týsdagur 5. juni 2018síða 13

13 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 5. juni 2018 · Nr. 63 Lonin í Skopun hevur 12 ár á baki Á Sandoyarstevnu, sum verður um vikuskiftið, fara tey í matvøruhandlinum Lonini í Skopun at gera vart við, at handilin hevur 12 ár á baki Vilmund Jacobsen Sandoyarstevna verður komandi vikuskiftið, 8.-10. juni. Skráin fyri stevnuna byrjar fríggja­dagin, og hon heldur fram bæði leygardagin og sunnudagin, harav leygardagurin er dagurin, har flestu tiltøk eru á skránni. Stevnan skiftir millum komm­ un­urnar í Sandoynni, og hesaferð verð­ur stevnan hildin á Sandi. Men, tað er ikki bara á Sandi, at tey vilja gera vart við hendan dagin. 12 ár á baki Á-handilin Lonin í Skopun, sum er størsti matvøruhandil í Sandoynni, fer eisini at gera vart við, at hand­ ilin hevur 12 ár á baki. Sámal Hanni Lognberg sigur, at tey leygardagin komandi fara at geva børnunum ballónir, sam­ stundis sum tey vaksnu fáa ein kaffi­munn. - Hetta verður í tímunum mill­ um klokkan 14 og 17, sigur handils­ eig­arin, sum leggur aftrat, at tey eisini fara at hava fleiri góð tilboð í samband við ársdagin. Byrja nú at selja úr tunlinum - Her verður okkurt forkunnugt til matna, og vit fara eisini at selja grønmeti og blómur, siga tey í Veltuni Vilmund Jacobsen Tey, sum standa aftan fyri áhuga­ felagið Veltuna í Sandoynni, kunnu nú so smátt byrja at selja grøði úr nýggja og stóra vakstrartunlinum, sum bygdur á Sandi. Hetta er ein vakstrartunnil - ella eitt vakstrarhús - á umleið 300 fer­ metrar, sum er bygt í vetur og í vár. Tað var í endanum av mars mánaði í ár, at tey í Veltuni kundu boða frá, at nú var tunnilin liðugur, og at tey so smátt fór at byrja at sáa ymiskt grønmeti og blómur. Nú um dagarnar lýsa tey við, at fólk eitt nú kunnu keypa stór og broyskin kinakál. Nú Sandoyarstevna verður um vikuskiftið, fer Veltan eisini at hava opið hús í stóra vakstrartunlinum. - Her verður okkurt forkunnugt til matna, og vit fara eisini at selja grønmeti og blómur, siga tey. Ætlanin hjá teimum, sum standa aftan fyri Veltuna, er at velta grønmeti í tunlinum so stóran part av árinum sum til ber, og eisini er ætl­anin at framleiða ymiskar smá­ plantur. Tá tey bygdu stóra vakstrar­ tunnilin, endurnýttu tey plast­ slang­ur frá alivinnuni. - Hesar eru knýttar saman tríggjar og tríggjar til bogar. Hetta er ein tunnil, sniðgivin til føroysk viðurskifti, siga tey í Veltuni. Snøggur depil skal hava eitt hóskandi navn Navnið skal verða lætt at siga og ikki verða ov langt, og tað skal helst hava samband við staðsetingina ella virksemið á stovninum Vilmund Jacobsen  Virknis- og Umlættingardepilin á Sandi skal nú hava navn. Tí bjóðar Almannaverkið til navnakapping, har virðisløn verður latin fyri besta uppskotið. Virknis- og Umlættingardepilin á Sandi er nýggjur stovnur, sum læt upp í november 2016. Á stovninum vera veitt dag-, virknis- og umlættingartilboð fyri børn­um, ungum og eldri. Nú navn skal finnast til dep­ il­in, eru ynskini, at navnið skal verða lætt at siga og ikki vera ov langt, og navnið skal helst hava sam­band við staðsetingina ella virk­semið á stovninum.  Øll kunnu luttaka Almannaverkið sigur, at virðisløn verður latin fyri besta uppskotið, sum verður valt. - Øll kunnu luttaka í kappingini við at senda bræv ella teldupost, men Almannaverkið tilskilar sær eisini rætt til ikki at brúka nakað av innkomnu uppskotunum. Um so er, at fleiri hava skotið uppá vinnandi navnið, verður drigið lut um virðislønina, sum er gávukort uppá ein góðan bita. Uppskotini skulu merkjast “Navna­kapping” og sendast til: Virknis- og Umlættingardepilin á Sandi, Miðgøta 17, 210 Sandur, ella á teldupost: navnakapping@av.fo - Freistin at senda inn uppskot er: 01.07.2018 klokkan 12, verður lagt aftrat. Á-handilin Lonin í Skopun er størsti matvøruhandil í Sandoynni - Hetta er ein tunnil, sniðgivin til føroysk viðurskifti, siga tey í Veltuni. Mynd: Veltan, Sandoy - Øll kunnu luttaka í kappingini við at senda bræv ella teldupost, sigur Almannaverkið