mánadagur 2. juli 2018síða 15

15 Mánadagur 6. januar 2014 · Nr. 2 Sosialurin Mánadagur 2. juli 2018 · Nr. 74 Hugskot og viðmerkingar – send sms til 225000 SPÆLITÍÐ TELUR MEST FYRI EIN FÓTBÓLTSSPÆLARA Ársins ungi leikari í føroyskum fótbólti í fjør, Michal Przybylski, vendir nú aftur til føroyskan fótbólt, eftir eitt hálvt ár í Póllandi. Tað ger Michal Przybylski, tí at hann hevur manglað spælitíð í Póllandi André Olsen Ársins ungi leikari í føroyskum fót­ bólti í fjør, Michal Przybylski, skifti eftir farna kappingarár við Skála í Føroyum til pólskan fótbólt, har Michal Przybylski gjørdi ein trý ára sáttmála við traditiónsríka pólska felagið, Widzew Lodz, ið spælir í trið­bestu pólsku deildini. Har var ætlanin at Michal Przy­ bylski skuldi spæla ein týðandi leik­ lut á liðnum. Men í Póllandi hevur ikki gingið heilt sum ætlað hjá Michal Przybylski, har tað hevur verið soltið við spælitíð. Tí gjørdist í seinastu viku greitt, at Michal Przybylski nú vendir aftur til føroyskan fótbólt, har hann hevur undirskrivað ein leigu sátt­mála við B36 fyri restina av kapp­ingar­ árinum. Michal Przy­bylski sigur, at or­søkin til at hann nú vendir heim til Føroyar at spæla er, at hann hevur manglað spælitíð. Eg havi havt eitt hálvt ár í Pól­ landi við nógvari venjing, men ikki so nógvari spælitíð, og tað er sjálv­ andi tað sum telur mest fyri ein fótbólts­spælara. Eisini eri eg fluttur á vøllinum í Póllandi, har eg havi spælt meira defensivt, har eg trívst best sum offensivur spælari, og tí havi eg havt ein tanka í høvdinum í eina tíð, at tað kundi verið gott fyri meg at komið heim at spælt. Eg fekk síðani ein fyrispurning frá B36, har bæði B36 og eg tosaðu við for­mannin í Widzew Lodz, og eftir nakrar dagar fekk eg grønt ljós til at verða leigaður út, og eri eg glaður fyri tað, sigur Michal Przybylski. Stórur munur á øllum økjum Michal Przybylski sigur, at tað hevur verið stórur munur á at roynt seg í pólskum fótbólti í mun til føroyskan fótbólt. Tað hevur verið stórur munur á at spælt í Póllandi í mun til í Før­oy­um, og tað sæst á øllum økjum. Tekniskt, fysiskt, og tað hvussu spælararnir eru klárir til at vera fulltíðar fótbóltsspælarar. Hóast liðið sum eg spældi við, var í triðbestu pólsku deildini, høvdu flest allir leikararnir á liðnum royndir úr bestu og næstbestu deild­ini, og tí er støðið hjá felagnum væl betri enn til triðbestu deildina. Eisini hevur verið stórur munur á at spælt á grasi í mun til kunstgras, og í vetur tá vøllurin ikki var so góður, merkti eg tað serliga væl, sigur Michal Przybylski. Ætlar enn at gerast føroyingur Michal Przybylski kom í fjør av álvara í andglettin í føroyskum fót­ bólti, tá hann miðskeiðis í kapp­ ingini farna kappingarár mátti sita uttanfyri í nøkur umfør, tí at hann ikki hevði føroyskt uppi­halds­loyvi. Hetta hóast at Michal Przy­bylski hevði búð í Føroyum síðani hann var tvey ár. Og tá Michal Przbylski flutti til pólskan fót­bólt, tóktist dreymurin hjá Michal Przybylski um at gerast føroy­ingur, helst vera sleptur. Men tá nú Michal Przybylski vendir aftur til føroyskan fótbólt, er tann møgu­ leikin aftur til staðar. Michal Przy­ bylski sigur, at hann framvegis ar­ beið­ir við at fáa føroyskt pass. Enn havi eg bert fyribils uppi­ halds­loyvi í Føroyum. Eg havi arbeitt síðani 2016 við at fáa før­oyskt pass, men havi havt ymiskar forð­ingar. Ætlanin er tó enn tann sama – at eg skal gerast føroyingur. Eg havi bara ikki so nógv at siga í máli­num, tí málið skal ganga gjøg­num fleiri hendur í Danmark, áðr­enn nakað kann henda, sigur Michal Przbylski. Veit ikki hvat hendir næsta kappingarár Fyribils er Michal Przybylski tí kom­in heim til Føroyar at spæla alla seinnu hálvu við B36. Og hvat hendir tá leigusáttmálin endar aftan­á kappingarárið, veit Michal Przy­bylski ikki sjálvur enn. Kappingin í Póllandi heldur fram til 2 december, og enn er einki avgjørt hvussu tað verður tá kapp­ ingin endar í Føroyum. Men eg vænti at eg skal yvir aftur til Pól­ lands at venja tá kappingin í Før­oy­ um, inntil teir fáa vetrarsteðg. Og hvat hendir næsta kappingarár veit eg av góðum grundum ikki enn, sigur Michal Przybylski. andre@sosialurin.fo FÓTBÓLTUR