mánadagur 11. juni 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 11. juni 2018 · Nr. 65 SKUGGASPÆL Í KVF OG VP Skuggaspæl og dupultmoralur Barbara Holm barbara@sosialurin.fo Báðar greinarnar frá Johnny í Grótinum til Ólavur í Beiti, sum Sosial­urin hevur fingið hendur á, snúgva seg um uppsagnina av Liljan Weihe, fyrrverandi tíð­inda­ leið­ara í Kringvarpinum. Upp­ søgn­in av Liljan Weihe kom í kjala­ vørr­inum av einari greinarøð í Viku­skiftis Sosialinum dagfest 24. nov­ember í fjør. Greinarnar bygdu á klag­ur, sum Liljan Weihe hevði sent inn til Kringvarpsstýrið um Johnny í Grót­inum. Hetta vóru skjøl, sum Sosialurin hevði fingið hendur á undir­honds og sum blaðið síðani end­ur­gav burturúr. Millum annað tað, at Sosialurin fekk hendur á hesi skjøl leiddi til, at Liljan Weihe varð koyrd úr starvi. Johnny í Grótinum segði í uppsøgnini, at hann var ónøgd­ur við ákærurnar móti sær í klagunum, og hann segði seg tá meta Liljan Weihe sum óloyala í ein slíkan mun, at leiðslan misti álitið á henni. Í uppsøgnini av Liljan Weihe stendur fleiri ferðir nevnt, at hetta at Sosialurin endurgav inni­ haldið í klagunum gjørdi málið so mikið álvarsamt. Somuleiðis sæst í teldupostið til Stýrið áðrenn Lilj­ an Weihe fekk ætlanarskriv um upp­søgn, at Johnny í Grótinum reageraði eftir greinarøðina í Sosial­inum við at siga, at tað skuldi fáa starvs­rættarligar avleiðingar fyri Liljan Weihe. So meðan Johnny í Grótinum í fjør metti tað óakseptabult at ein ann­ars miðil – Sosialurin – fekk hend­ur á skjøl frá Kringvarpinum, so er sami Johnny í Grótinum í síðstu viku boðberin frá Kring­varp­ in­um til Vágaportalin – ikki einans við at lata vp.fo skjøl í málinum, men enntá við at sjálvur skriva grein­arnar. Eina greinin frá Johnny í Grót­inum til Ólavur í Beiti snúði seg um, at Mentamálaráðið hevði nokt­andi svar upp á umbøn frá Lilj­an Weihe um at geva nýggjastu kæru hennara uppsetandi virkna. Hin greinin snýr seg um eitt skriv frá Mentamálaráðnum til Johnny í Grótinum, sum skal skilj­ ast sum ein nágreining av niður­ støð­uni, sum ógildaði upp­søgn­ina av Liljan Weihe. Báðar greinarnar eru til fyri­ muns fyri Johnny í Grótinum í starvs­fólkaósemjuni við koyrda tíð­inda­leiðaran. Tað er sjálvandi tann munur, at mál­ini, sum Johnny í Grótinum skriv­ar um á vp.fo er fevnd av lóg­ ini um alment innlit, meðan tað, sum Sosialurin fekk hendur á í fjør ikki er. Kortini er spurningurin, um hetta samstarvið millum Kring­ varps­stjóran og Vágaportalin er akseptabult eftir mátistokkinum hjá Johnny í Grótinum sjálvum. Tað, sum Vágaportalurin í hes­ um førinum ger, er at síggja til brot á leiðreglurnar um góðan fjøl­ miðlasið. Tí fjølmiðlafólk eiga at við­gera øll mál kritiskt. Í hesum før­inum tók tað eftir øllum at døma 15 minuttir og smáar tveir tím­ar á miðjari nátt, frá tí Johnny í Grót­inum sendi greinar til Ólavur í Beiti, til Ólavur í Beiti síðani legði tær út til Føroya fólk at lesa á vp.fo at kalla orðarætt og harvið óvið­gjørt. Og somuleiðis uttan at Føroya fólk veit, hvør veruligi av­ send­arin er, og at greinin harvið er skrivað av einum við egnum áhuga­ mál­um uppá spæl.