mánadagur 16. juli 2018síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 16. juli 2018 · Nr. 80 POLITIKKUR Stovna nýggjan flokk til næsta løgtingsval NÝGGJUR FLOKKUR Flokkurin er ikki politiskur í vanligum týdningi, men hevur bara eitt einasta endamál Áki Bertholdsen Tað er nógv, sum bendir á, at tá ið løgtingsval verður aftur, fáa vit ein flokk afturat at velja ímillum. Løgtingsval verður aftur í sein­asta lagi 31. august næsta ár, og nú er farið und­ir at savna tær neyðugu undir­ skrift­irnar, sum skulu til, fyri at sleppa at stilla upp við einum nýggjum flokki. Talan er ikki um ein pol­ itiskan flokk í orðsins van­ liga týdningi, tí flokkurin hev­ur bara eitt einasta mál á dags­skránni. Og tað er at kannabis skal lógligt í Føroyum. Áhugafelagið, sum hevur tikið stig til nýggja flokkin, kall­ar seg »Framtakið fyri rætt­inum at velja kannabis« Fyri at kunna stilla upp til løg­tingsval, skulu tey hava 800 und­ir­skriftir frá velj­ar­ um, sum taka undir við, at tey stilla upp. Stigtakararnir siga, at hig­artil hava teir fingið upp ímóti 150 und­ir­skriftir, men tað er ikki fyrr enn nú, at tey rættiliga eru farin und­ir arbeiðið at savna inn und­ ir­skriftir. Fyrsta til­takið í hesum sambandi var á Pubbini á Tvøroyri leyg­ar­ dag­in, har tey eisini fingu nøkur fólk at skriva undir. Nú ætla tey sær at ferðast kring landið at savna inn und­irskriftir og ætlamin er eis­ini at fara á Tórsfest, og kanska eisini á onnur tiltøk, har nógv fólk er savnað, at fáa fólk at skriva undir upp á, at tey kunnu stilla upp. –  Tey, sum skriva undir, váttað einans, at vit skulu fáa rætt til at stilla upp, legg­ur stigtakarin til nýggja flokk­in, Hallur Hjal­gríms­son Djurhuus. –  Tey skriva sostatt ikki und­ir upp á, at tey eisini skulu velja okk­um, leggur hann afturat. Og hann er rættiliga bjart­ skygd­ur, tí hann heldur ikki, at tað er heilt veruleikafjart, at tey fara at fáa tvey umboð á Føroya Løgting, tí tað er hjá rættiliga nógvum fólkum, at tað er eitt hjartamál, at kannabis skal vera lógligt í Føroyum. Sjálvur ætlar Hallur Hjal­ gríms­son Djurhuus sær at stilla upp fyri nýggja flokk­ in, og nógv bendir á, at eitt annað valevni verður Arn­ finn á Birtuni, sum í nógv ár hevur verið heitur talsmaður fyri at gera kannabis lógligt í Føroyum. Hava bara eitt endamál Hallur Hjalgrímsson Djur­ huus sig­ur, at talan er um ein flokk, sum ikki hevur eitt politiskt endamál í van­ligum týdningi. –  Vit fara til val upp á eitt einasta mál, og tað er at kanna­bis skal vera lógligt í Før­oyum, sigur hann. Hann leggur afturat, at í øllum øðrum, politiskum mál­um, verður støða tikin frá máli til mál. Men Hallur Hjalgrímsson Djur­huus leggur dent á, at tá ið tey tosa um at kannabis skal vera lógligt, merkir tað ikki, at endamálið er at tað skal fáast til keyps á hvørj­ um horni. – Vit hugsa fyrst og fremst um, at tað skal vera púra lóg­ligt hjá sjúklingum at fáa kannabis til medisinska nýtslu, sigur hann. Hann tvíheldur um, at tað er skeivt, tá ið læknar og onnur, føra fram, at tað ber til at fáa kannabis til medis­ inska nýtslu í Før­oy­um. –  Í heilt ávísum førum ber tað til at fáa heilivág við einstøkum úrdráttum úr kannabis í, men tað er ikki nøktandi eftir okkara tykki, tí tað eru yvir 100 evni í kannabis, og tað eru øll evnini í kannabis, sum til­ sam­ans geva tann linnandi virkn­aðin, sigur hann. Hann leggur afturat, at fólk skulu endiliga ikki trúgva honum treyta­leyst, men hann heitir tvørt­ur ímóti á fólk um at leita á int­ er­net­inum eftir tilfari um kanna­bis sum heilivág, tí so kunnu tey gera sínar egnu niður­støður. – Men eitt, sum aftur og aftur verð­ur ført fram um kannabis, er, at tað er ikki ganskað nógv væl. Hetta er beinleiðis skeivt, tí kanna­bis er granskað í áratíggjur og í roynd og veru eru tað ikki nógv evni, sum eru so væl granskað um nettupp kanna­ bis. Serliga í Ísrael hava tey gingið undan á hesum øki í áratíggjur, leggur hann aft­ urat. – Og tað hevur avgerandi týdn­ing, at eisini vit fáa um­boð á Føroya Løg­tingi, so at vit fáa sett kannabis á pol­itisku dagsskránna, á jøvn­um føti við fiskivinnu, samferðslu, og øll onnur mál, sig­ur stigtakarin til nýggja flokkin. Kannabis til fólkið Hallur Hjalgrímsson Djur­ huus stað­festur kortini, at hó­ast tey fyrst og fremst hugsa um at gera tað lóg­ligt at at fáa kannabis til medis­ inska nýtslu, er tað – í longd­ ini – eisini enda­málið at virka fyri, at kannabis verð­ ur lógligt, sum so. – Men tað skal vera undir eftir­litið. Vit halda framvegis ikki, at tað skal vera loyvt at selja hassj á hvørjum geilar­ horni, men vit halda, at fólk skulu skulu sleppa at hava sínar egnu kannabis-plantur til egið brúk, sigur hann. Hann heldur eisini, at sum frá­líður eigur kannabis eisini at verða at fáa í úrvaldum handlum, kanska á apotekinum og í Rúsuni. Arnfinn á Birtuni, sum eisini var við í átakinum, sigur, at ein stór­ur trupulleiki við svarta kanna­ bis marknaðinum er, at ong­ in vørulýsing er á tí. Verður tað hinvegin selt undir skipaðum við­ur­skiftum, hava vit trygd fyri at vør­an er í lagi. –  Okkara endamál er at gera kanna­bis lógligt í Føroyum og at taka avgerðarrættin yvir kanna­bis­plant­uni úr hondunum á pol­itik­ arunum, landslæknanum og lands­apotek­arunum, og leggja hana í hend­urnar á fólkinum, sigur Hallur Hjal­ grímsson Djurhuus. Hallur Hjalgrímsson Djurhuus, vinstrumegin, er stigtakari til nýggja flokkin, sum hevur eitt einasta endamál og hann ætlar sær sjálvur at stilla upp. Arnfinn á Birtuni, høgrumegin, verður væntandi eisini eitt av valevnunum Leys størv á Landssjúkrahúsinum 5 KBU størv Umsóknarfreist 25. juli 2018 Sjúkrarøktarfrøðingar og heilsurøktarar til Psykiatrisku deild Umsóknarfreist 23. Juli 2018 Sjúkralingasamskipari til Uttanlandstænastuna Umsóknarfreist 19. Juli 2018 Sjúkrarøktarfrøðingur til B6 Umsóknarfreist 23. Juli 2018 Fysioterapeutur til Fysioterapideildina Umsóknarfreist 23. Juli 2018 Kliniskur útbúgvingarsamskipari til sjúkrarøktarfrøðilesandi í sjúkrahúsverkinum Umsóknarfreist 22. Juli 2018 Sjúkrarøktarfrøðingur til reumatologiskt ambulatorium. Umsóknarfreist 25. Juli 2018 Ljósmóðir til Føðideildina Umsóknarfreist 27. Juli 2018 Starvsfólk til Kafeina Umsóknarfreist 31. Juli 2018 Læknarskrivarar til Skurðdepilin Umsóknarfreist 26. Juli 2018 Les meira og sí fleiri størv á www.ls.fo