hósdagur 21. juni 2018síða 17

FRÍGGJADAGUR 22. JUNI 2018 SOSIALURIN 70 17 Shakira Palau Sant Jordi, Barcelona 6. og 7. juli Ert tú til svingandi og fangandi popp, suðurlendskar rútmur og litrík pallshow, so er hetta konsertin, sum passar væl til tín – og summarið. Shakira úr Kolumbia telist millum stóru stjørnurnar innan latíntónleik, og við einum blandi av enskum og sponskum sangum, kann hon fáa sjálvt tann tvørasta føroyingin at lyfta fótin – í øllum førum einaferð. Shakira spælir ymstaðni í Europa í summar, og hon kann eitt nú upplivast í Barcelona tvey kvøld í juli. Waka Waka! Robert Plant and The Sensational Space Shifters Bergenhus Festning, Bergen 7. august Hann legði rødd til legendarisku sangirnar hjá Led Zeppelin í seksti og sjeyti árunum, og síðani hevur hann verið solistur í ymiskum samanhangum. Robert Plant er millum upprunaligu rockararnar, sum vunnu fram kring heimin í sjeyti árunum, og hann er framvegis virkin við útgávum og framførslum. Robert Plant spælir sangir hjá sær sjálvum og øðrum, og hann trívur eisini í onkrar góðar, gamlar sangir hjá Led Zeppelin. Í august kann hann upplivast í eitt nú Bergen. Roger Waters Royal Arena, Keypmannahavn 10. og 11. august Roger Waters hevur verið slóðbrótandi, bæði tá ið tað kemur til framleiða tónleik og at spæla konsertir. Hann hevur mangan gingið egnar leiðir, bjóðað av við tónleiki og tekstum, og ferð eftir ferð hevur hann skapt stórslignar konsertupplivingar. Á konsertunum í summar trívur hann í gamlar sangir frá tíðini í Pink Floyd, hann spælir onkrar sangir frá soloútgávum, og hann hevur einstakar nýggjar sangir at bjóða. Tónleikablandið verður serverað við nógvum pallpynti í Royal Arena í Keypmannahavn tvey kvøld í august. Ozzy Osbourne + Judas Priest Altice Arena, Lisbon 2. juli Tað verður harður rockur fyri allar pengarnar, tá ið Ozzy Osbourne og Judas Priest spæla konsert í Lisbon fyrst í juli. Ozzy kann framvegis fáa konserthallir og stadion at rocka, og við sínum sermerkta sangstíli gevur hann rocksangum eitt serligt ljóð. Bretski rockbólkurin Judas Priest, sum er í stórformi og spælir nógvar konsertir í summar, hitar upp fyri Ozzy hetta kvøldið í Lisbon. Hetta er eitt kvøld við klassiskum bretskum rocki av ovastu hill. TANN DANSI­ VINAR­LIGA Jay Z & Beyoncé Estadi Olímpic Lluís Companys, Barcelona 11. juli Tey eru heimsstjørnur hvør í sínum lagi, tey eru eisini hjún, og nú eru tey á felags konsertferð í Europa. Jay Z og Beyoncé geva áhoyrarunum tað besta frá teirra yrkisleiðum, og mitt í konsertferðini hava tey givið eina nýggja plátu út saman. Her smeltar kærleiki og talent saman í eina sermerkta konsert, sum bjóðar sangir sum Drunk In Love, Run This Town, Young Forever og Déjá Vu. Tey bæði kunnu millum annað hoyrast í Barcelona í summar. TANN ROMANT­ ISKA TANN HARÐA Paul Simon Royal Arena, Keypmannahavn 3. juli Paul Simon er farin á heimskonsertferð at siga farvæl við sínar fjepparar. Dugnaligi sangskrivarin og tónleikarin kom fram sum annar sangarin í Simon & Garfunkel, men tá ið tann tíðin var av, skapti hann sær nýtt navn sum solistur. Paul Simon hevur skrivað nakrar av stóru sangunum í poppsøguni – tað er næstan nóg mikið at nevna Bridge Over Troubled Water – og hann hevur eisini skapt nýskandi tónleik – eitt nú við at blanda afrikanskar rútmur upp í sín tónleik. Nú er Paul Simon á The Farewell Tour, og fyrst í juli kann hann upplivast í Keypmannahavn. TANN SEINASTA TANN SLÓЭBRÓT­ ANDI TANN LEGEND­ ARISKA