mánadagur 16. juli 2018síða 22

Mánadagur 16. juli 2018 · Nr. 80 22 Sosialurin Hugskot og viðmerkingar – send sms til 225000 Vikan ið fór Frakland vinnur HM- finaluna við 4-2 sigri á Kroatia í Moskva í Russlandi. Antonie Griezmann, Kylian Mbappé, Paul Pogba og eitt sjálvmál tryggjaði Fraklandi annað HM-heitið í søguni. Luka Modric, liðskiparin hjá Kroatia, bleiv eftir HM- finaluna valdur til besta spælaran í kappingini. Hetta er fimtu ferð upp í slag, at ein spælari frá tapandi liðnum í finaluni verður kosin til besta spælaran í kappingini. 19 ára gamli Kylian Mbappé bleiv bara annar tannáringurin, sum hevur skorað í eini HM-finalu, tá hann í gjár skoraði til 3-1. Hin er ongin minni enn brasilska heimsstjørnan, Pelé. Víkingur tapur 2-1 á Svangaskarði í Champions League dystinum móti HJK Helsinki. Nú verður torført at koma víðari, men Víkingur skal óansæð sigur ella tap spæla tveir dystir í Evropa afturat. Í Europa League spælir B36 0-0 móti Titograd (Montenegro), meðan KÍ tapur tepurt 2-1 fyri Zalgiris (Litava). NSÍ stendur fyri skrædlinum, tá teir tapa heili 6-1 fyri skotska Hibernians. Hondbóltssambandið fær at vita, at landsdysturin móti Danmark ikki kann spælast á Hálsi ella í Klaksvík, men EHF vil vita meiri um møguleikarnar fyri at spæla í Marghøllini í Vági. Helgi Dam Ziska blívur nummar fimm í Faroese Open. Indiski stórmeistarin, Srinath Narayanan, vann kappingina sannførandi. Firvaldur, Sølmundur, Páll Fangi, Erla Kongsdóttir og Argjabáturin vunnu FM í kappróðri um vikuskiftið. Cristiano Ronaldo skiftir, eftir níggjur ár í Real Madrid, til Juventus. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Petur Reinert Aldur: 28. feburar 1978 Yrki: Fótbóltsdómari Royn tína vitan um ítróttin her og nú! Svarini standa niðast til vinstru, men royn teg nú fyrst 1: Mario Zagallo (Brasil) og Franz Beckenbauer (Týskland) 2: Harry Kane, Ongland (6 mál) 3: 1998 4: Hugo Lloris 5: Mario Mandzukic 6: 1966 (Ongland- Vesturtýskland 4-2, eftir longdaleiktíð) 7: Katar 8: Kylian Mbappé 1 Bara tríggir venjarar hava vunnið HM sum spælari og venjari. Tað triði er franski venjarin, Didier Deschamps. Hvørjir eru hinir báðir? 2 Hvør bleiv toppskjútti í HM-endaspælinum? 3 Frakland hevur eina ferð fyrr vunnið HM, nær var tað? 4 Liðskiparin hjá Fraklandi lyfti steypið í oysandi regni, men hvør er liðskiparin? 5 Ein spælari skoraði bæði mál og sjálvmál í finaluni. Hvør er hann? 6 Nær eru tað seinast komin seks mál í eini HM-finalu, um vit ikki rokna brotssparkskapping við? 7 Hvar verður HM í 2022? 8 Hesin spælarin er kosin til besta unga spælara í HM-endaspælinum, men hvussu eitur hann? Hey Petur. Í gjár fekk Frakland eitt brotsspark umstrítt brotsspark í HM- finaluni. Er tú samdur í avgerðini hjá dómaranum? Nei, eg eri ikki samdur í avgerðini. Eg haldi, at hatta á ongan hátt er tilvitað, og at Perisic gerst bilsin av, at bólturin kemur har. Tó keypi eg, at hann dømir tað - hetta er so grátt, sum slíkar støður kunnu blíva. Okkurt talar fyri brotssparki (bólturin kemur langan veg, og hann hevur hondina úti), meðan okkurt talar ímóti brotssparki (Hatta er als ikki tilvitað, og hann væntar ikki, at bólturin fer at koma har). Eg haldi eisini, at tað sær keðiligt út, at dómarin fer yvir aftur til skermin eftir at hava hugt at støðuni. Tá sær út til, at hann ivast, og tað vænti eg, at hann hevur gjørt. Tá haldi eg ikki, hatta skal dømast! Hvat helt tú um dómara avrikið í finaluni? Eg haldi, at hann dømdi fínt. Hann hevði fult tamarhald frá byrjan til enda, fekk fulla virðing frá leikarunum, og hann dømdi nógv "uppá avstand". Í mun til evropisku dómararnar, haldi eg, at hann ofta var nakað langt vekk frá spælinum, men hetta merkti ikki avrikið negativt. 1-0 málið sá út til at vera film frá Griezmann, og hetta fer helst at níva dómaran, tá hann sær støðuna aftur. Heldur tú í dag, at tað var rætt at brúka VAR til hetta HM-endaspælið? Nei! Tað haldi eg ikki. Hetta varð skundað ígjøgnum, og serliga í bólkaspælinum var heilt galið! Eisini haldi eg, at reglan um nær fríspark skal dømast fyri hond, tykist vera broytt! Um tú ikki kanst nýta VAR til at staðfesta, at Griezmann filmar til 1-0 málið, haldi eg heldur ikki, at brotssparkið skal dømast! Um tú skal peika á nakað, sum tú heldur hevur verið gott við hesum HM- endaspælinum, hvat er tað? Eg haldi generelt, at hetta hevur verið eitt heilt gott HM. Ongland kláraði seg væl, og Belgien og Kroatien hava eisini klárað seg væl, samstundis, sum Ísland var við. VAR tóktiskt eisini at rigga betri, aftaná bólkaspælið, so alt í alt ok. Eisini haldi eg, at tað er SERA, SERA jaligt, at hesir leikararnir, sum yvirspæla støður og filma, verða útstillaðir, so akkurát hesum viðvíkjandi dámar mær væl VAR!!! Er nakað, sum tú hevur hug at fílast á í samband við HM? Not really. Eg haldi, at VAR var ov fremmant fyri okkum, sum ikki fylgja væl við í Bundesliguni og Serie A, men tann trupulleikin er so loystur nú, tí allur heimurin kennir hetta nú. Man skal læra at hyggja at fótbólti av nýggjum. Eg stúri tó fyri, at hetta fer at vinda uppá seg, og so kemur tað til Premier League fyrr ella seinni. Eg havi ført Liverpool til finaluna í Champions League, og Kroatia til HM-finaluna. Eg haldi eg havi uppiborið, at verða mettur sum ein av bestu verjuspælarunum í heiminum. Til tíðir nógv útskeldaði miðverjin, Dejan Lovren, undan HM-finaluni Vit spældu ikki nakra stóra finalu, men vit vístu stóra mentala styrki. Tað nívdi okkum nógv, at vit taptu EM finaluna fyri tveimum árum síðani. Tað hava vit lært av. Didier Deschamps, franskur landsliðsvenjari, eftir HM-finaluna 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Franski liðskiparin, Hugo Lloris, tekur móti HM-streypinum í oysandi regni á Luzhniki leikvøllinum í russiska høvðusstaðnum, Moskva