hósdagur 31. mai 2018síða 13

FRÍGGJADAGUR 1. JUNI 2018 SOSIALURIN 61 13 RLINJA TÍÐARLINJA TÍÐARLINJA TÍÐARLINJA TÍÐARLINJA TÍÐARLINJA RLINJA TÍÐARLINJA TÍÐARLINJA TÍÐARLINJA TÍÐARLINJA TÍÐARLINJA 14. JUNI Føroyingurin og danska kvinnan møtast fyri fyrstu ferð í Ørstedparkini miðskeiðis í Keypmannahavn. Tað er mitt um dagin, og tey bæði hava samlegu í parkini. Hetta er fyrsta av fýra ferðum, sum tey bæði møtast. Ákærdi føroyingurin fortaldi fyri rættinum, at tey ikki tosaðu um ágangin móti fýra ára gamla soninum hesar ferðirnar, tí hvørja ferð tey møttust, var tað mitt um dagin og einans í nakrar fáar tímar. Sostatt høvdu tey ikki stundir til nógv annað enn samlegu. Kvinnan noktar fyri, at hon hevur framt allan tann ágangin, ið verður nevndur í ákæruritinum, men greiddi í rættinum frá, at tað var eftir, at hon møtti føroyinginum fyrstu ferð, at tað fyri hennara viðkomandi fór frá heilaspuna til veruleika. Hon vildi nevniliga so gjarna møta føroyinginum aftur, at hon gjørdi alt fyri at halda sambandið við líka. 18. JUNI TIL 10. SEPTEMBER Ákæruvaldið metir, at danska kvinna eftir vegleiðing og eggjan frá føroyinginum, í tíðarskeiðinum 18. juni til 10. september, í 11 førum framdi blygnaðarskemd og í 27 førum framdi neyðtøku av øðrum kynsligum slagi móti fýra ára gamla soninum. 5. AUGUST Føroyingurin er dømdur fyri at hava viðvirkað til, at kvinnan tann 5. august royndi at neyðtaka fýra ára gamla sonin, og hendi tað sambært ákæruritinum bæði á morgni og kvøldi hendan dagin. 12. AUGUST Føroyski maðurin og danska kvinna skriva teldupost til hvønn annan, tí hvørgin teirra sleppur inn á LinkedIn. - Eg haldi, vit eru slettað av LinkedIn, skrivaði maðurin til kvinnuna. Síðan fyrigongur alt samskiftið teirra millum við telduposti. 13. AUGUST Amerikanska samveldisløgreglan meldar gjøgnum amerikonska sendistovuna í Keypmannahavn samskiftið millum føroyska mannin og donsku kvinnuna. Tað hendir eftir, at LinkedIn hevur vent sær til FBI, eftir at hava uppdagað myndirnar, ið kvinnan sendi manninum. 14. SEPTEMBER Eftir at føroyingurin í fleiri vikur hevur ráðgivið og eggjað kvinnuni til at hava kynsligt samband við pápa sín, fremur pápin oralsex á dóttrina. Pápin er dømdur 60 daga fongsul fyri blóðskemd, men av tí at blóðskemd einans verður dømd niðureftir, so varð kvinnan ikki ákærd fyri hetta. Hetta er tó við í ákæruni móti føroyinginum, tí hann eggjar kvinnuni til lógarbrot, hóast tað er pápin, ið fremur tað. 16. SEPTEMBER Føroyski maðurin eggjar kvinnuni til at hava samlegu við átjan ára gomlu dóttur hennara. Ákærin greiðir frá, at hetta bleiv av ongum, tí kvinnan bleiv handtikin, áðrenn tað kom so langt. Føroyingurin verður tó ákærdur fyri at hava eggjað til blóðskemd. 17. SEPTEMBER Løgreglan handtekur kvinnuna, eftir at hon hevur koyrt sonin í barnagarð. Løgreglan avhoyrir sonin um ágangin. 18. SEPTEMBER Kvinnan verður førd fyri rættin og varðhaldsfongslað. OKTOBER Løgreglan í Føroyum fær boð um at finna og halda eyga við føroyska manninum, tí viðkomandi er ikki at finna á skrásetta bústaðnum í Danmark. 12. OKTOBER Løgreglan ætlar at fara suður at handtaka føroyingin, ið er staddur í Suðuroynni, men ódnarveður ger, at tyrluskiparin sýtir fyri at fara á flog. Ætlanin var at handtaka føroyingin, føra hann fyri rættin dagin eftir og senda hann til Danmarkar sama kvøld. 16. OKTOBER Eftir at ódnarveðrið steðgaði ætlanunum at handtaka føroyingin, fekk løgreglan frænir um, at viðkomandi hevði flogferðaseðil til Danmarkar mánadagin 16. oktober. Í samráði við danir bleiv avgerð tikin um, at føroyska løgreglan skuldi boða frá, tá viðkomandi fór umborð á flogfarið. Komin til Danmarkar bleiv føroyingurin handtikin, tá ið hann kom úr Føroyaflúgvaranum. Sama dag framdi føroyska løgreglan húsarannsókn í barnaheiminum hjá føroyinginum, har ein telda bleiv funnin, ið ákæruvaldið metir er hansara gamla telda. Danska løgreglan megnaði at endurskapa umleið hálvthundrað barnapornografiskar myndir á telduni, ið vóru slettaðar. Føroyingurin sigur seg hvørki kenna telduna ella myndirnar, hóast brúkarin er skrásettur undir hansara gamla navni. 17. OKTOBER Føroyingurin verður á fyrsta sinni varðhaldsfongslaður. Síðan er varðhaldsfongslingin longd fleiri ferðir. Hann sat í sjey mánaðir í varðhaldi, áðrenn málið kom fyri rættin í Lyngby. 8. MARS Danska kvinnan játtar seg seka í øllum ákærunum. Dómarin dømir hana til trý ár og níggju mánaðir í fongsul. 28. MAI Føroyski maðurin verður dømdur í rættinum í Lyngby. Dómarin metir, at føroyingurin hevði eins stóra leiklut í áganginum sum mamman og skal harvið fáa sama dóm. Sostatt verður hann dømdur til trý ár og níggju mánaðir fongsulsrevsing. Harumframt skal hann rinda sakarmálskostnað og 100.000 krónur til sonin hjá kvinnuni. Føroyingurin hevur kært dómin.