mánadagur 18. juni 2018síða 13

13 Mánadagur 6. januar 2014 · Nr. 2 Sosialurin Mánadagur 18. juni 2018 · Nr. 68 Hugskot og viðmerkingar – send sms til 225000 STUTTSØGD Hálvur føroyingur í Superliguni Hálvføroyski Mads Boe Mikkelsen skiftir til Vendsyssel FF í donsku Superliguni. Sonni Ragnar Nattestad gjørdi um seg í norskum fótbólti, og tað sama gjørdi paratriathleturin Hávard Vatnhamar í stórari kapping í Fraklandi. Pætur Albinus FÓTBÓLTUR Hálvføroyski Mads Boe Mikkelsen hevur skrivað undir sáttmála við nýklakta superligafelagið, Vend­ syss­el FF. Tað skrivar Vendsyssel FF á heimasíðu sínari. Mads er 18 ára gamal, og hann hevur seint spælt við U19-liðnum og eykaliðnum hjá AGF. Hann hevur føroyska mammu og hevur áður spælt 13 dystir fyri U17-landsliðið hjá Danmark. Vit hava hildið eyga við Mads í eina tíð, og hann passar perfekt inn í okkara um­hvørvi. Hann er framsøkin, talent­fullur, heilhjartaður og ótrú­liga stríðshugaður, og so er hann eisini ein dugnaligur trýst- spæl­ari við góðum álopskendum amboðum, sigur venjarin hjá Vend­ syss­el FF, Jens Berthel Askou, við heima­síðuna hjá felagnum. Sonni Ragnar Nattestad og teir í Aale­sund halda fram við at stevna ímóti norsku Elitseriuni, eftir at teir í gjár vunnu 2-1-sigur á útivølli ímóti Sandnes Ulf. Sonni Ragnar, sum er útleigaður úr Molde, átti sín stóra lut í sigrinum. Hann gjørd­ist nevniliga sigursharri við at gera 2-1-sigursmálið. Hetta var eitt gott korter fyri leiklok. Ári Mohr Jóns­son er vanliga í hópinum hjá Sandnes Ulf, men hann var ikki við hesa­ferð vegna skaða. Aalesund er oddalið í OBOS-deildini, sum næst­besta deildin eitur. Teir eru fýra stig frammanfyri Sogndal og Mjøndalen. Sandnes Ulf hevur áð­ ur ligið ovarliga, men eftir fýra tap á rað eru teir nú dotnir aftur á 8. pláss. B71 hevur fingið ein nýggjan út­lend­ing í hópin. Talan er um Frantzly Zephirin úr Kanada, sum tó hevur umboðað landsliðið hjá Haiti av tí at pápi hansara er hað­ ani. B71 skrivar, at hann er høgri bakk­ur, men kann tó eisini flytast fram á høgra vong. Hann er komin til landið og spældi eisini við, tá ið B71 leygardagin tapti 2-1 á heima­ vølli ímóti Víkingi. Ein annar út­ lendingur, sum hevur verið í hóp­ in­um hjá B71, Bakary Bojang, er av per­sónligum orsøkum farin aftur til Danmarkar. Eisini TB/FCS/Royn fær styrk úr útlandinum. Talan er um Pape Mamadou Faye, sum er føddur í Senegal, men hevur pass heimahoyrandi í Íslandi, har hann hevur búð síðani hann var 11 ára gamal. Tað er bolt.fo, sum skriv­ar hesi tíðindini. Heimasíðan skriv­ ar, at sáttmálin enn ikki er undir­ skriv­aður, men Julius Vest Joensen, for­maður í FC Suðuroy, sigur við síð­una, at sáttmálin helst verður undir­skrivaður í næstum. Pape Mamadou Faye er 27 ára gamal álops­leikari, og hann hevur áður skotið fýra mál í átta dystum fyri íslendska U19-landsliðið. HONDBÓLTUR Hondbóltssamband Føroya hevur sett ein kropsligan venjara í starv, sum skal leggja eina langtíðarætlan til tess at tryggja, at leikararnir menn­ast optimalt. Hetta skrivar Hond­bóltssamandið á heimasíðu sín­ari, og maðurin, ið er settur í starvið, er Heri Ziska. Hann hevur áður verið knýttur at ymiskum hond­bóltslandsliðum í styttri tíðar­ skeið, eitt nú U21-landsliðnum und­ an luttøkuni í HM í Algeria. - Fyri at fáa betri hondbóltsspælarar og at kunna spæla upp móti størri hondbóltstjóðum og fáa betur úrslit, mugu vit ásanna, at fysikkurin má mennast hjá spæl­ ar­unum. Starvsnevndin í HSF hevur tí valt at hava Hera sum fast­an part av føroyskum hond­ bólti, har hann fer at taka sær av kropsligu venjingunum hjá land­s­ lið­unum. Hann fer eisini at leggja feløg­unum lag á, um tey hava tørv á tí, sigur Gunn Ellefsen, forkvinna í HSF. - Mín uppgáva verður at gera spælararnar størri, sterkari og kvikari. Við teimum yngru verð­ ur høvuðsuppgávan at byggja tey stillisliga upp, meðan tað hjá teim­ um eldru verður at byggja víðari upp á styrkina, sigur Heri Ziska. SVIMJING Starvsnenvdin í Svimjisambandi Før­oya hevur úttikið sjey eyka svimj­arar til altjóða kappingarnar EM fyri vaksin, EM fyri ung og NM fyri ung, sum vera seinni í ár. Hesir svimj­arar sleppa við hóast teir ikki kláraðu kravtíðirnar, tá ið teir svumu FM í langgeil fyri einari viku síðani. Endaligu hóparnir eru tískil mannaðir. EM fyri vaksin: Signhild Joensen (Ægir), Óli Mortensen (HS), Alvi Hjelm (HS) og Vár E. Eides­gaard (HS). Til EM fyri ung: Alisa Vestergård (SuSvim), Sára R. Ny­sted (SuSvim), Rani Jacobsen (SuSvim), Johan Nónskarð Dam (HS), Vár Erlingsdóttir Eidesgaard (HS), Rókur Trygvason (Ægir) og Rebekka Trygvadóttir (Ægir). Til NM fyri ung: Alisa Vestergård (Su­Svim), Bartal Debess (SuSvim), Bartal Erlingsson Eidesgaard (HS), Eyðrið Mortensen (HS), Høgni Hoy­ dal Thomassen (HS), Johan Nón­ skarð Dam (HS) Kristina í Skála (HS), Elisabeth Erlendsdóttir (HS), Martin Vágseið Sivertsen (Ægir), Re­bekka Trygvadóttir (Ægir) og Jonna Joensen (Ægir). TRIATHLON Hávard Vatnhamar vann í gjár bronsu­heiðursmerki í 2018 Besan­ con ITU Paratriathlon World Cup í Frankarríki. Hetta er aðru ferð, at Hávard luttekur í hesari stevn­uni, og aðru ferð at hann er millum tríggjar teir fremstu í altjóða kapping. Kappingin er liður í roynd­ini at vinna sær atgongd til Paralympisku leikirnar, og er hetta eitt stórt stig á leiðini. Í 2017 gjørdist Hávard nummar 9 í somu kapping, so sigast má at pílarnir peika rætt­ an veg. Hetta skrivar Parasport Før­ oyar. Hávard er eisini sjálvur væl nøgd­ur við avrikið. - Avgjørt besta av­rikið higartil, skrivar hann stutt og greitt á facebook.