mánadagur 16. juli 2018síða 4

Mánadagur 16. juli 2018 · Nr. 80 4 Sosialurin Hugskot og viðmerkingar – send sms til 225000 Mildrið Jacobsen mildrid@sosialurin.fo – Tað hevur øgiliga nógv við álit at gera. Um eg hevði byrjað at iv­ ast, so hevði tað als ikki borið til, sig­ur 49 ára gamli Uni Rasmussen, sum gjørdist blindur eftir eina ferðslu­vanlukku í 1990, og nú hev­ur súkklað til París saman við 48 øðr­ um súkklarum á føroyska Rynke­ by-liðn­um. – Eg mátti hava fult álit á tí, sum eg fekk boð um at gera. Eg var næst­an sum ein robottur, sigur Uni, sum súkklaði á einari tvísúkklu sam­an við Henrik Kølleskov og Mariu Svabo Hansen, ið bæði hava súkklað til París við Rynkeby fleiri ferðir. Tey bæði skiftust um at súkkla saman við Una á tví­súkkl­ uni. Uni greiðir frá, at tað er alneyð­ ugt við góðum samstarvi millum báðar súkklararnar á tvísúkkluni, tí pedalurnar fylgjast. – Tann, sum situr frammanfyri, sigur, hvat skal gerast og nær. Tað er nógv, sum skal venjast at byrja við, og vit máttu samskifta nógv. Men so við og við lærdi eg at kenna, hvat hendi við súkkluni, og hvat tey ætlaðu, og tað var skjótt, at vit fingu tað at rigga, sigur Uni, sum hevði súkklað nógv saman við Henrik Kølleskov og Mariu Svabo Hansen í Føroyum, áðrenn ferðin til París byrjaði síðst í juni mánaði. Kendi seg tryggan Uni Rasmussen greiðir frá, at um­ framt gott samstarv á súkkluni, so er tað eisini neyðugt at samskifta alla tíðina. – Súkklurnar súkkla so tætt, og tí hevur balansan stóran týdn­ing. Tá koyrt verður gjøgnum stór­ar býir við nógvari ferðslu og ferðslu­ ljós­um, mugu báðir súkkl­ar­arnir eis­ini reagera skjótt og samstundis, og tí má samskiftið millum okkum á tvísúkkluni eisini vera skjótt og gott, sigur Uni Rasmussen, sum ikki kendi tað ótrygt at lata all­ar avgerðir á súkkluni upp í hend­ur­ nar á øðrum. – Eg helt tað vera spennandi at vita, hvussu tað riggaði, tá vit vóru inni í býum við nógvari ferðslu. Tað var spennandi at vita, um ein klár­aði at reagera nóg skjótt og á rættan máta. Og tað gekk ordiliga væl. Vit duttu ongantíð, sigur Uni, sum ongantíð hevur verið bangin av sær, og sum dámar væl at seta sær sjálvum nýggj mál. – Tað hevur altíð ligið til mín at líta á hini, og eg eri ikki bangin av mær. Um eg ikki hevði havt álit á teimum rundan um meg, so hevði tað verið vónleyst, sigur Uni Rasmussen, hvørs kona Emma var við á tænastuliðnum hjá Rynkeby. – Hon var eisini við fyri at taka sær av mær um kvøldið, tá súkkl­ ing­in var liðug. Tað hevði eisini riggað, um hon ikki var við, men tað, at hon kundi hjálpa mær, var ein partur av tí, at hon kom við til París, greiðir Uni frá. Dámar væl avbjóðingar Uni, sum gjørdist blindur, tá hann var 21 ára gamal, dámar væl at venja. Hann hevur renniband og rógvi­maskinu, sum hann brúkar javn­an heima við hús í Norðagøtu. Hann gongur eisini nógv og er ofta gongutúrar millum bygdir við før­ ara­hundi sínum. Harumframt súkklaði hann nógv, áðrenn Rynkeby-liðið fór av­ stað, so hann var væl fyri, tá ferðin til París byrjaði. Hann hevði heldur ong­ar trupulleikar at súkkla teir knapp­liga 1400 kilometrarnar til franska høvuðsstaðin. – Tað var als ongin trupulleiki hjá mær at orka at súkkla teinin. Eg var sjálvandi troyttur, tá súkklingin var liðug, men eg var líka væl fyri sum nógv av hinum, sigur Uni Ras­ mus­sen, sum søkti um at sleppa við á før­oyska Rynkeby-liðið, tí honum dámar sera væl at geva sær sjálvum av­bjóðingar. Góð kensla – Hendan ferðin hevur ment meg nógv, og tað kennist øgiliga gott at hava súkklað við Rynkeby til París. – Ítróttarliga eri eg mentur, og tað hevur eisini ment meg sosialt at vera í einum sovorðnum bólki við so nógvum ymiskum fólkum, sig­ur Uni Rasmussen, sum heldur tað vera ómetaliga spennandi at vera partur av einum slíkum felags­ skapi. – Fólk eru so ymisk. Og ein lærir nógv um onnur og seg sjálvan, tá ein livir so tætt saman við øðrum alla tíðina, sigur Uni, sum eisini heldur, at tað var eitt sera gott upp­ livilsi at vera úti í náttúruni. – Tú upplivir náttúruna nógv tætt­ari, tá tú súkklar, og tú upplivir so nógv meira á súkkluni enn um tú til dømis koyrir í bili suðureftir. Bara luktirnir og ljóðini og so eisini brekkur og hæddir, sum kennast heilt øðrvísi á súkklu enn í einum bili, sigur Uni. – Viðhvørt gav súkklarin framm­ an­fyri sær eisini stundir til at greiða frá, hvat hann sá, og hvat var fyri framman, sigur Uni, hvørs UNI RASMUSSEN – Eg mátti líta fult og fast á tað, sum tann frammanfyri segði, at eg skuldi gera. Tað hevði verið vónleyst, um eg ikki hevði havt fult álit á teimum rundan um meg. Tað sigur blindi søldfirðingurin Uni Rasmussen, sum var við á føroyska Rynkeby-liðnum, ið súkklaði til París fyrr í hesum mánaðinum. Hann heldur, at ferðin til franska høvuðsstaðin hevur ment hann og lært hann nógv bæði um onnur og seg sjálvan Team Rynkeby Føroyar Føroyska Rynkeby-liðið varð sett á stovn í 2013. Árið eftir súkklaði fyrsta føroyska liðið til París, og síðani hava føroysk Rynkeby-lið súkklað til París á hvørjum ári. 49 súkklarar og 11 hjálparfólk vóru við í ferðalagnum hjá Team Rynkeby Føroyum í ár. Team Rynkeby Føroyar hevur savnað meira enn fýra milliónir krónur, sum eru farnar í ein grunn, sum Krabbameinsfelagið umsitur. Peningurin kann bara brúkast til at hjálpa børnum við lívshættisligum sjúkum og familjum teirra. 80 prosent fara til gransking, og 20 prosent til at hjálpa børnum og familjum teirra við einum hvørjum, ið tey kunnu hava tørv á. Team Rynkeby Team Rynkeby er eitt vælgerðarsúkklulið, sum á hvørjum ári súkklar til París fyri at savna pening til børn við lívshættisligum sjúkum og til familjur teirra. Team Rynkeby varð stovnað í 2002. Team Rynkeby fevnir nú um 1.900 súkklarar og 458 hjálparfólk á 48 liðnum úr Føroyum, Danmark, Svøríki, Finnlandi, Noregi og Íslandi. Team Rynkeby hevur savnað slakar 275 milliónir krónur til norðurlendskar felagsskapir, ið hjálpa børnum við lívshættisligum sjúkum. VÓNLEYST UTTA