hósdagur 14. juni 2018síða 6

FRÍGGJADAGUR 15. JUNI 2018 SOSIALURIN 67 6 MILDRIÐ JACOBSEN – Eg hevði ikki orkað fimm ár afturat í stjórastarvinum í Kring­ varpi­num, og eg hevði ikki tikið av, um eg hevði fingið í boði at hildið fram eitt stjóraskeið afturat. Eg hevði kanska kunnað verið eitt ár ella tvey afturat, men fimm ár hevði eg ikki orkað, sigur Dia Midjord, sum var stjóri í Kringvarpi Før­oya frá 2012 til 2017, og sum fyri kortum tók við sum stjóri í hýri­ vogns­fyritøkuni Auto í Havn. Dia Midjord sigur, at stjóra­ starvið í kringvarpinum var øgi­ liga spennandi, og at hann lærdi ótrú­liga nógv hesi árini. Men tað var eisini sera strævið. – At vera stjóri hjá 85 fólkum, har nógv hava meiningar um øll mál og um alt í samfelagnum, ger, at ein hevur nógv at fyrihalda seg til innanhýsis, sigur hann og leggur afturat, at eisini uttanhýsis eru nógvar meiningar um kringvarpið, og nógv atlit at taka. – Allir føroyingar rinda kring­ varps­gjald. Teir halda seg har­við eiga eitt partabræv í kring­varpi­ num, og halda tí, at tað er í lagi at gera vart við sína misnøgd við kringvarpið. Harafturat er kring­ varpið ikki so fáar ferðir um­røtt á løgtingsins røðarapalli, har tað hevur verið funnist at bæði hesum og hasum, sigur Dia Midjord, sum hevði drúgvar arbeiðs­dagar tey fimm árini, hann sat í stjóra­sessi­ num. Arbeiðsdagurin byrjaði ofta tíð­ liga um morgunin, og hann fór ikki til hús, fyrr enn klokkan var farin av seks um kvøldið. – Eg eri soleiðis innrættaður, at tá eg geri eina uppgávu, so geri eg tað ordiligt, sigur Dia, sum eisini ofta upplivdi, at fólk ringdu bein­ leiðis til hann bæði leygar­dagar og sunnu­dagar at klaga um stórt og smátt. – Tað var strævið, men eg lærdi meg at liva við tí. Og tá tú situr í einum slíkum starvi, so mást tú vera høviskur, sama hvussu tú verður húðskeldaður. Tú kanst ikki venda kanónini, men mást telja upp í tíggju og svølgja fleiri ferðir. Og tað vísti seg eisini, at tá tú hevði snakkað við hesi fólkini, so komu tey øll niður á jørðina. – Eg hugsaði ikki um hetta sum nakað keðiligt, sjálvt um tað sjálv­ andi er strævið, sigur Dia, sum ásann­ar, at battaríni hjá honum vóru øgiliga tóm, tá hann hevði verið stjóri í kringvarpinum í fimm ár. Hóast stjóratíðin í nógvar mátar var strævin, so var hon eisini sera spenn­andi og mennandi, og Dia heldur, at hann lærdi ómetaliga nógv hesi árini. – Eg visti ikki frammanundan, hvussu tað er at vera ovasti leiðari. Eg hevði roynt at hava ábyrgd, men tað er øðrvísi, tá tú ert allarovast og hevur tamarhald á øllum bólt­ unum. Tað lærir ein ógvuliga nógv av, sigur Dia, sum heldur, at øll áttu at roynt at verið stjóri eina tíð. – Eg veit, at tað eru ikki øll, sum tíma tað. Men øll áttu at roynt tað, tí ein lærir ómetaliga nógv. Tað er eisini keðiligt viðhvørt, men tað er so avgjørt nógv meira positivt BATTARÍINI VÓRU Dia Midjord umhugsaði ongantíð at søkja starvið aftur, tá skeiðið hjá honum sum stjóri í kringvarpinum var úti á ólavsøku í fjør. – Tíðin sum kringvarpsstjóri var ómetaliga spennandi og lærurík. Men eg hevði ikki tikið av, um eg hevði fingið bjóðað at hildið fram í stjórastarvinum. Tá vóru míni battarí næstan tóm, sigur Dia Midjord, sum herfyri tók við sum stjóri í hýrivognsfyritøku í Havn Dia Midjord: PERSÓNSSØGA: Dia Midjord