum. Hann er tiltikin fyri at skapa sær, men var eisini ein umstríddur spælari um hetta mundið, tí avrikini vóru óstøðug. Alt í alt ein áhugaverdur dokumentarur, sum liggur á youtube og bíðar eftir tær. HYGG UM: Tú fylgdi bara eitt sindur við altjóða fótbólti í 90 unum, og nøvn sum Gascoigne og Platt siga tær nakað IKKI HYGGJA UM: Tú væntar eina fulla forkláring um allar spælararnar og dystirnir. Hann er gjørdur í 1994 og tað sæst aftur HVUSSU ER AT HYGGJA: Um tú kennir eitt sindur til HM 94 søguna hjá Onglandi, so er lætt at fylgja við. Hóast tað kanska ikki var meiningin, so er tað undirhald allan vegin HVAT SIGUR TÚ: Vilt tú hava ein feril av nostalgi, so er hetta avgjørt vert at brúka tíð uppá. FAKTA: Graham Taylor bleiv koyrdur, eftir at Ongland tapti fyri Hollandi, sum kostaði enska landsliðnum plássið í HM endaspælinum í 1994. Graham Taylor doyði í fjør 72 ára gamal. 1. Hvørjum landi kemur KÍ-arin, Boris Dosljak, frá? 2. Føroyar eiga ein sigursvandan súkklara, ið eitur Gunnar til fornavn. Hvussu eitur hann til eftirnavn? 3. Hvør spælir við 6-talinum á rygginum hjá NSÍ? 4. Hvussu eitur føroyski kvinnulandsliðsvenjarin í hondbólti? 5. Hvør vann FM í bestu kvinnudeildini í fótbólti í 2017? 6. Hvussu eitur formaðurin í Frælsum Ítrótti Føroya (FÍF)? 7. Hvat ár bleiv Lars Olsen settur sum føroyskur landsliðsvenjari? 8. Hvussu eitur íslendski HB-leikarin á myndini? Hvat náddi tú at umhugsa áðrenn tú smekkaði bóltin í málið til 3-2 ímóti B36? - Eg Hugsaði ikki tað heilt villa. Eg hevði skotið eitt skot eftir longra málhorni fimm minuttir frammanundan, so tí royndi eg hesuferð eftir nærmara. Tit kláraðu at steðga B36. Hvat var uppskriftin? - Uppskriftin var at vit ikki skuldu fella ov djúpt og vita um vit ikki kláraðu at fanga nakrar bóltar í uppspælinum hjá B36, og - um ikki - so pressa høgt. Tað var sum um tit kúgvendu dystinum einaferð í seinna hálvleiki, hvat hendi har? Eg haldi allir sóu skriftina á vegginum í hálvleikinum um at vit vóru vekk um vit taptu dystin, og tí var avtalan klár um at vit skuldu út at venda dystinum. Hvussu eru tit nøgdir við gongdina, sum hon er nú – eru tit við at vera har, sum tit skulu? - Spælið blívur betri og betri, og tann partin kunnu vit nú ikki klaga um. Sjálvandi høvdu vit viljað havt nøkur stig avtrat, men tað gongur tann rætta vegin, so alt í alt, eftir dystin í dag, er tað á einari leið. Nú verður skjótt evropeiskt lutakast. Hvat lið vóna tit at trekkja? - Tað er trupult at koma víðari úr 1. umfari, tí øll liðini eru so mikið góð sum man kann møta, og útfrá tí vil man bara hava tað størsta upplivilsið. Tað vildi nokk verið at møtt Gerrard og Rangers á Svangaskarði fyrsta dystin. Hjá okkum snýr tað seg um at fáa stáplað ein start-11'ara upp á beinini til dystin ímóti B36. So einfalt er tað - Glenn Ståhl um smala hópin hjá TB/FCS/Royn Eg eri tómur fyri følilsir. Eg tapti dystin fyri liðið hjá mær, og eg harmist vegna felagið og fjeppararnar - Loris Karius eftir CL-finaluna 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Ummælið: Graham Taylor: The Impossible Job