hósdagur 7. juni 2018síða 11

FRÍGGJADAGUR 8. JUNI 2018 SOSIALURIN 64 11 Tilmæli um tilboð til ung við víðfevndum sálarligum ella sosialum trupulleikum og álvarsligum trupulleikum av rúsdrekka- og rúsevnamisnýtslu • Mælt verður til at fara undir eitt tvørgeiraligt átak, har hvør myndugleiki átekur sær sín leiklut og sín part av umfatandi uppgávuni at hjálpa hesum ungu • Mælt verður til at skipa eitt tvørfakligt og matrikulleyst toymi, sum verður sett burtur av at taka sær av teimum ungu • Toymið verður skipað undir Almannaverkinum við serstakari játtan til endamálið • Toymið skal fáa og varðveita samband við tey ungu og virka sum bindilið millum tann unga og teir stovnar/myndugleikar, ið veita viðgerð og tænastur • Toymið skal tryggja, at ein viðgerðarætlan verður gjørd saman við tí unga og við avvarðandi myndugleikum og stovnum. Viðgerðarætlanin skal gerast við støði í lívsstøðuni, tørvinum og ynskjunum hjá tí einstaka unga • Viðgerðarætlanin skal fevna um hesi viðurskifti: - Bústað - Luttøku á arbeiðsmarknaðinum og/ella útbúgving - Heilivág/psykiatriska viðgerð/sálarfrøðiliga viðgerð - Viðgerð fyri rúsdrekka-/ rúsevnamisnýtslu - Fíggjarviðuskifti - Sosial sambond og frítíðarítriv • Arbeiðsbólkurin er samdur um, at Toymið eigur at verða skipað undir Almannaverkinum, sum hevur drúgvar royndir við at seta saman tilboð, og sum eisini umsitur eina røð av veitingum og tilboðum og tænastum, ið hesir unglingar fáa ella fara at fáa frá Almannastovuni. • Arbeiðsbólkurin metir, at Toymið hevur brúk fyri fýra ella fimm starvsfólkum við sosialfakligari, námsfrøðiligari og heilsufakligari útbúgving. Harumframt skal møguleiki vera fyri at keypa tænastur frá privatum serfrøðingum. • Arbeiðsbólkurin vísir á, at skulu hesi ungu loftast, so er umráðandi at raðfesta hetta átakið á fíggjarlógini. Bólkurin vísir samstundis á, at tilmælið í stóran mun leggur upp til, at verandi tilboð og tænastur verða gangnýtt, heldur enn at stovnseta eina røð av nýggjum tilboðum. • Arbeiðsbólkurin var mannaður við umboðum fyri Almannamálaráðið, Heilsu- og innlendismálaráðið, Almannaverkið, Psykiatriska depilin á Landssjúkrahúsinum og Kriminalforsorgina. K DETTA UM tey kunnu venda sær til fyri at fáa hjálp. Bróta lógina fyri at sleppa í varðhald Kriminalforsorgin hevur víst á, at tað er ein trupulleiki, at tá tey ungu hava verið í varðhaldinum, so mangla nøktandi tilboð og møgu­leikar, tá tey koma útaftur. Nøkur teirra hava ongan bú­ stað, onnur hava einki arbeiði ella útbúgving, og tí enda tey ofta aftur í somu ringrás. – Vantandi tilboðini kunnu í roynd og veru hava ta avleiðing, at tey aftur fremja lógarbrot til tess at koma aftur í varðhaldið. Lívið kennist so trupult, at ein­asti útvegur er at koma aftur í Mjørka­ dal, har karmarnir eru støðugir og ger­andisdagurin í einari fastari legu, sigur arbeiðsbólkurin, sum hevur tosað við ung í varð­hald­ inum. Vanta búpláss og arbeiði Almannaverkið vísir eisini á, at tað er trupult hjá teimum at hýsa teimum ungu, tí tað vanta nógv búpláss, og at tað kann vera tor­ ført at varðveita leigumál til hesi ungu. Harafturat verður víst á, at at tey ungu, sum hava bú­pláss, hava umfatandi tørv á eitt nú rús­ evna­viðgerð, sum Almanna­verkið í løtuni ikki hevur førleikar ella játtan til at geva. Somuleiðis kann tað vera tor­ført at fáa tey ungu í arbeiði ella útbúgving, tí tað er ringt hjá teim­um at varðveita sambandið við arbeiðsmarknaðin ella út­ búgvingarstovnar. Nógv av teim­ um hava eisini fíggjarligar trupul­ leikar at dragast við orsaka av skuld. Tað er eisini ein avbjóðing hjá Almannaverkinum at veita teimum ungu, sum eru dømd, nøktandi tilboð, staðfestir arbeiðsbólkurin. Óstøðug psykiatrisk viðgerð Stórur partur av hesum ungu við serliga samansettum trupul­leik­ um stríðast eisini við psykiatr­ isk­ar avbjóðingar, sum krevja við­gerð. Men av tí at tey hava ikki fastan bústað, og sum heild ikki hava ein skipaðan og inni­halds­ ligan gerandisdag, kann tað vera tor­ført at veita teimum neyð­uga og støðuga viðgerð, vísir arbeiðs­ bólk­urin á. Samanumtikið er talan um ung fólk, sum hava umfatandi, men ym­iskar og samansettar trupul­ leik­ar. Tí hava tey eisini brúk fyri ym­iskari hjálp, viðgerð og stuðuli. Felags fyri tey øll er kortini, at tey hava tørv á skipaðum viður­ skiftum, tá talan er um bústað, arbeiði ella útbúgving, heilivág, psykiatriska og sálarliga viðgerð, viðgerð fyri rúsevnamisnýtslu, fíggjarviðurskifti og sosial sam­ bond og frítíðarítriv, stendur í til­mæl­inum, sum arbeiðsbólkurin hevur latið landsstýriskvinnuni í almanna­málum.