hósdagur 21. juni 2018síða 7

FRÍGGJADAGUR 22. JUNI 2018 SOSIALURIN 70 7 Øll míni viðurskifti eru í lagi Allir, sum koyra fyri I.R. Lastbilar í dag, eru nøgdir við arbeiðsumstøðurnar, sigur Rasmus Rasmussen, stjóri. DANJAL AV RANA R asmus Rasmussen, stjóri hjá I.R. Lastbilum, vísir øllum atfinn­ ing­unum aftur. - Øll míni viðurskifti eru í lagi. Um onkur trygdarviðurskifti ikki eru, sum tey skulu, er tað ábyrgdin hjá NCC, sigur hann. Lastbilaførarar hava sagt Miðla­hús­in­ um frá, at teir koyra uttan setanarskriv, at arbeiðsdagarnir eru óforsvarliga langir, at allir ikki fáa løn til tíðina og at øll heldur ikki fáa somu løn. Rasmus Rasmussen kenn­ir einki av hesum aftur. - Tað kann vera, at onkur av teimum, sum er byrjaður seinastu tvær vikurnar ikki hevur fingið setanarskriv, men so vítt eg veit, koyra allir nú við setanarskrivi. Onkur hevur verið, sum ikki vildi skrivað undir setanarskrivið, men tað má so verða upp á teirra rokning, sigur hann. Rasmus Rasmussen sigur, at arbeiðið hjá lastbilaførarunum er skipað eftir somu vaktum, sum starvsfólkini hjá NCC hava, tað vil siga, at tey arbeiða í 12 tíma vaktum. - Um onkur kanska tekur sær eyka tímar, er upp til bilføraran sjálvan. Tað lættir sjálvandi um hjá mær, um onkur bilførari manglar, men eg trýsti ongan til at arbeiða longur, enn teir sjálvir vilja, sigur stjórin. Hann sigur, at í løtuni hevur hann 12 lastbilar knýttar at arbeiðinum í Eyst­ur­ oyartunlinum. Sjey teirra koyra fast inn og út úr tunlinum, meðan fimm eru knýttir at øðrum arbeiðið í samband við tunnilin. - Øll vanlig trygdarútgerð er í bilinum, so sum eldsløkkjari og annað. Eyka trygd­arútgerð, sum krevst í samband við arbeiðið inni í tunlinum, er ábyrgdin hjá NCC, men so vítt eg veit, so hava í øllum før­um teir sjey bilarnir, sum koyra inn og út, neyðugu trygdarútgerðina, so sum mask­ur, og bilførararnir hava neyðugu arm­bondini, sigur Rasmus Rasmussen. - Eg tori at halda upp á, at øll, sum koyra fyri I.R. Lastbilar á Hvítanesi í dag, eru nøgd við sítt arbeiði og sínar arbeiðs­ um­støður. Tey fáa øll løn til tíðina, bæði før­oyingar og útlendingar, og tey fáa øll somu løn fyri sama arbeiði, sigur hann, og vísir sostatt øllum atfinningunum frá sær. - Um onkur er, sum er ónøgdur, skulu tey vera vælkomin inn á skrivstovuna hjá mær til eitt prát, sigur Rasmus Rasmussen. Úrslitið er, at bilførararnir í summ­ um førum koyra upp í 20 tímar um dagin. Onkuntíð eru ein­ans fimm tímar, frá teir seta bilin frá sær klokkan hálvgum tólv um kvøldið, til teir seta seg í bilin aftur klokkan hálvgum fýra morgunin eftir. - Vit koyra sera nógv. Tað er púra vanligt at koyra eini 18 tímar um døgnið, onkuntíð hava vit koyrt heilt upp í 23 tímar út í eitt, greiða teir frá. Bilførararnir halda, at kanska er tað júst hetta, sum er orsøkin til, at teir ikki fáa nakað setanarskriv. - Um vit fáa eitt setanarskriv, fáa vit eisini treytir og reglur, sum ar­beiðsgevarin má halda. So hava vit eitt pappír, sum vit kunnu vísa til og so standa vit kanska sterk­ ari í myndini, sigur annar last­bila­før­ar­in. Fleiri fáa ikki løn Teir greiða frá, at seinastu tíðina eru eisini alsamt fleiri útlendingar kom­nir at koyra fyri felagið, kanska í tráð við at fleiri og fleiri før­oyingar gevast, orsaka av vána ar­ beiðsumstøðunum. - Men arbeiðsgevarin held­ur heldur ikki lyftini, sum út­lend­ing­arnir hava fingið. Nú eru 12 teirra her, men eg veit ikki, um nak­ar teirra man fáa lønina, sum teim­um er lovað. Hjá onkrum er so galið, at teir hava biðið Leif Erik í Gull­horn­in­um geva sær mat, siga teir. - Eg trúgvi einki upp á, at NCC veru­liga skilir, hvussu skilið er. Tað kann ikki passa, at hetta verður góð­tikið í tí, sum er Føroya størsta verkætlan, siga teir. Lastbilaførararnir hava eisini verið og kært sína neyð hjá Havnar Arbeiðarafelag, tó uttan at tað hevur broytt nakað. - Eg skilji ikki, hví teir einki gera. Tá teir fáa at vita, at eingin hev­ur setanarskriv, hví møta teir ikki upp á arbeiðsplássinum og greiða ar­beiðsmonnunum- og kvinn­un­um frá, hvørji rættindi vit hava. Vit uppliva so ikki, at teir taka sær av okkara áhugamálum, siga last­bila­førararnir. Trygdin er ikki í lagi Eftir øllum at døma eru eisini fleiri brot á trygdarreglurnar gald­andi á arbeiðsøkinum. Tað er eitt krav, at ein maska skal vera í øll­ um bilunum, sum koyra inn í tunn­ilin. Hetta er trygdarútgerð í sam­band við eldsbruna í tunlinum. Før­ararnir, sum vit hava tosað við siga, at maska bara er í okkurt av helvt­ini av bilunum. - Ein dagin kom eldur í ein av last­bilunum, men til alla lukku var hann júst sloppin út úr tunlinum. Hevði hann staðið í ljósum loga í tunlinum, kundi støðan verið álvarslig, tí tá vóru vit allir inni í tunlinum siga teir. - Ein annar vandi í hesum sam­bandi er, at ikki allir bilførararnir hava armband. Armbandið skrá­set­ir, hvør er inni í tunlinum, og er tað neyðugt at vita í vandastøðu, siga teir. Lastbilaførararnir halda eisini, at stjórin í ávísum førum fer langt út um sínar heimildir. Teir fíl­ast á, at stjórin hevði teir undir eft­ ir­liti alla tíðina. Allir lastbilarnir hava eina gps-flís, so at eigarin sær, hvat bilurin er. Sambært last­bilaførarunum verður hetta brúkt til at hava eftirlit við arbeiðs­monn­ un­um, at teir ikki taka sær ov lang­ar støðgir. - Onkuntíð kann stjórin finna upp á at ringja til tín, um hann held­ur, at bilurin hevur staðið still­ur ov leingi, siga førararnir. Arbeiðarafelagið er kvirt Lastbilaførararnir eru greiðir um, at hendan støðan ikki kann halda fram. - Talan er um Føroya størstu verk­ætlan. Tað kann ikki bera til, at hon skal byggjast á slíka vanrøkt av ar­beiðsfólkunum. Harumframt er trygdin heldur ikki í lagi, men tíbet­ur hevur tað spælt væl av higar­til. - Tað er eingin ivi um, at her eig­ur Havnar Arbeiðarafelag at koma upp í leikin og tryggja, at arbeiðsgevarin heldur seg til galdandi sáttmálar og veitir ar­beiðs­ fólkunum tey skjøl og rætt­indi, sum tey hava lógarfestan rætt til, siga teir. Hans Joensen, formaður í Havn­ar Arbeiðarafelag, vil ikki gera stórvegis viðmerkingar í miðl­unum. Hann váttar, at ein mað­ur hevur verið á skrivstovuni og klagað um ymisk viðurskifti í samband við eina uppsøgn hjá sær, millum annað, at hann einki set­an­arskriv hevði fingið. - Hetta er kortini so nýtt, at vit fara nú undir at kanna viður­skiftini, áðrenn eg fari at úttala meg um málið, sigur Hans Joensen.