mánadagur 16. juli 2018síða 8

Mánadagur 16. juli 2018 · Nr. 80 8 Sosialurin Hugskot og viðmerkingar – send sms til 225000 Mikudagin hin 18. juli fyllir Poul Olsen í Vági 100 ár. Føðingardagurin verður hildin við móttøku á Hamragarði í Vági frá klokkan 14-18. Svartbakur dregur fuglin av rókini og rænir eggið - Myndin av svartbakinum sum dregur lomvigan út av eggini og síðan rænir eggið, sigur alt, og vit menniskju hava í slíkum føri onga ávirkan ella ræði á, hvussu náttúran háttar sær, sigur Sjúrður í Koltri í forvitnisligari eygleiðing í Lonini herfyri Vilmund Jacobsen Sjúrður Joensen, róptur Sjúrður í Koltri, hevur aftur saman við øðrum verið niðri í Lonini í Sandoynni og hugt eftir, hvussu til stendur við lomviganum. Dagurin hesaferð var hin 12. juli. Fyrr í summar vóru teir eis­ ini niðri í Lonini og hugdu at um­ støðunum. - Lonin er eitt av teimum stóru bjørgunum vestan fyri á Sand­ oynni, har eitt stórt tal av fugla­ meingi heldur til, eitt nú lomvigi, álka, lundi og havhestur. Eftir fyrra av nevndu túrum í Lonini, segði Sjúrður í Koltri so­ leiðis: - Vit, sum síga og ganga í bakk­ anum, kenna bjørgini og staðið. Vit, sum hava áhuga fyri hesi 1000 ára gomlu veiðimentan, fegnast um tað fuglalív, sum her er, og vit fegnast ikki minst um, at talið av lom­vigareggum og pisum aftur hev­ur verið veksandi hesi seinastu 3-4 árini. Sjúrður í Koltri legði aftrat, at tað uttan iva er meira føði í hav­ in­um – og at fuglinum ikki nýtist at fara so langt eftir føðini - sum ger, at sjófuglurin nú aftur tykist nørast í tali. Hann sigur seg fegnast um hesa gongd, soleiðis at tað vónandi aftur verður grundarlag fyri at søkja fuglin í bjørgunum. Nú teir vóru niðri aftur í Lonini beint fyri hálvan juli, heldur Sjúrð­ ur í Koltri fyri, at her stendrur betri til, enn tað hevur gjørt seinastu 3-4 undanfarnu árini. - Her eru pisur, men verri enn so alt er útkomið. Her vantar ein góð vika, so er alt brostið fyri nev. Forvitnislig eygleiðing Í sínari eygleiðing í Lonini henda dagin vísir Sjúrður í Koltri á eina hending, har ein stórur svartbakur við nevinum tekur í veingin og hálar ein lomviga av rókini og síðan rænir eggið. Samstundis vísir hann á, hvussu náttúran er bygd upp, har lomvigin, sum soleiðis missur eggið, verpur uppaftur, tá tað fyrsta eggið er rænt. - Myndin av svartbakinum sum dregur lomvigan út av eggini og síðan rænir eggið, sigur alt, og vit menniskju hava í slíkum føri onga ávirkan ella ræði á, hvussu nátt­ úr­an háttar sær, leggur Sjúrður í Koltri aftrat í hansara forvitnisligu eygleiðing í Lonini henda dagin. Gevst nú hjá kommununi Vilmund Jacobsen Roddmar Næs, ið hev­ur starv­ ast sum arbeiðs­mað­ur  sein­ astu 19 árini, fyrst hjá Leir­víkar komm­unu og síðan hjá Eyst­ ur­komm­unu, hevur nú valt at gevast í starvinum. Nú arbeiðsmaðurin gevst hjá kommununi, bjóð­aði Eyst­ urkommuna sínum starvsfólki saman við Roddmari Næs til morgunmat í býráðshúsunum í Norðragøtu. Sum gávu fyri trúgva tæn­ astu og gott samstarv hesi 19 árini, fekk Roddmar Næs dreygu­bonk frá Eystur­komm­ unu. Tað er ein virðiligur siður, sum nakrar kommunur hava lagt seg eftir, at bjóða til mót­ tøku, tá starvsfólk hava ser­ stakar dagar - antin talan er um serligar ársdagar ella merkis­dagar annars. VEGNA SUMMARFRÍ verður kommunuskrivstovan hjá Runavíkar kommunu stongd í døgunum 23. juli til 10. august. Meðan stongt er, verður víst til kunningarstovu, verkstaðið og vatnverkið. Tórbjørn Jacobsen plagdi annars at siga, at tað er ikki ein býur, sum sløkkir klokkan 17. 1000 tons av skervi og asfalti Parkeringsplássini við ferjuleguna á Gomlu­rætt verða í næstum flutt av eystur­ síðuni og vestur um oman­koyr­ingarvegin Vilmund Jacobsen Broytingin fer at merkja, at bilarnir, sum standa parkeraðir á Gomlurætt, ikki longur skulu standa eystan fyri, men vestan fyri omankoyringarvegin. Fyri eini tíð síðan varð alt grótið, sum hevur ligið undir berg­ inum á Gomlurætt og suður ímóti, har tunnilsmunnin til Sand­oy­ar­ tunnilin skal verða, ruddað burt­ur. Tað var fyritøkan, P/F HV Lützen, sum gjørdi hetta ar­ beiðið, og her var talan um 1500 rúm­metrar av gróti, sum lá undir berg­inum. Nú er so eftir at flyta park­er­ ings­plássini eystaru megin oman­ koyr­ingina vestur um vegin. Seinasta fríggjadag komu bil­ar, trumlur og onnur akfør hjá entre­ prenørfelagnum Kreton om­an á økið. - Í fyrstu syfti skulu vit slætta økið við skervi, og síðan verður alt asfaltterað, sigur umboð fyri Kreton. Kreton legði aftrat, at samlaða økið, sum skal javnast út og av­ faltterast, liggur um 3.500 fer­ metr­ar, og her skulu brúkast um­ leið 500 tons av skervi og 500 tons av asfalti.