hósdagur 5. juli 2018síða 16

FRÍGGJADAGUR 6. JULI 2018 SOSIALURIN 76 16 PERSÓNSSØGA - At man nú er farin at krevja gjald fyri at ganga í náttúruni, er tí, man merkir, at fleiri fólk ganga úti í nátturuni, og at tað er komið eitt ávíst slit upp á hagan. Men eg haldi, tað eru fleiri føroyingar enn útlendingar, ið slíta hagarnar. Føroyingar eru farnir at ferðast øgiliga nógv í egnum landi, sigur Theresa Turidardóttir Kreutzmann, ið hevur drúgvar royndir úr ferðavinnuni Hallur av Rana hallur@sosialurin.fo Eftir at hava staðið á odda fyri Visit Tórshavn sjey tey seinastu ár­ini, takkar Theresa Turidardóttir Kreutz­mann 1. august fyri seg sum oddakvinna fyri ferðavinnuni í høvuðs­staðnum. Tað er ikki at taka ov rívan til, um sagt verður, at hesi sjey árini hev­ur føroyska ferðavinnan havt stór­an vøkstur á flest øllum økjum, og møguleikarnir innan vinnuna tykj­ast í hesum døgum bara at vera av­markaðir av eins egna hugflogi. Tí kemur tað neyvan óvæntað á nakran, at hóast Theresa Turid­ar­ dóttir Kreutzmann leggur frá sær í leiðslu­sessinum í Visit Tórshavn, so hevur hon ongar ætlanir um at gev­ast í blomstrandi ferðavinnuni enn. Saman við Ingibjørg Berg, fyrr­verandi kommunustjóri í Tórs­havnar kommunu, hevur hon stovnað felagið CommIT, ið mill­ um annað bjóðar sær at ráð­geva komm­unum í sambandi við menn­ ing av ferðavinnuni, og hev­ur felagið seinastu mánaðirnar verið frammi í sambandi við eina verk­ ætl­an at menna ferðavinnuna í Suð­ur­oynni. Mugu taka støðu Hugskotið til at byrja egið ráð­ gev­aravirki innan ferðavinnuna kom í kjalarvørrinum á álitinum hjá einum arbeiðsbólki hjá lands­ stýr­inum, ið skuldi orða, hvussu ferða­vinnan skuldi skipast í Før­oyum. Tað endaði við, at ein menningardeild bleiv sett á stovn undir Visit Faroe Islands, men samstundis bleiv staðfest, at innanlandsmenningin er ein komm­unal uppgáva. - Tað ger tað lættari at arbeiða inn­an ferðavinnuna, tí áður var tað ein grásona, hvar ábyrgdin fyri innanlandsmenningini lá. Nú vita fólk innan vinnuna, at tað eru komm­unurnar, ið man skal venda sær til, sigur Theresa Turidardóttir Kreutz­mann. Nýggja ábyrgardarbýtið millum land og kommunur merkir sostatt, at tað er hvør einstøk kommuna, ið skal taka støðu til, hvat verður gjørt við ferðavinnuna í teirra øki. Tað verða tær, ið avgera, um man skal satsa meira upp á ferðavinnuna ella bara lata standa til. - Um man vil gera meira við ferðavinnuna, so má man hyggja eftir hvat økið hevur at bjóða, og hvat kommunan kann blíva betri til. Har var Tvøroyri komm­ una framsøkin og avgjørdi, at hon gjarna vildi gera meira við ferða­ vinn­una. Soleiðis kom okkara sam­ starv í lag. Eitt samstarv sum seinni hev­ur ment seg til at fevna um alla oynna, sigur Theresa Turidardóttir Kreutz­mann. Ikki íslendskir tilstandir Javnan hoyrast tíðindi ymsastaðni úr Evropa um býir og økir, ið eru um at drukna í ferðafólki og av tí sama ynskja tey, har piparið grør. Barce­lona, Venedig, Isle of Skye, Dubr­ovnik, Lofoten, Mallorka og San Sebastian eru millum støð­ini, har tosað nú verður um, at ferða­ fólka­trýstið er ov stórt. - Vit eru ikki nær námind tí, ið vit megna at taka móti. Vit kunna taka móti nógv fleiri ferðafólkum. Tað er skeivt at tosa um íslendskar tilstandir í Føroyum. KUNN FLEIRI