hósdagur 28. juni 2018síða 6

FRÍGGJADAGUR 29. JUNI 2018 SOSIALURIN 73 6 RYNKEBY: MAGNUS F. JOENSEN – Eg eri glaður fyri, at viðgerðin var so góð fyri tað slagið av krabbameini, sum eg hevði, og eg vil gera mítt til, at øll børn fáa sama møguleika, sum eg fekk. Lækni ella granskari verði eg aldrin, men eg kann vera við til, at lívsneyðuga granskingin fær fígging, sigur 31 ára gamli Magnus F. Joensen, sum gekk í triðja flokki, tá hann fekk staðfest krabbamein, og nú er við á føroyska Rynkeby-súkkluliðnum, ið er ávegis til París MILDRIÐ JACOBSEN MILDRID@SOSIALURIN.FO T á føroyska Rynkeby- súkklu­liðið varð stovnað fyri fimm árum síðani, visti Magnus F. Joensen við tað sama, at á hatta liðið skuldi hann einaferð. – Eg tók avgerðina beinanvegin, og eg havi ætlað mær at súkkla við Rynkeby nokk so leingi. Men útbúgving og arbeiði hava havt við sær, at tað hevur ikki ligið fyri fyrr enn nú, sigur ungi kvívíkingurin, sum var illa sjúkur av krabbameini, tá hann var níggju ára gamal. – Eg eri glaður fyri, at viðgerðin, sum kom burtur úr granskingini innan tað slagi av krabbameini, ið eg fekk, var so góð. Tíverri eru tað eru ikki øll, sum koma undan við lívinum, og tað er bara gransking, sum kann gera munin. – Eg vil so fegin geva okkurt aftur og gera mítt til, at øll onnur børn fáa sama møguleika, sum eg fekk. Eg verði ongantíð granskari ella lækni, men um eg kann hjálpa við at útvega fígging til gransking, so havi eg í øllum førum gjørt okkurt, sigur Magnus F. Joensen. Hann greiðir frá, at tað er serliga ein genta, sum hevur fingið hann at vera við á liðnum hjá Rynkeby. Hon lá á somu deild sum Magnus á Ríkissjúkrahúsinum, og hevði tá fingið staðfest krabbamein fyri aðru ferð. – Beinta var eitt sindur eldri enn eg. Hon hevði blóðkrabba, og tað var aðru ferð, at hon var sjúk. Vit lógu á somu deild og vóru nógv saman á sjúkrahúsinum, og vit hildu eisini sambandið, eftir at vit vóru komin heimaftur, greiðir Magnus frá. Beinta gjørdist sjúk aftur seinni og doyði. – Hon er ein stórur partur av motivatiónini hjá mær. Hon hevði krabbamein tríggjar ferðir, og livdi við stórum avleiðingum av sjúkuni, sigur Magnus, sum sjálvur fekk staðfest krabbasjúkuna Burkitt lymfom í 1996. Var ikki bangin Magnus var níggju ára gamal, tá hann gjørdist sjúkur. Mandlurnar blivu brádliga øgiliga stórar, og hann bløddi í munninum. EG VIL GEVA OKKURT AFTUR