týsdagur 29. mai 2018síða 35

35 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 30. mai 2018 · Nr. 60 HONDBÓLTUR Tróndur Arge – Hoyvíkshøllin Høllin í Hoyvík er karmur um landsliðsvenjingin undan EM-landsdystinum móti heimsstjørnunum úr Serbia. Lagið er gott á spælarunum, sum so hvørt koma inn í høll­ ina. Spælararnir geva hvørj­ um øðrum ein “high five” tá tær møtast. Tvær nýggjar eru í hópinum til hendan dysti­ num. Talan er um tveir ungar spælarar, sum eru við á fyrsta sinni. Súna Krossteig Han­sen úr Kyndli og Maria Hals­dóttir Weyhe. Til hesa venj­ingina er Pernille Branden­borg komin heim úr Dan­mark, meðan Siw Matras verður við til dystin móti Svøríki. Kristianna Henneberg Joen­sen, sum spælir í Dan­ mark, verður ikki við á hesum sinni. Hon er ein týdn­ing­ar­mikil spælari, sigur Sophus Dal-Christiansen, hjálpar­venjari -Hon lesur í løtuni til lækna og skal til próvtøkur. Hon er týdningarmikil, tí hon kann spæla í álopi og í verju, sam­stundis sum hon dekkar fleiri pláss á vøllinum, sigur hjálparvenjarin á lands­lið­ num, meðan spælar­ar­nir eru farnir at hita upp á vøllinum. Liljan Djurhuus er heldur ikki við vegna skaða. Serbia er stórur – men spennandi biti Ein av fyrstu spælarunum at møta til venjing er Bjarta Johan­sen. Strikuspælarin hjá Kyndli flytir í næstum til Danmarkar, har ætlanin er at samantvinna hondbólt og lesna. Hon er spent upp á uppgávuna, hóast talan er um óvanliga sterka mót­ støðu. -Hetta er spennandi. Tað verður hart, men tað er ein av­bjóðing, sum eg fegin til royna, sigur Bjarta Johansen. Fyrsti dysturin í EM- undan­kappingini var móti júst Serbia á útivølli. Tá vun­nu serbisku kvinnurnar 36-20, eftir at hava verið á odda 7-0 aftaná nakrar fáar minutt­ir. -Vit lærdu nógv í tí dysti­ num. Vit koma afturúr 7-0 og tora ikki at spæla og skjóta. Tá vit so skutu, so gjørdu vit alt ov skjótt av, men longu í næsta dystinum, móti Svøríki, var tað nógv betri, sigur strikuspælarin, meðan hon gevur ein “high five” til ein spælara afturat, sum er kom­in í høllina. Málið er at klára seg betri enn seinast. -Vit skulu royna at minka um teknisku villurnar. Tær gera vit ov nógvar av í lands­ dystum. Klára vit tað, so fáa vit fleiri mál. Seinast fingu tær 30 mál og tað verður ringt at halda teimum niðri á 25 málum, so vit skulu til at skjóta nøkur fleiri mál, sigur Bjarta Johansen. Hon nevnir eisini, at flestu av málunum hjá okk­ um í tí dystinum koma frá vonginum. Nú er vónin, at liðið megnar at fordeila mál­ ini betri. Heimsins besta verður ikki við Í 2013 bleiv serbiski spæl­ skiparin, Andrea Lekic, kosin til heimsins besta hond­ bóltsspælara. Hon er ikki við í hópinum til dystin móti Føroyum. Fyri tveimum vikum síðani tapti hon og liðið hjá henni, makedoniska HC Vardar, Champions League finaluna. Mett verður, at hon møguligt ikki er komin heilt fyri seg eftir tapið. -Eg hevði glett meg at sleppa at spæla móti henni, tí haldi eg tað er keðiligt at hon ikki er við, sigur Bjarta Johan­sen, sum tó fær úr at gera á strikuni. Í fyrra dystinum var stóri strikuspælarin, Dragana Cvijic, sum eisini spælir í HV Vardar, ikki við. Hon er við á ferðini til Føroya. Hon er 188 sentimetrar til hæddar og vigar yvir hundrað kilo. -Vit skulu ansa eftir henni, tí hon er bæði stór og sterk. Tað verður ringt at dekka hana, men eg eri kanska eitt sindur skjótari. So eg má bara royna at koma fram­um og fáa steðga inn­ spælingini, sigur føroyski striku­spælarin. Í látri fortelur Bjarta um ein støðu í fyrra dystinum, har serbisku spælararnir bara spældu upp um hana. Og undrast á hvat hon skal gera í eini líknandi støðu. -Tí mugu vit verja longur frammi á vøllinum. Trupul­ leikin við at verja longur frammi er, at tað krevur nógva orku. Nú hava vit fleiri spælarar at velja í mill­um, so vit kunnu skifta út. Eisini hava vit betri hædd í verju­ støðu, sum ger at vit í løt­ um kunnu dekka 6-0, sigur Bjarta Johansen. Hon leggur afturat, at lands­dystirnir eru ein kær­ komin gularót hjá før­oysk­ um spælarum, sum fyri tað mesta bara spæla móti hvørj­um øðrum her heima í Føroy­um. Ein stór uppgáva Dia Midjord, lands­liðs­ venjari, Dejan Lačok, mál­ mans­venjari, og Sophus Dal- Christiansen eru nú allir á vølli­num. Málverjarnir hava úr at gera, meðan føroysku lands­liðsspælararnir koma renn­andi við fullari ferð og skjóta. Føroysku kvinnu­lands­ liðs­hond­bóltur hevur tikið fyrsta stigið. Spælar­ar­nir vita, at tað eru lands­liðs­ upp­gávur fyri framman, og tær sleppa at royna seg móti teim­um bestu í heiminum. Nú er spurningurin hvussu lagt tað røkkur móti Serbia miku­kvøldið. trondur@sosialurin.fo Bjarta ræðist ikki heimsstjørnurnar: SERBIA ER EIN SPENNANDI AVBJÓÐING Serbia er í heimsflokki og er risafavorittur, tá EM-undankappingardysturin móti Føroyum í høllini á Hálsi fer í gongd í kvøld. Føroysku spælararnir velja tó at gleða seg til uppgávuna, heldur enn at ræðast MÁLVERJAR: Viviann Petersen, VÍF Ragnhild av Heygum, VÍF ÚTISPÆLARAR: Turið Arge Samuelsen, Kyndil Tóra Eliasen, Stjørnan Marjun Falkvard Danberg, Neistin Marianna Geirsdóttir Eystberg, Kyndil Agnas Olsen, VÍF Maria Halsdóttir Weyhe, H71 Bára Krossteig Hansen, Kyndil Durita Christophersen Jojic, VÍF Daniella Joensen, Neistin Heidi Maria Akselsen, VÍF Súna Krossteig Hansen, Kyndil Bjarta Johansen, Kyndil Pernille Brandenborg, Vendsyssel Siw Matras Larsen, TMS Ringsted SERBISKI HÓPURIN: Katarina Stosic Sanja Radosavljevic Dragana Cvijic Zeljka Nikolic Katarina Krpez-Slezak Jovana Stoiljkovic Tamara Radojevic Marija Obradovic Jelena Lavko Jelena Trifunovic Marina Pantic Marija Colic Sladjana Pop-Lazic Dijana Stevin Dijana Radojevic Marina Dmitrovic