hósdagur 14. juni 2018síða 12

FRÍGGJADAGUR 15. JUNI 2018 SOSIALURIN 67 12 Almennar lønir TEMA: Almennar lønir HALLUR AV RANA V ið eini samsýning á 2.188.000 krónur í 2017 er stjórin í Føroya Tele tann best lønti al­menni stjórin í einum almennum parta­ felagi í yvirlitinum hjá Vikuskiftis- Sosialinum. Ómar Svavarsson, nevndarformaður í Føroya Tele, sigur, at hann ikki kann vátta løn­ ina, ella hvussu hon er skrúvað saman, men upplýsir, at talan er um somu løn, ið fyrrverandi stjórin í Føroya Tele fekk, tá hann fór úr starvi í 2015. - Eg kom í nevndini í 2015, og stutt eftir legði Kristian Davidsen frá sær sum stjóri og fór í annað starv. Tá vit so settu nýggjan stjóra í starv, avgjørdu vit at halda fast í sama lønarkarmi, men við onkrum til­lag­ingum, ið skuldi gera hann einklari, sigur Ómar Svavarsson. Nevndarformaðurin vísir á, at tað ikki er so lætt at samanbera stjóra­lønina í Føroya Tele við aðrar før­oyskar fyritøkur. - Eg haldi, talan er um eina góða løn, men tað er trupult at saman­ líkna við nakað annað, tí talan er um størstu telefyritøku í landinum. Føroya Tele er eisini ein altjóða fyri­tøka og sæst tað millum annað aftur í, at fyrrverandi stjórin hjá okkum tók við einum starvi sum stjóri í eini telefyritøku í Grønlandi, men eisini tá hugt verður eftir, hvørja ábyrgd felagið hevur og eftir umsetninginum hjá felagnum, sigur nevndarformaðurin og leggur afturat. - Men um stjóralønin í Føroya Tele verður samanlíknað við lønina hjá ráðgevum, juristum og øðrum líkn­andi størvum, so er talan um eina góða løn, men tað hevði verið løgið av mær at sagt, at hon er ov høg ella lág. Um hugt verður eftir fyri­tøkuni, hvussu hon klárar seg, og hvat starvið inniber, so er talan um eina góða løn. Vilja fylgja linjuni Ómar Svavarsson væntar eisini, at lønin hjá stjóranum í Føroya Tele fer at samsvara við nýggja eigara­politikkin hjá landinum, ið lands­stýrismaðurin í vinnumálum arbeiðir við í løtuni. - Tað meti eg. Um hon ikki ger tað, so gera vit broytingar. Nýggi politikkurin skal leggjast fyri tingið, og aftaná tað vita vit, hvat politiski viljin er. Men um eg skal saman­bera við aðrar lønir, so haldi eg, at hendan lønin heldur linjuna. Men man veit aldrin við politikki, sigur Ómar Svavarsson. Nevndarformaðurin í Føroya Tele upplýsir eisini, at nevndin og Vinnumálaráðið hava eitt gott sam­starv og verður ráðið regluliga kunnað um roknskap og annað, men at nevndin samstundis fær frið at virka. - Vit hava eitt gott samstarv, og á okkara síðsta fundi nevndi lands­stýrismaðurin, at samgongan hygg­ur at hesum viðurskiftum og ger eitt uppskot til løgtingið. Hann letur nevndina gera sítt arbeiðið, men hevur kunnað okkum um ar­ beiðið, og hvat vit kunna vænta okk­um, sigur nevndarformaðurin. HALLUR@SOSIALURIN.FO HALLUR AV RANA Á yvirlitinum aðrastaðni í blaðnum sæst, at stjórin í Posta telist mill­um teir best løntu stjór­ar­nar í almennu parta­feløg­ unum. Í 2017 fekk stjórin útgoldið 1.428.778 krónur í samsýning fyri sítt arbeiðið. Andras Róin, nevnd­ ar­formaður í Posta, greiðir frá, at løn­in hjá stjóranum er samansett av eini mánaðarligari upphædd og síðani einum avrikissáttmála. - Stjórin á Posta bleiv settur í starv tann 1. juni 2011. Eftir stjóra­ sátt­málanum var  og er fasta mánaðar­lønin framvegis kr. 86.000 + 15 % í eftirløn, og hon er sostatt ikki broytt hesi sjey árini. Umframt hetta hevur stjórin ein bonus – ella avriks­sáttmála, har bonus kann út­ gjaldast alt eftir, hvørji úrslit eru nádd í farna árinum, sigur Andras Róin. Nevndarformaðurin greiðir frá, at avrikssáttmálin er settur upp við seks parametrum, sum kun­nu skifta hvørt ár, og sum kunnu viga ymiskt frá ári til ár. Harímillum eru strategiskt arbeiði, marknaðarstøða, kunda- og starvsfólkanøgdsemi, rokn­ skapar­ligt úrslit o.a., og kann bonus­útgjaldið verða millum 0 krónur og 300.000 krónur. Í ár var bonusútgjaldið 240.000 krónur, og varð tað latið fyri tað arbeiðið, ið hann hevur gjørt fyri at venda tungu gongdini hjá felagnum. - Stjórin hevur, saman við góð­ um starvsfólkum, megnað at flutt Posta, frá at vera eina heldur tunga fyritøku við halli, til tey sein­astu árini at vera ein smidlig og vælvirkandi fyritøka í kapping á flestu økjum og við einum yvirskoti tey seinastu seks árini. Tískil hevur stjórin t.d. fyri árið 2017, fingið eitt bonus sambært avrikssáttmálanum á kr. 240.000 oman á føstu mánaðarlønina, sigur Andras Róin. Er sína løn verdur At stórar broytingar eru framdar í felagnum seinnu árini, er eingin loyna, og sæst tað millum annað aftur, tá hugt verður eftir lønarútreiðslunum hjá felagnum seinnu árini. Í 2006 rindaði Posta 80 milliónir krónur í lønum til 227 starvsfólk. Í 2017 rindaði felagið 52 milliónir í lønum til 115 starvsfólk. Sostatt er starvsfólkahópurin minkaður við einum helmingi, meðan lønarútreiðslurnar eru minkaðar 28 milliónir krónur. Sama tíðarskeið er samsýningin til stjóran hækkað úr 728.000 krónum í 1.428.778 krónur, men nevndarformaðurin vísir á, at samsýningin til stjóran ikki er treytað av, hvussu nógv starvsfólk hann hevur undir sær, men av teimum úrslitum, ið hann veitir. - Ábyrgdin hjá stjóranum er at tryggja so góð úrslit sum gjørligt, og ikki at hava so nógv starvsfólk sum gjørligt. Posta hevur verið ígjøgnum tað, man kann kalla eitt turnaround takkað verið leiðslu og starvsfólki. Umskiftið hevur havt við sær, at undirskot er vent til yvirskot, m.a. við at sølan fyri hvørt ársverk er vaksin úr 600.000 krónum í 2011 í 890.000 krónur í 2017, sigur Andras Róin. Muga virða sáttmálan Lønirnar hjá stjórum í almennum partafeløgum hevur verið í fokus seinastu tíðina og hava politikarar ført fram, at onkrar av lønunum hjá almennum stjórum eru ov høgar. Í løtuni verður eisini arbeitt við einum uppskoti til eigarapolitikk, ið millum annað fer at seta ávísar treytir til, hvussu høgar lønir kunna vera. Andras Róin upplýsir, at tey eru kunnað um hetta arbeiðið og at tað kann vera, at tað fer at broyta lønina, men at onnur atlit eisini spæla inn. - Tað kann hugsast, at lønin broytist. Samstundis má nevndin í P/F Posta hava virðing fyri tí stjórasáttmála, sum í dag er galdandi, sigur Andras Róin. HALLUR@SOSIALURIN.FO LØNIN ÓBROYTT Í SJEY ÁR Trupult at samanlíkna lønina við aðrar