hósdagur 21. juni 2018síða 9

FRÍGGJADAGUR 22. JUNI 2018 SOSIALURIN 70 9 Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum Rani Andrasson Skaalum Rani Andrasson Skaalum, 34 ár, giftur Aleksandru Melo Skaalum, saman eiga vit tríggjar synir. Lærari, eftirútbúgving innan leiðslu og vegleiðing. Áhugin fyri politikki birtist tíðliga, men skjótt gjørdist greitt, at verandi flokkar ikki umboðaðu meg á fullgóðan hátt. Velji Miðflokkin, tí politikkurin verjir tey veikastu, er ein positivur vinnulívspolitikkur og ein familjuvinarligur politikkur. Staturin er til fyri at tryggja borgaranum best møguligar lívsumstøður, ikki at ráða yvir honum. Gangi ikki inn fyri ognarskatti! Almenn partafeløg eiga ikki at kappast á ójøvnum føti við privata vinnulívið. Nýggja pensiónsskipanin ger, at øll, ið hava eina líkinda pensjónsuppsparing, fara at missa pening, og mugu arbeið longri fyri sleppa frá og fáa “súrt tjentu”pensjónsuppsparingina. Landið og bankar hava ræði á okkum fíggjarliga, tí eiga vit at geva borgaranum møguleika at stovna egna lønarkonto, óbundna av peningastovnunum. Hjartamál Miðfloksins í einari nýggjari stjórnarskipan Ein stjórnarskipan staðfestir tær meginreglur, samfelagið byggir á, hon fer ikki í smálutir, men er yvirskipað. Stjórnarskipanin tryggjar øllum landsins borgarum rættindi og trygd, og ásetur samfelagsskyldir teirra. Núverandi grundlóg føroyinga er danska frá 1953. Síðani 1999 hevur politiska skipanin úrslitaleyst arbeitt við at tilevna eina føroyska. Meðan nakrir flokkar royna at leggja bein fyri hvønn annan grundað á sjálvstýrisspurningin, eru tað aðrir spurningar, ið níva Miðflokkin. Ótryggleiki Miðfloksins er vegna § 8, ið viðgerð lív og trygd og § 12, ið viðgerð trúarfrælsi. Í § 8 lesa vit: ”øll eiga rætt til lív og trygd, og deyðarevsing kann ikki ásetast”. Miðflokkurin metir ikki, at ætlaðu orðingarnar tryggja ófødda barnið ella teimum eldru og doyggjandi. Ein stjórnarskipan má tryggja ófødda barninum sama rætt til tað lív, vit fingu atgongd til. Og hon má verja gomul og sjúk móti deyðshjálp, bæði aktivari og passivari. Í § 12 lesa vit: ”øll eiga rætt til at trúgva og til at útinna sína trúgv” og ”kristnitrúnni kunnu verða veittar serligar sømdir, tó uttan at gera seg inn á aðrar fatanir”. Hesar orðingar tryggja ikki tey virði, samfelag okkara er grundað á. Tær er ov veikar. Okkara eftirkomarum má tryggjast uppvøkstur í einum eins tryggum Føroyum, ið vit hava notið! Og staðfestast má, uttan fyri allan iva ella tulking, at kristna trúgvin er grundarsteinurin føroyska samfelagið hvílir á. www.midflokkurin.fo MIÐFLOKKURIN Citatið hesa vikuna: Verða vit staðfest deyð, tá hjartaslátturin steðgar, eiga vit at verða staðfest livandi, tá hjartaslátturin byrjar! Vangamynd Eldhugaður námsfrøðiligur serfrøðingur Vilt tú vera við til at menna námsfrøðiligu tilgongdina í skúlaverkinum? Nám sóknast eftir dugnaligum og ágrýtnum námsfrøðiligum serfrøðingi, sum við innliti og hegni skal seta námsfrøðiligu menning fólkaskúlans á breddan. Námsfrøðiligi serfrøðingurin skal vera við til at lyfta og stimbra skúlan námsfrøðiliga og fakliga. Arbeiðið fevnir um, saman við stjóranum og ráðgevunum í Námi, at menna eina ráðgevaskipan til skúlaverkið. Í fyrstu atløgu til fólkaskúlan og síðan eisini til dagstovnaøkið og skúlaverkið í síni heild. Harumframt verða viðgerð og tilráðing um dagføringar av námsætlanunum eisini partur av arbeiðinum. Talan er um eitt tíðaravmarkað starv til 31. juli 2021 – við møguleika fyri leingjan til 31. juli 2023. Uppgávurnar eru m.a.: Saman við stjóranum, ráðgevunum og øðrum í Námi: • at menna námsfrøðiligu tilgongdina í skúlaverkinum • at seta í verk ráðgevaskipan í skúlaverkinum • at lyfta og styðja námsfrøðiliga og fakliga støðið í skúlaverkinum • at fylgja við í tí, sum fyriferst innan gransking og menning á námsfrøðiliga økinum, serstakliga, tá ið talan er um ráðgeving og kunning í hesum sambandi • at viðgera og ráða til dagføringar av námsætlanunum • at skipa fyri almennu kunningini um námsætlanir og atknýttar fyriskipanir • at skipa fyri skeiðum og hava tætt samband og samstarv við skúlarnar • at samstarva tvørgreinaligt innanhýsis og uttanhýsis • at luttaka í tvørgreinaligum granskingarsamstarvi eitt nú í sambandi við eftirmetingar fólkaskúlans • at ráðgeva Mentamálaráðnum í námsfrøðiligum viðurskiftum Førleikakrøv Vit vænta okkum, at umsøkjari hevur: • útbúgving frá hægri lærustovni innan námsfrøði, didaktik ella líknandi. Tað er ein fyrimunur, um viðkomandi harumframt hevur útbúgving sum fólkaskúlalærari. • góðan kunnleika um føroyska skúlaverkið, søguna og andan í fólkaskúlanum og -lógini • hug og hegni til námsfrøðiliga menning og ráðgeving. Royndir innan námsfrøðiliga ráðgeving og gransking er ein fyrimunur. • holla vitan um námsætlanir og rák, sum eru kring okkum innan námsætlanarøkið, og hegni til sjálvstøðugt at meta um, hvat hóskar til føroyska skúlaverkið og hví • góðan førleika at orða seg væl á føroyskum í skrift og talu • góð samstarvsevni Lønar- og setanarviðurskifti Starvið verður sett og lønt sambært sáttmála millum Fíggjarmálaráðið og avvarðandi yrkisfelag.   Vit bjóða Eitt spennandi og avbjóðandi starv, har tú ert við til at menna skúlaverkið. Starvið hevur nógvar skiftandi uppgávur og nógv samskifti inn- og úteftir. Arbeiðið er á høgum fakligum støði, og møguleikarnir fyri bæði persónligari og fakligari menning eru góðir. Umsókn Skrivlig umsókn merkt ‘serfrøðingur’ saman við avritum av prógvum, C.V. o.ø. skal sendast til:   Nám Hoyvíksvegur 72 FO-100 Tórshavn   Ella sum teldupostur á eydun@nam.fo   Umsóknin skal vera Námi í hendi í seinasta lagi mikudagin 27. juni 2018.   Ynskjast fleiri upplýsingar, kanst tú seta teg í samband við Eyðun Gaard, stjóra í Námi, á tlf. 555150 ella við telduposti á eydun@nam.fo. Nám er stovnur undir Mentamálaráðnum, sum veitir tænastur og undirvísingarmiðlar til skúlaverkið. Høvuðsvirkisø- kini eru at útvega fjølbroyttar undirvísingarmiðlar - prentað og talgilt tilfar, undirvísingarportalin Snar, fakliga og undirvísingarliga ráðgeving, skeiðsvirksemi, miðlasavn, útlán og skeið. Í Námi eru 23 starvsfólk. Próvstovan er knýtt at Námi, og har arbeiða 7 fólk.