hósdagur 5. juli 2018síða 6

FRÍGGJADAGUR 6. JULI 2018 SOSIALURIN 76 6 HALLUR AV RANA F lestu føroyingar kenna hansara rødd og lurta við andakt hvønn mána­ morgun, tá ið hann lesur veður­vánirnar fyri komandi viku í send­ingini Góðan Morgun Føroyar í Kringvarpi Føroya. Serliga eru tað hansara stuttligar søgur um veðurtekin, ið hava fangað áhugan hjá føroyingum og sum ger at hann skilur seg frá øðrum monnum og kvinn­um, ið váða sær at spáa um endaleysa samtaluevnið hjá føroyingum, tað óstøðuga føroyska veðrið. Tað er skjótt eitt ár síðan, at røddin hjá 73 ára gamli Petur Hans Dahl, fyrrverandi lærara á Vinnu­ háskúlanum og sjómaður, fyrstu ferð smoygdi seg gjøgnum út­varps­ tól­ini inn í heimini og bilarnar hjá føroyingum fyri at greiða frá veðri­ num næstu dagarnar. - Starvsfólkini í Góðan Morgun Før­oyar vildu gjarna hava onkran, ið kundi siga frá hvussu veðrið fór at vera og spurdu fleiri persónar, ið av ymiskum ávum bórust undan. Onkur teirra vísti til mín, men tá eg bleiv spurdur bað eg um umhugsunartíð. Men longu tveir tímar seinni ringdi eg aftur og játtaði at gera veðurtíðindini, sigur Petur Hans Dahl, tá hann skal greiða frá hvussu hann gjørdist veður­maður í Kringvarpi Føroya. Toran argaði Fyrstu ferð Petur Hans Dahl var at hoyra í GMF var fyrst í september mánað 2017 og hevur hann síðan verið at hoyra hvønn mánamorgun. Tað vil siga hvønn mánamorgun uttan ta einu ferðina, tá eitt veður­ fyri­brigdi forðaði honum at koma ígjøgnum til studio. - Eg og konan vóru í Esbjerg í mai mánað og ferðaðust. Júst tann mánamorgunin gekk toran nakað so nógv og sló niður í eitt tele­fon­torn, ið gjørdi at eg varð uttan samband. Tað er einasti mána­morgun, ið eg ikki hava lisið veður­tíðindini, men blivu tey í staðin lisin týsmorgun, minnist Petur Hans Dahl aftur á. Annars hevur tað slett ikki verið nakar trupulleiki at ferðast hóast hann hevur eina bundna uppgávu hvønn mánamorgun. Tað er so lætt at sleppa framat veðurkortum í dag, at tað ger ongan mun, um hann stendur á brúnni í Norrøni, í einum býi í Póllandi ella í studionum í Sortu­díki. - Alt letur seg gera í dag. Í oktober mánað var eg í Póllandi og læs veðrið upp frá hotellkamarinum hjá mær. Tá boðaði eg lurtarunum frá, at hóast eg sat í hotellkamari í Pól­landi í fínasta veðrið, so skuldu tey ikki verða snýtt fyri veðrinum í Før­oyum, sigur Petur Hans Dahl við einum smíli. Gamla telefonin Einasta forðingin fyri at lesa veðrið hesa tíðina hevur verið gamla far­ tele­fonin hjá Petur Hans Dahl, ið ikki altíð hevur so gott samband. Ein loysn bleiv tó skjótt funnið á tí. - At byrja við gjørdu vit veður­ tíð­indini gjøgnum telefonina, men eg eri nokk so gamaldags og havi ikki nakra nýggja flotta iPhone. So fyri at betra góðskuna, so spurdu teir meg, um eg ikki heldur kundi koma oman í studio. Eg havi ikki tað stóra at spekulera um longur, so tað var eingin trupulleiki, sigur Petur Hans Dahl. Síðan hann er farin at lesa SKRIVAÐ DAGBÓK SÍÐAN EG VAR SMÁDRONGUR - Tað eru øgiliga nógv fólk, ið lurta eftir tí. Eg kann næstan ikki longur fara út um eina hurð, uttan at fólk koma yvir til mín. Um eg fari í Keypssamtøkuni í Hoyvík, oman í SMS ella onkra heilt aðrastaðni í býnum, so koma fólk til mín at tosa um tað, ið eg havi sagt. Tað eru serliga veðurtekinini, ið eg altíð endi við, ið fólk fegin vilja tosa um. Tað sigur Petur Hans Dahl, ið síðsta árið er vorðin kendur millum føroyingar sum veðurmaður í Góðan Morgun Føroyar Petur Hans Dahl: PERSÓNSSØGA: Petur Hans Dahl