hósdagur 12. juli 2018síða 17

FRÍGGJADAGUR 13. JULI 2018 SOSIALURIN 79 17 Eitt, mann leggur merki til, tá mann ferðast gjøgnum Tvøroyri nú, er, at fólk steðga upp fyri at hyggja, tá tey koma framvið gøtulistini. Sunn­ iva G. Mortensen heldur, at hetta vís­ir, hvørja ávirkan listin hevur og kann fáa á fólk. - Fólk geva sær veruliga tíð at líta á og hugsa um listina og býarmyndina, sig­ur hon. Listafólkini trivust væl á Tvøroyri Tey sjey listafólkini hava hildið til á gist­ing­arhúsi á Tvøroyri teir 3-4 dag­ ar­nar, tey hava verið í gongd. Har vóru fýra føroysk og trý útlendsk. Fyri­reik­ararnir av Litbrá hava gjørt sítt til, at tey skuldu hugna sær. Tey fingu heimagjørdan føroyskan mat, og eisini fingu tey nátturða hjá Café Mor­mor. Tann eina dagin forðaði regnið teimum í at arbeiða, so tá fóru tey ein túr til Fámjins at síggja fyrsta føroyska flaggið, og eisini vitjaðu tey Ruth Smith savnið í Vági. Útlendsku listafólkini vóru sambært Sunnivu G. Mort­ensen glað fyri, at tey eisini fingu nakað av føroyskari mentan við. Tá mann ger veggjalist, er mann ikki sjálvur harri yvir umstøðunum. Støða má takast til veðrið, tí um tað regnar, áðrenn málingin er tornað, so rennur hon av. Tí máttu fyrireikararnir halda eyga við veð­ ur­for­søgn­unum. - Tað var eitt sindur torført, tí veð­ urf­orsøgnirnar søgdu, tað fór at blíva gott veður, men tað bleiv tað so ikki allíkavæl. Vit vóru allatíðina upp­á vakt fyri at vita, hvussu veðrið fór at vera. Mann kann ikki líta á veð­ur­ for­søgnirnar, tí mann skal helst vera lið­ug­ur við at mála, áðrenn tað fer at regna, sigur Sunniva G. Mortensen. Íblástur úr Suðuramerika Gøtulist fevnir øgiliga breitt og er at finna runt allan heimin. Sunniva hev­ ur ferðast nógv í Kolumbia, og luttók ein­a­ferð í einum tiltaki við veggjalist. Henni dámdi hetta so mikið væl, at hon vildi sleppa at gera nakað líkn­ andi í heimstaði sínum, Tvøroyri. Sunniva G. Mortensen er út­búgv­ in fólkalívsfrøðingur og hevur tí stór­ an áhuga fyri lokalari mentan og siði. Henni dámar væl at arbeiða við sos­i­ alum samanhaldi og at fáa íbúgvar og tað almenna at samstarva, so gøtulist var upplagt hjá henni at fara í holt við. - Eg fór gongutúr gjøgnum Tvør­ oyri fleiri ferðir, og eg sat enntá og hugdi í Google Maps, tá eg ikki var heima. So skrivaði eg mær nakrar vegg­ir niður, har tað hevði riggað væl at gjørt okkurt. Har hugdu vit eftir kon­tekst­i­num; hvar stóu teir, og hvør ferð­aðist framvið vegginum. Tey spurdu kommununa, hvør átti veggirnar, og tað vísti seg, at allir vóru almennir uttan tveir, sum priv­ atu eigararnir góvu teimum loyvi at brúka. Kommunan var eisini við upp­ á hugskotið. Tað var meiningin, at listagonga og fernisering skuldi vera á ment­an­ arnáttini 6. juli. Men vegna serligar um­støð­ur varð mentanarnáttin av­ lýst, og tí eru listagongan og fern­i­ ser­ingin útsettar til seinni í summar. List­a­gongan verður ein gongutúrur, har steðgað verður við øll verkini fyri at hoyra um og skifta orð um tey. FINGIÐ FLEIRI LITIR