leygardagur 13. november 2004síða 3

4 Nr. 218 - 13. november 2004 Nr. 218 - 13. november 2004 5 Fara varliga avstað Nýggi borgarstjórin í Vestmanna ætlar ikki at seta nakrar villar ætlanir í verk kom- andi árið. Fyrst skal ein langtíðarætlan leggjast, sigur Karl Olsen KOMMUNUVAL Edvard Joensen Vestmanna: Tað verða ongar villar ætl- anir á skránni hjá nýggja bygdarráðnum í Vest- manna, sigur Karl Olsen, sum verður nýggjur borga- stjóri í Vestmanna á nýggj- árinum. Nýggja bygdarráðið fer at halda fram við arbeiðum, sum eru í gongd, men hevur sjálvandi eisini sínar ætl- anir, sigur Karl Olsen. – Nú er barnansingin komin upp á pláss, so tað verður ikki tað, sum verður raðfest fremst, sigur hann. Vit fara heldur at raðfesta arbeiðspláss og vinnulív í fremstu røð, sigur hann. Hann leggur tó dent á, at hetta er ikki nakað brot við tann politikk, sum rikin er í Vestmanna hesi árini, Kvinnulistin hevur sitið við stýrið. Tað eru arbeiði í gongd, sum hann heldur, at arbeiðast skal víðari við. Hann nevnir ikki nakað ítøkiligt uttan tað, at arbeitt helst fer at verða við onkr- ari ætlan um vetrarfriðing. Ymisk mál eru, sum samstarvast má við granna- kommunur um, sigur Karl Olsen. Eit nú barnavernd og eldraøkið, og tað fara tey so at taka upp sum eitt að fyrsta, heldur hann. Tá Sosialurin tosaði við komandi borgarstjóran í Vestmanna, hevði eingin endalig skipan av nýggja bygdarráðnum verið. Hann var tá ikki greiður yvir, um arbeitt fer at verða við meiriluta og minniluta. Í øll- um førum ynskti hann eitt gott samstarv millum allar bygdarráðslimirnar. Hóast nýggja bygdarráð- ið ikki enn hevur tikið við, hevur tað kortini fingið sítt fyrsta mál, soleiðis meira ella minni. Tað er málið um bátahylin hjá kvívíkingum á Válinum. Karl Olsen sigur, at hann væntar, at tað fer at bera til at loysa hatta málið í øllum góðum, og at samstarvið við Kvívíkar Kommunu um onnur mál eisini man fara at verða gott. Nýggi borgarstjórin í Vestmanna sigur, at hann hevur kunnað seg um fíggj- arsøðuna hjá kommununi, og har stendur ikki so illa til, sigur hann og fer í góð- um treysti undir sítt fyrsta skeið sum kommunalpolit- ikari nakrantíð. Limirnir í nýggja bygdarráðnum í Vestmanna hittust hóskvøldið. Karl Olsen, sitandi í miðuni, verður nýggjur borgarstjóri í Vestmanna Mynd: Jens Kristian Vang Ósemja um sjómark á Vestmanna Vestmenningar og kvívíkingar eru vorðnir ósamdir um mark. Ikki uppi á landi, men sjómark. Fyribils er arbeiðið upp á nýggja bátahyl- in hjá Kvívíkar Kommunu steðgað MARKNATRÆTA Edvard Joensen Á Válinum: Kvívíkar Kommuna hevur steðgað arbeiðinum upp á nýggja bátahylin á Válin- um, tí vestmenningar hótta við fútaforboði. Men nú er talan um sinniligt fólkaslag, sum ikki plagar at loypa framav, so teir eru í øllum góðum farnir at tosa um málið og vænta at finna eina virði- liga loysn, siga báðir partar. Vestmanna Kommuna havur gjørt vart við, at grótkastið í samband við bátahylin, sum Kvívíkar Kommuna er farin undir á Valinum, fer at koma so langt út frá landi, at tað fer um tað markið, sum vest- menningar siga, er galdandi eftir sjónum inni á Vest- manna. Kvívíkingar meta hetta ikki sum mark, og vestmenningar svara aftur við at hótta við fútaforboði, um kvívíkingar halda fram við arbeiðinum. Hetta halda kvívíkingar ikki vera tað vert, og hava tí av sínum eintingum steðgað arbeið- inum og heitt á Vestmenn- ingar um at tosa saman um málið. Tað fara partarnir so at gera. Kvívíkar Kommuna hev- ur av sínumeintingum steðgað arbeiðinum, tí tey frættu at vestmenningar høvdu umhugsað fútafor- boð, sigur Heini Holm frá- farandi borgartjóri í Kvívík. Hann heldur ikki, at tað er nøkur meining í hjá grannunum at fara at stríðast um hetta málið. Serliga lítið hugligt er tða hjá nýggjum bygdarráðum at byrja samstarv soeliðs, heldur hann. Hann hevur tí heitt á tey nývaldu bygdarráðini í báð- um kommununum um at tosa saman, soleiðis at tey, sum komandi skulu stýra kommununum, kunnu tosa seg til sættis. Tað eydnaðist ikki at fá orð á fráfarandi borgar- stjóran í Vestmanna, Gunn Joensen. Men formaðurin í havnarnevndini, Jóhan Hendrik Hansen, sigur, at hann veit ikki annað, enn at kvívíkingar hava steðgað arbeiðinum. Hann váttar, at Vest- manna Kommuna hevur tosað um fútaforboð móti arbeiðinum, men komm- unan hevur ikki biðið um nakað slíkt, sigur hann. Komandi borgarstjórin í Vestmanna, Karl Olsen, sigur, at hann hevur frætt frá kvívíkingum um málið, og hann væntar, at tað fer at bera til at finna eina skila- góða loysn á málinum. Heini Holm, fráfarandi borgarstjóri í Kvívík, greið- ir frá, at talan er um eina ósemju um, hvar komm- unumarkið gongur úr eftir Vestmanna. Kvívíkar Kommuna gongur at Helj- areyga, sum er mark. Vest- menningar siga, at markið gongur haðani í eini linju yvir um vágna soleiðis, at hon verður so nær Vála- landinum, at grótkastið, sum kvívíkingar ætla at gera, fer útum. Her eru kvívíkingar ósamdir. Heini Holm sigur, at tað ber ikki til at fáa staðfest nágreiniliga, hvørki hjá Matrikulstovuni ella Landsverki, hvar hetta góða mark er. – Á landi er eingin trupul- leiki at staðfesta mark, sigur hann. Men tá komið verður á sjógv, er øðrvísi. Hetta er líkasum eitt grátt øki, sum ikki er roynt fyrr. So nú verður spennandi at síggja, hvussu hetta fer at enda, tí tað fer ivaleyst at verða nýtt sum dømi, um okkurt tilíkt seinni kemur fyri aftur, sigur Heini Holm. Kvívíkar Kommuna er farin undir at gera bátahyl á Válinum. Vestmenningar halda, at teir koma um mark, og eru farnir at tosa um fútaforboð. Arbeiðið er steðgað fyribils Mynd: Jens Kristian Vang Vágaligur dansur í Sørvági Leygarkvøldið verð- ur dansur í Sørvági, har ágóðin fer til at stuðla Australiaferð hjá Ungdómsork- estrinum í Vágum STUÐULSTILTAK Stuðulsdansur til frama fyrk Australiaferðina hjá Ungdómsorkestrinum í Vágum verður í Sørvági leygakvøldið. Hetta verður Vágadans- ur burturav, siga fyrireik- ararnir. Orkestrið, sum er at spæla, er sett saman av tónleikarum úr Vágum, og nevnir seg Vága Jam. Og teir fara at spæla Vága Sound, siga teir. Teir spæla bara løg, sum orkestur úr Vágum hava givið út. Ungdómsorkestrið í Vágum fyrireikar í løtuni eina ferð til Australia næsta summar. Tey hava ymisk tiltøk til tess at savna pening. Ætlandi fer Australiafeðin av vara tvær vikur. ej C M Y K 5 4