hósdagur 7. juni 2018síða 13

FRÍGGJADAGUR 8. JUNI 2018 SOSIALURIN 64 13 Órættaði hevur 25 sár eftir øks og knívi - Hevði maðurin ikki fingið røttu hjálpina beinanvegin, hevði hann ikki yvirlivað álopið. So greið er niðurstøðan hjá rættarlæknanum, sambært ákæruvaldinum. DANJAL AV RANA Órættaði maðurin, sum fólk funnu mest sum lívleysan á horninum av Landavegnum og Íslandsvegnum í vesturbýnum í Havn, hevði 25 sár eftir øks ella knívi. Í rættinum blivu myndir vístar bæði av órættaða manninum, tá hann var komin undir læknahond, og av blóðdálkaða Íslandsvegnum. Talan var ikki um nakra tespiliga sjón, sum møtti teimum fyrstu, sum komu til mannin. Danski rættarlæknin, sum er ser­frøðingavitni hjá ákæru­vald­ inum sigur, at eingin ivi er um, at hevði maðurin ikki fingu røttu hjálpina bein­anvegin og komin undir køna læknahond, hevði hann ikki yvir­livað álopið. Blóðslóðin vísir, at álopið sjálvt hendi eini 20 metrar inn eftir Íslands­vegnum, men at maðurin síð­ani hevur megnað at stetla út á Landa­vegin, áðrenn hann er smollin um. Lukkutíð varnaðust fólk hann skjótt, tí annars hevði honum neyv­an verið lív lagað. Tveir aðrir framvegis skuldsettir Tveir aðrir mans vóru handtiknir og grundlógaravhoyrdir í øksarmálinum í fjør. Løgreglan metti, at teir eisini vóru við í álopinum, men dómstólurin gav ikki løgregluni viðhald í at teir skuldu varðhaldsfongslast. Linda Margrethe Hessel­berg, varafúti, váttar fyri Miðla­hús­ inum, at skuld­set­ing­ar­nar móti teimum báðum ikki eru sleptar. - Tað velst um hvat kemur fram í hesum rættarmálinum. Kanska fer hetta rættarmálið at varpa ljós á leiklutin hjá teimum báð­um skuldsettu eisini, sigur hon. Átta ung sótu og ballaðust í íbúð­ini, tann órættaði, teir báðir ákærdu, hesir báðir skuldsettu, tvær kvinnur og ein vinmaður aftur­at. Teir báðir ákærdu blivu varð­haldsfongslaðir 6. mai og sótu í einakliva fyrstu vikuna. Í desembur bleiv annar teirra flutt­ ur til Danmarkar, tí at løgreglan metti, at hann var so illa fyri sinnis­liga, at ikki var ráðiligt at hava hann sitandi í Mjørkadali longur. UPPGERÐIN Á ÍSLANDSVEGNUM Tá annar av teimum ákærdu sá, at vinmaðurin hevði høgt ein mann niður við øks, fjaldi hann øksina, lat hann úr klæðunum og tveitti tey í vaskimaskinuna og fekk vinmannin í song. DANJAL AV RANA V anlukkukvøldið, sum nú er til við­gerð í Før­ oy­ar rætti, byrjaði í ein­um sethúsum, sum Al­manna­verkið eigur, við Ís­lands­ vegin í Havn. Ein 24 ára gam­al og ein 22 ára gamal maður eru ákærdir fyri morðroynd móti ein­um øðrum manni. Her búðu ung fólk, sum av eini hvørj­ari orsøk eru undir um­ sorgan hjá Al­manna­verk­inum. Í eini av íbúðunum var ball hetta kvøldið. Tey hava ikki loyvi at ballast inni og tey hava ikki loyvi at hava rúsdrekka inni, men kortini var ball hetta kvøldið. Tann 22 ára gamli búði í íbúðini, meðan tann 24 ára gamli var komin at vitja. Koma til ilnar Sum kvøldið leið komu vinfólk á gátt og út móti midnátt kom eisini maðurin, sum seinni bleiv funn­in mest sum lívleysur á Landa­vegn­ um. Teir báðir ákærdu og ein ung kvinna, sum eisini var til staðar í ball­inum, hava greitt gjølla frá, hvat hendi hetta kvøldið, fram til øksarálopið. Tey siga øll, at hýrurin var góður á teimum, sum vóru til staðar, men brádliga gerst órættaði mað­urin sera illur um okkurt, sum sagt verð­ur. Tey avhoyrdu í rætt­inum siga, at maðurin tá dró knív fram, og hótti onkur av hinum, sum vóru til staðar. Tann 22 ára gamli fór útum við órættaða at sissa hann, men løtu seinni kom hann inn aftur og fortaldi hinum, at órættaði hevði givið sær nevan. Uppgerðin á Íslandsvegnum Hetta østi øll hini upp, og tá maðurin síðani ringdi og segði frá, at hann bíðaði eftir teimum við Landavegin, lupu tey á dyr, fimm ungir mans og tvær ungar kvinnur. Kvinnurnar royndu at steðga teimum, men formáa sær lítið móti uppøstum monnum. Eini 20 metrar frá Landavegnum stendur maðurin og bíðar, við knívi í hond. Tann 24 ára gamli er ákærdur fyri at hava tikið eina øks við úr íbúðini, fyri at hava hildið órættaða føstum, meðan tann 22 ára gamli høgdi hann við øksini, og fyri at hava stungið órættaða við knívi ella onkrum líknandi. Tann 22 ára gamli er ákærdur fyri at hava nýtt øksina í álop­in­um. Men hvørgin teirra sigur seg vita, hvussu øksin kom úr íbúð­ini og út á vegin. Tann 22 ára gamli sigur, at hann átti øksina, men veit ikki, um hann tók hana út við, meðan tann 24 ára gamli játtar, at hann fann øksina fram, men sig­ur, at tá hann var liðugur at lata seg í um føturnar, var øksin burtur. Tað næsta hann sá til øksina, var tá vin­maðurin sveiggjar hana niður á rygg­in á órættaða. Tann 24 ára gamli noktar eisini fyri, at hann helt órættaða føst­ um. Hann sigur, at teir fóru út og kravdu eina umbering frá órætt­ aða fyri at hava sligið vin­mann­in. Tá órættaði noktaði, legði hann fót fyri honum, men ólukku­tíð duttu báðir, og hann endaði und­ir. Brádliga byrjar órættaði at ýla og gráta, og tað er ikki fyrr enn ákærdi kemur á føtur, at hann sær, at tann 22 ára høggur við øksini. Hann rópar tá á hann, biðjur hann steðga og fær soleiðis steðga álop­in­um. Hann noktar eisini fyri, at hann hevur stungið órættaða við knívi. Fjaldi øksina fyri vinmannin Tann 22 ára gamli sigur seg minn­ ast lítið frá tí, at teir fóru úr íbúð­ ini. Hann minn­ist okk­urt í brotum. Ein mynd hevur fest seg í minnið, av at hann situr yvir tí órættaða og høgg­ur eftir honum. Ein onn­ ur mynd er, at hann stendur og hygg­ur at øks­ini, og ein triðja, at hann hyggur eft­ir sær sjálvum í spegl­inum og sær, at hann er blóðdálkaður. Tað næsta hann minnist, er at løgreglan vekir hann í íbúð sínari, og síðani, at hann aftur vaknar í brummuni. Einaferð áður er hann vakn­að­ ur í brummuni. Tað ferðina hevði hann stungið ein mann við knívi tríggj­ar ferðir. Hann gjørdist tí bangin, tá hann vaknaði, og spurdi tí beinanvegin løgregluna, um hann hevði dripið nakran hesa ferð. Tann 24 ára gamli greiddi í rættinum frá, at tað gerst honum skjótt greitt, at hetta ikki er gott fyri vinmannin. Hann fær øksina frá vinmanninum og goymir hana undir einum flagtaki í granna­lagn­ um. Knívin hjá órættaða finnur hann á vegnum og blakar hann inn í ein urtagarð. Síðani fara hann og vinmaðurin heim. Har fær hann vinmannin í song og síðani tveitir hann blóð­dálkaðu klæðini hjá vin­manninum í vaski­ mask­inuna. Lítla løtu seinni er løg­ reglan á hurðini.