mánadagur 4. juni 2018síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 4. juni 2018 · Nr. 62 400 starvsfólk mangla í ferða­vinnuni - Talan er tó ikki um størv til akademikarar, men kokkar, tænarar, móttøkufólk og reingerðarfólk, sigur Guðrið Højgaard. Danjal av Rana Komandi tvey árini fara vit at hava upp í eini 400 nýggj starvsfólk í ferðavinnuni, men í stóran mun er talan um fólk á gólvinum, søgdu bæði Guðrið Højgaard, stjóri í Visit Faroe Islands, og Rúni Vang Poul­ sen, stjóri á Smyril Line. Tey høvdu framløgur á ársfund­ inum hjá Arbeiðsloys­isskip­an­ini, har tey greiddu frá, hvørjar av­bjóð­ ing­ar tær báðar fyritøkurnar hava kom­andi tíðina. - Størsta avbjóðingin hjá okkum komandi tíðina verður at fáa fatur á arbeiðskraft. Seingjarplássini hev­ur verið ein fløskuhálsur, sum verð­ur loystur komandi tíðina, men nú verður avbjóðingin at finna nokk av starvsfólkum, sigur Guðrið Højgaard, sum væntar, at næstu tvey árini fer tørvur at vera á 200 til 400 nýggjum ársverkum í ferða­vinnuni í Føroyum. Ikki fyri akademikarar Tað verður kortini ein avbjóðing at finna hesi fólkini, tí talan er ikki um hálønt akademikarastørv, men um láglønar størv og ofta við skeivum arbeiðstíðum. - Vit hava tørv á fólki til at arbeiða á gólvinum, so at siga. Kokk- ­ar, tænarar, móttøkufólk, rein­gerð­ is­fólk, sigur hon. - Eg fái hópin av umbønum frá væl útbúnum føroyingum, sum kundu hugsað sær eitt starv í ferða­ vinn­uni, men í løtuni hava vit als ikki brúk fyri slíkum, greiðir Guðrið Højgaard frá. Hóast hesi størvini kanska ikki eru so høgt í metum, so eru tey avgerðandi fyri ferðavinnuna, vísir stjórin í Visit Faroe Islands á. - Um hesi fólkini ikki eru í starvi, hevði føroyska ferðavinnan einans verið ein triðing av tí, sum hon er í dag, sigur Guðrið Højgaard. Hon sigur, at í stóran mun eru tað lesandi og onnur ung, sum røkta hesi størvini, men hetta ger eis­ini, at arbeiðskraftin er sera óstøð­ug. - Tíðin hjá teimum er avmarkað, tí tey ganga í skúla. Nøkur teirra arbeiða bara í feriunum. Á hvørj­um ári gevast nógv, tí tey fara uttan­ lands at lesa. Vit hava tí ein stóran tørv á støðugari arbeiðskraft í hes­ um størvunum, sigur hon. Skoyta ikki um størvini Hetta kann Rúni Vang Poulsen, stjóri í Smyril Line, vátta. - Um vit hyggja at Hotel Skála­ vík, so hava vit nærum alla tíðina leys størv á hesum økjunum, men vit fáa ongar umsóknir. Vit hava tí valt at bjóða teimum, sum sigla við Norrønu, møguleikan at taka nakr­ ar vaktir á Hotel Skálavík og Hotel Hafnia, tá tey annars hava fríviku, sigur hann. Hann sigur, at partur av avbjóð­ ingini er sjálvandi, at hesi størvini eru sera tengt at árstíðunum. - Tað er torført at bjóða starvs­ fólkunum eitt fulltíðarstarv alt árið, tá ferðavinnusesongin er so stutt sum hon er. Tí mugu vit, saman við øðrum pørtum í ferða­ vinn­uni, arbeiða við at leingja um sesongina, sigur hann. Hann eftirlýsir eisini, at fleiri útbúgvingarmøguleikar innan ferða­vinnuna verða settir á stovn í Før­oyum. Í Vestmanna hava vit nú ferðaleiðaraútbúgvingina, men Rúni Vang Poulsen sigur, at vit mugu fáa fleiri útbúgvingar og betri umstøður og treytir fyri lærl­ ing­ar. Tørvur á útlendskari arbeiðsmegi Bæði Rúni Vang Poulsen og Guðrið Højgaard vænta, at tað í størri mun verða útlendingar, sum fara at fylla hesi mongu størvini. Longu nú er neyð­ugt at dúva upp á útlendska arbeiðs­megi. - Í hesum tíðum, við einum há­ kon­junkturi og lágum arbeiðsloysi, mugu vit dúva upp á útlendska ar­beiðsmegi. Tað vísir seg at vera sera torført at fáa føroyingar at taka hesi størvini, sigur Guðrið Høj­gaard. Ein partur av loysnini er tí at lata útlendingar taka hesi størvini, men tá eru trupulleikar við at fáa øll loyvini í lagi. Ófaklærd arbeiðs­ megi hevur ikki bestu korini at fáa uppihalds- og arbeiðsloyvi í Føroyum, men tað verður alneyð­ ugt, um vit skulu megna at nøkta tørv­in, halda bæði Guðrið Højgaard og Rúni Vang Poulsen. Guðrið Højgaard nevndi á árs­ fund­inum eitt fekst dømi um eina út­lendska kvinnu, sum seinastu tíðina hevur starvast á eini mat­ stovu í Havn. - Hon hevði neyðugu før­leik­ arnar, hevði ongar trupulleikar við at arbeiða skeivu tímarnar og hevði høgan arbeiðsmoral. Men nú verður arbeiðsloyvið ikki end­ ur­nýggjað. Slíkar støður skapa ótrygg­leika og gera avbjóðingina at finna hóskandi starvsfólk enn størri, sigur hon. - Tað er tó týdningarmikið at varðveita samleikan sum ein før­ oysk vinna, eisini í hesum størv­ un­um. Tí mugu vit ansa eftir, at tað ikki gerast lutfalsliga ov nógv­ir útlendingar í føroysku ferða­vinn­ uni. Júst tað føroyska er eitt av okk­ara sterkastu sølupunktum, sig­ur Guðrið Højgaard. FERÐAVINNA