týsdagur 10. juli 2018síða 23

23 Mánadagur 6. januar 2014 · Nr. 2 Sosialurin Mikudagur 11. juli 2018 · Nr. 78 Hugskot og viðmerkingar – send sms til 225000 FÓTBÓLTUR Í kríggj við UEFA: KÍ NOKTAÐI AT SPÆLA Á TÓRSVØLLI Tróndur Arge Tað bleiv brádliga trongt í Gunda­ dali, tá SAS-flúgvarin við hópinum hjá litaviska mótstøðuliðnum hjá KÍ, Zalgiris, ikki lendi í gjár. Evro­ pes­iska fótbóltssamgongan, UEFA, valdi tí at flyta dystin til í dag. Hann skuldi upprunaliga verða spældur týsdagin klokkan 17. UEFA hevur sambært egnari reglu­gerð, til eina og hvørja tíð loyvi at flyta ein dyst eitt samdøgur. Tá SAS avlýsti flúgvaran mánadagin seinna­partin, og hópurin hjá Zal­ giris tískyld ikki lendir í Føroyum 24 tímar áðrenn dyst, so valdi UEFA umboðsmaðurin at flyta dystin. Rokið um Tórsvølli Tað er ikki púra óvanligt fyri okk­ um í Føroyum, at ein dystur av og á verður fluttur, men tað er heldur óvan­ligt í samband við dystir í Evropa. Tað skuldi verið líka til at flutt ein dyst eitt samdøgur, men orsaka av, at B36 skal spæla móti OFK Titograd hósdagin, so íkomu ávísir trupulleikar. Eitt nú skal liðið úr Montenegro venja á Ovara vølli í Gundadali kvøldið undan dystinum. Tí renna dyst­urin millum KÍ og Zalgiris saman við ásettu venjingina hjá OFK Titograd. Uppskotið hjá UEFA um­boði­ num var tí, at KÍ skal spæla sín dyst á Tórsvølli. KÍ hevur neyvt valt Ovara vøll í Gundadali sum heima­ vøll, nú liðið ikki kann spæla sínar evropesisku dystir í Klaksvík. Tí passaði tað als ikki KÍ, at teir skulu flyta “heimavøll” til Tórsvøll. Tað eru nakrar orsøkir at venjar­ in hjá KÍ, Mikkjal Thomassen, hevur Ovara vøll í Gundadali sum evro­ pes­iskan heimavøll. Millum annað er vøllurin tann minsti av Tórs­ vølli, Svangaskarði og Ovara vølli í Gundadali. Hartil hava fleiri av spælarunum hjá KÍ nógvar royndir á vøllinum og umstøðurnar geva KÍ-áskoðarunum góðar umstøður at stuðla liðnum. Hesum legði umboðsmaðurin hjá UEFA lítið í. Hann vildi hava, at dyst­urin bleiv fluttur á Tórsvølli. Nakað sum leiðslan í KÍ als ikki vildi ganga við til. -Vit hava valt Ovara vøll sum okkara heimavøll og har vilja vit spæla okkara dyst, sigur Tummas Ler­vig, formaður hjá KÍ. Tað endaði við, at leiðslan í KÍ fekk serkøna hjálp, sum kunnu tryggja teimum, at dysturin verður spæld­ur á Ovara vølli. Beint áðrenn blaðið fór til prentingar lendið hópurin hjá Zalgiris, 27 tímar undan dystar­byrjan. Broytingar í KÍ Í farnu viku gjørdist greitt, at Marko Dusak gevst í KÍ. Kroatiski mið­ verjin hevði í eina tíð eitt ynski um, at sleppa aftur familjuna í heim­landinum. Nú hevur KÍ fingið ein avloysara fyri marko Dusak, skrivar Norðlýsið. Talan er um 32 ára gamla Pre­drag Pocuca, sum somuleiðis frá Kroa­ tia. Hann er 32 ára gamal, 1,87 metur høgur og spælir í miðverjuni. Seinastu tíðina hevur hann spælt í næstbestu deildini í Serbia, skrivar Norðlýsið. Sáttmálin er fyribils gald­andi fyri restina av hesum kapp­ingar­ ári­num og komandi kappingarári. Mett verður tó ikki, at hann verður tøkur til Europa League dystirnar móti Zalgiris úr Litava. Týskvøldið skal KÍ spæla móti Zalgiris í Gunda­ dali. Norðlýsið skrivar eisini, at fleiri ivamál eru í hópinum hjá KÍ. Eitt nú er ivsamt um Semir Hadzibulic, Jóannes Bjartalíð og Deni Pavlovic verða tøkir. B36 eisini í trupulleikum B36 var eisini í trupulleikum, tá liðið skuldi ferðast til Gibraltar í sam­band við seinna dystin móti St Joseph’s. Tá kom liðið avstað ein dag ov seint, umframt at gistast mátti í Danmark á vegnum. Tá var talan um somu trupulleikar við at SAS ikki lendir. Fyri B36 kemur væl við, at Michal Przybylski verður tøkur til dystin hósdagin. Hann er leigaður úr polskum fótbólti, men kundi ikki inn­limast í Europa League hópin til dystin í Gibraltar. Líkt er til, at Andrias H. Eriksen er ivasamur, meðan Hannes Agnarsson helst fekk eina fibur í tí dystinum. So helst spælir hann ikki. Hósadgin spælir NSÍ eisini í Skot­landi móti Hibs. trondur@sosialurin.fo Europeiskir dystir hesa vikuna við føroyskari luttøku: Týskvøldið 10. juni: Svangaskarð: Víkingur-HJK Helsinki (Finnland) 19:00 Champions League (Beinleiðis á FM1) Mikudagin 11.juni: Gundadalur: KÍ-Zalgiris (Litava) 17:00 Europa League (Beinleiðis á FM1) Hóskvøldið 12.juni: Lahti: FC Lahti (Finnland)-FH (Ísland) 17:00 Europa League Gundadalur: B36-OFK Titograd (Montenegro) 19:00 Europa League (Beinleiðis á FM1) Vestmannaoyggjar: ÍBV (Ísland)-Sarpsborg (Noreg) 19:00 Europa League Edinburgh: Hibernian (Skotland)-NSÍ 19:45 Europa League Rættiligt rok tók seg upp í Gundadali í gjár, tá leiðslan hjá KÍ noktaði at spæla á Tórsvølli, eftir at SAS avlýsti flúgvaran við hópinum hjá Zalgiris. Dysturin er fluttur, men verður spælur á Ovara vølli í Gundadali