hósdagur 14. juni 2018síða 23

FRÍGGJADAGUR 15. JUNI 2018 SOSIALURIN 67 23 Elementary Netflix Sherlock Holmes hevur verið til avvenjingar í New York, og fyri at stuðla honum eftir viðgerðina, fær ríki pápi hansara fyrrverandi læknan Joan Watson at hjálpa honum í gerandisdegnum fyrstu tíðina. Sherlock Holmes fær fótin inn um hjá løgregluni, sum ráðgevi, og skjótt eru bæði Holmes og Watson drigin inn í morðgátur og onnur onnur brotsverk. Hetta er ein dagførd útgáva av Sherlock Holmes. Partarnir eru stuttir við nógvum óvæntaðum hendingum, og sjálvandi er Holmes tann geniali detektivurin, sum kann uppklára tey mest ótrúligu og fløktu brotsverkini. Stundum tykist tað í so lætt hjá honum, men undirhaldandi er tað. Okkuperet Viaplay Umhvørvisvanlukkur í Noregi gera, at landið gevst at framleiða olju og gass. Tað verður illa upptikið aðrastaðni og hevur við sær, at ES og Russland í duldum parlagi syrgja fyri, at norski forsætisráðharrin verður rændur, og Russland ger eina bleyta innrás í Noregi. Norski rithøvundin Jo Nesbø eigur hugskotið til røðina, sum er tann dýrasta sjónvarpsframleiðslan í Noregi nakrantíð. Heima í Noregi fall áhugin fyri røðini, men eitt nú í USA hevur røðin fingið góð ummæli. Joan Didion – The Center Will Not Hold Netflix Útsjóndin er glitur og glamour, men innaní liggja pínan og trupulleikarnir. Soleiðis lýsir djarva og slóðbrótandi Joan Didion stundum amerikanarar í sínum skaldsøgum og greinum. Moralskar avbjóðingar og mentarligur ruðuleiki ganga eisini aftur í hennara verkum. Joan Didion er 83 ára gomul, og í hesum dokumentarfilmi frá 2017 greiðir hon erligt og herligt frá lísupplivingum og persónligum stríði. Filmurin gevur gott innlit í hennara lív og skaldskap og kann geva tær nakað, sum tú ikki visti, at tú hevði áhuga í ella brúk fyri at vita. Friends From College Netflix Ein vinabólkur frá Harvard lærustovninum roynir at finna gongda leið í gerandisdegnum í New York eftir lidna skúlagongd, men teirra samanfløkta fortíð skapar stundum komiskar støður. Røðin lýsir gamalt vinalag, farin romantisk sambond, nostalgi og vaksna lívið. Ein sesong er framleidd og kann síggjast á Netflix. Onnur sesong verður framleidd, eftir at fyrstu partarnir fingu góða móttøku. TANN LÆTTA Stranger Things Netflix Vit eru í amerikanska býnum Hawkins tíðliga í 1980’unum. Will Bryers verður rændur, og bæði mamman, politiovastin og vinfólkini fara at leita eftir honum. Unga gentan Eleven flýggjar frá einari kanningarstovu og fer at hjálpa vinunum hjá Will at leita eftir honum. Hetta er ein av best umtóktu sjónvarpsrøðunum hjá Netflix og hevur havt við sær, at Netflix hevur fingið nógvar nýggjar brúkarar. Røðin stílar serliga eftir einum yngri hyggjaraskara. TANN ÆVINTÝR­ LIGA TANN ROMANT­ ISKA North Korea – Murder in the Family dr.dk BBC hevur framleitt dokumentarsending um drápið á Kim Jong-Nam, sum var hálvbeiggi norðurkorenska leiðaran. Kim Jong-Nam var dripin á flogvøllinum í Kuala Lumpur av agentum úr Norðurkorea. Sendingin gravar í drápinum og inniheldur nýggjar samrøður við fólk, sum høvdu innlit í familjustríðið millum hálvbeiggjarnar, og hví tað var neyðugt at gera enda á Kim Jong-Nam. Sendingin er tøk á heimasíðuni hjá DR. TANN GRAVANDI TANN UPPLÝS­ ANDI TANN SPENNANDI